為咗慶祝美國國慶日，Butchers Club Burger 將會推出以冬甩製作嘅 The Glory Hole 漢堡包，配上重 160 克的乾式熟成牛肉漢堡扒、楓樹糖漿煙肉、捲心生菜同埋美國芝士。又真係唔係人咁品喎，咁新奇嘅配搭真係第一次見，餡料夾喺兩片糖霜冬甩之間究竟會係咩味？想知道嘅話可以喺 7 月 1 日至 4 日買個來食下，售價 $100。
食 burger 點可以冇薯條！Butchers Club Burger 好醒地同時推出芝士漢堡肉醬薯條，漢堡肉醬係將乾式熟成牛肉漢堡扒切粒，加入車打芝士、水牛芝士，再淋上燒汁而成，售價 $100。大家亦可以選擇冇漢堡扒肉嘅芝士肉汁薯條，售價 $30。有興趣可以喺 7 月 1 日至 31 日（只限香港區四間分店供應）買到！
* 7 月 1 日起，中環 Butchers Club 將會短暫時間關閉並於 8 月中於士丹利街重開。
文：Jenny Ling
歡迎你 like 我哋 U Food Facebook Page / U Food Instagram ，取得我哋更新更快嘅資訊！
