陳豪都 LIKE！法式小館最新 menu！

今次嘅 menu 為客人帶來 3 款新前菜、5 款主菜同埋幾款小食，菜式亦加入咗亞洲元素，更加有新鮮感。全新前菜推介鵝肝醬柑橘啫喱伴火龍果醬同埋薑味吞拿魚他他配粟米蓉慕絲伴蓮藕片比大家。至於主菜呢，就有香煎吞拿魚扒伴腌篤鮮湯配木魚絲炸豆腐、烤豬肩紅酒蘋果批伴蘋果香草醬、獨烤海鮮醬醃製羊鞍伴番紅花薄荷飯同埋法式麵包粒封煎北海道帶子配蝦肉毛豆蓉橘子沙律，另外仲有一款專為素食者而設嘅 Catalan 式番紅花咖喱什菜意粉。

餐廳仲搞搞新意思，推出西洋書法酒瓶簽名服務，只要你飲任何 750mL 瓶裝酒，就可以喺酒瓶上面畫上獨一無二嘅西洋書法簽名，幾得意！