以桃花做新春主題嘅Pacific Coffee 限定推出桃花牛奶咖啡（標準杯$39）同桃花牛奶抹茶（標準杯$397），濃濃嘅咖啡入面加獨特嘅桃花口味，令咖啡同牛奶抹茶散發陣陣嘅清幽花香，推廣做到2月23日。
除咗飲品，Pacific 仲出咗情人節及新年限定版隨行杯、白色桃花保溫瓶（$198 / 350毫升）同粉紅漸變陶瓷杯（$108）等，送禮自用都啱喔！另外，如果你喜歡 Pacific 嘅古樹茶系列嘅，今期推出咗古樹茶禮盒 （$468套），包括茶壺、茶葉隔杯、茶杯2隻、古樹茶紅茶、古樹茶熟普。古樹茶紅茶茶湯呈現紅橙色，清澈誘人，口感舒適，淡雅嘅蜜糖甜醇縈繞於口中久久不散。而古樹茶熟普性情溫和，散發出濃郁嘅陳茶香味，口感飽滿，甘滑柔順，綿甜爽口。
歡迎你 like 我哋 U Food Facebook Page / U Food Instagram ，取得我哋更新更快嘅資訊！
