開心果食譜｜早前有一間荃灣老字號店舖快閃限量推出開心果糯米糍，有人在開心果關注組大讚好好食。不少朋友也表示想再有機會食到，亦有朋友錯過機會購買而感到可惜。小編作為開心果控的一份子，決定教大家整這個開心果糯米糍，原來簡單5步就做好，而且自己整的話更可以盡情放滿開心果餡料。
-
準備時間
1小時內 -
份量
4人以上
-
糯米粉: 360克
-
粟粉 : 45克
-
橄欖油: 45克
-
水: 425克
-
開心果: 200克
-
白芝麻: 30克
-
砂糖: 65克
開心果糯米糍食譜及做法：
1. 壓碎開心果後用中火炒至金黃，再加入白芝麻炒至變色，放涼後拌入砂糖，作為餡料。
2. 小火慢炒其中60克糯米粉至微微發黃，放涼待用作熟粉。
3. 將其餘糯米粉、粟粉、水、橄欖油攪拌成糊狀，用篩子過濾至抺了油的盤內，中火蒸30分鐘。
4. 在耐熱膠袋內倒入少許油，放入粉糰搓至順滑，待涼備用。
5. 把粉糰割成小塊，兩面沾上熟粉後壓成薄片。放入餡料後，對摺收口並搓圓，包好後再滾上熟粉防黏。
完成啦！糯米糍飽滿大粒，外皮煙韌軟熟。咬開超爆餡，入面是滿滿的開心果碎，非常香口。大家記住糯米糍是當天食最好食，所以要盡快食用啦~
人氣食譜排名
-
甜品
民豐粉麵行
開心果糯米糍
呢度既開心果糯米糍好出名，勁多人排隊買，入面好多涵料，的確係幾抵食，糯米就稍為厚皮左少少，但涵料係勁多，爆涵抵食推介。 #Dessert #糯米糍
閱讀更多
-
打卡熱點
荃灣嘅民豐粉麵行嘅招牌爆餡糯米糍自推出就大受歡迎，每日賣出高達6000粒 週末下午排隊大約等咗20分鐘，而家韭菜餅同糯米糍係分開排隊，如果買其他嘢就可以直接入去，整體流程都幾快 開心果、榛子同腰果糯米糍，每款$12一粒，其他口味就大概$6一粒，記得要帶現金！！ 糯米糍大粒飽滿，外皮煙韌軟熟，一咬就爆餡，開心果味雖然偏甜少少，但都食到好香嘅堅果味，榛子味同腰果味就無咁甜，食得出堅果香，花生味似糖不甩，芝麻餡都好香口，而豆沙餡微甜，仲可以食到粒粒紅豆，建議買完後即日食，避免影響口感同味道，千祈唔好放入雪櫃！ 最後喺比錢時順便加購咗一粒眉豆茶果，返到屋企加熱一下再食，糯米皮同樣煙韌，餡料調味都唔錯！ #每日都滿滿能量
閱讀更多
-
香港攻略
民豐粉麵行
爆餡糯米糍 人氣開心果口味 由早排到晚值唔值？
呢間都真係由細食到大 細個係食佢餡餅同餃子 呢幾年都少食左 佢因為開心果糯米糍所以爆紅 真係由日排到夜 個日食完晚飯見到得幾丁友所以諗住買 都等左成15 因為阿姐唔係好快手快腳 但就好人黎既 無晒榛子我買左開心果腰果豆沙同芝麻 堅果既12/粒 傳統6/粒 價錢係抵 又加上因為turnover 勁 所以呢其實個皮真係好軟熟 公平講佢唔係皮薄餡靚 但呢個水準同價錢會收貨 如果黎開唔洗排超過10分鐘 我會再食 口味方面 個人感覺腰果豆沙比較出色 開心果落左糖粒但仲唔到畫龍點睛 就係食到餡又開心果又糖咁 #打卡美食 #UCreator #打卡 #開心果 #開心果控
閱讀更多
