在香港食千層蛋撻又多個選擇！太古城有間米芝蓮級餅廚主理的手工麵包店「Baker by Lubuds」，客人大排長龍就為了一試超搶手的千層牛角酥皮蛋撻！除了熱賣千層蛋撻外，太古城Baker by Lubuds 出品的牛角包、爆餡忌廉包、朱古力麻糬包同樣高質，麵包控快Bookmark地址試試啦～
👇 太古Baker by Lubuds千層蛋撻出爐時段＋價錢：
太古城精品手工麵包店「Baker by Lubuds」由擁有20多年豐富經驗的烘焙大師蘇樹楠Stephen 主理，星級餅廚Stephen 曾效力於米芝蓮三星餐廳L’Atelier de Joël Robuchon、五星級酒店Rosewood、The Ritz-Carlton，出品的麵包質素有保證。
👇 Baker by Lubuds必試麵包款式+價錢：
必試Baker by Lubuds 千層蛋撻，選用牛角酥皮麵糰製作撻皮，經長時間烘焗至焦糖化，特別鬆化酥脆，而蛋漿加了法國忌廉和牛奶，口感更香滑。千層蛋撻每日逢9:30am、12pm、3pm新鮮出爐，每輪供應約100件千層蛋撻，每次出爐都火速售罄！
除了人氣熱賣的千層蛋撻外，太古Baker by Lubuds 的牛角包亦係招牌作之一。牛角酥講究用上法國A.O.P.牛油和日本麵粉，牛油比例較坊間的牛角包更高，酥皮反覆摺疊12層，富牛油香。
另有鹹香的火腿金文畢芝士牛角酥、杏仁牛角酥、朱古力牛角酥。
爆餡忌廉包超邪惡，有白朱古力、抹茶朱古力忌廉牛油軟包，用上法國Valrhona 33%白朱古力和日本西村抹茶，抹茶味香濃不甘澀，值得一試！
喜歡酥脆口感的朋友必試方塊酥盒，可選雲呢拿、士多啤梨吉士餡，酥盒金黃香脆，層次分明。
推介開心果脆脆酥卷，唧入Mascarpone芝士忌廉餡後，再塗滿香濃開心果脆脆醬，面層有炙燒雲呢拿蛋白霜，賣相精緻。Baker by Lubuds還推出了士多啤梨丹麥卷，加入新鮮士多啤梨，散發陣陣莓香。
朱古力麻糬黃金麵包同樣值得一試，內有香濃榛子醬和軟糯麻糬，層次豐富。至於朱古力牛油扭紋麵包口感鬆軟，切開呈雲石朱古力紋，好吸引。
Baker by Lubuds
地址：太古太古城道18號太古城中心3樓307號舖
營業時間：8am - 8:30pm
電話：2326 8832
飲食熱話
-
打卡熱點
Baker by LUBUDS
太古城人氣千層蛋撻🔥🥐
呢間人氣Bakery嚟親都排哂長龍🥹 難得唔洗排隊即刻就買佢幾款黎試！ 睇返先知原來係同望月同集團 必試絕對係個蛋撻 限量供應但又唔貴 一打開盒已經聞到好香牛油味 雖然唔係啱啱出爐 但因為佢地既酥皮整得好好 所以食落依然酥脆 而且個餡好香蛋味 相信唔少人都會拎佢同知名bakehouse比較 比起bakehouse 個人更喜歡佢既餡 同港式蛋撻/萄撻感覺更相近 絕對值得一排🥹 另外亦試左三款麵包 開心果脆脆酥卷，士多啤梨丹麥同朱古力麻薯黃金麵包 開心果既味道十分突出 如果鍾意開心果哩個係必試 另外士多啤梨丹麥 中間既吉士同Jam加埋香甜帶微酸 配合酥皮真係一個完美既甜品 朱古力麻薯中間既麻薯滿滿 朱古力餡唔會過甜又有啲榛子味 整體黎講三款都好好食 相信牛角包亦喺餅店既強項⭐️ 📍 Baker by Lubuds (太古) 太古太古城道18號太古城中心3樓307號舖 #香港美食#打卡美食#生活足跡#太古#太古美食#攻略#UCreator#UCreatorHK
閱讀更多
-
打卡熱點
今天去了K11 Musea gc Bakery 選了兩款麵包做早餐展開美好的早上☀️ 這間麵包店最出名是牛角酥，是由法國名廚Gontran Cherrier主理，有咸有甜，款式多而且非常酥脆🥐超好食😍 我選的第一款是雜草莓丹麥酥🍓 雜草莓配搭奶油新鮮香甜，丹麥酥外脆內軟，口感鬆化，令人一試難忘🥰 第二款是杏仁牛角包🥐 杏仁牛角包表面灑了滿滿糖粉和鋪滿烤至金黃的杏仁片，咬下去是滿滿嘅杏仁醬😍甜度剛好，超級驚喜！外皮也超級鬆脆而且質感超級正🥰 #排毒養生美肌一包過
閱讀更多
-
打卡熱點
太古城中心
太古城必食千層蛋撻🤤
果日7點遲去已經食唔到,第二日先攞到! 果然食好嘢係要孝驗耐心! 太古城有間 #米芝蓮級餅廚主理的手工麵包 店｢Baker by Lubuds｣ 大家大排長龍就為了一試超搶手的千層牛角酥皮蛋撻!佢由擁有 20 多年豊富經驗的烘焙大師蘇樹楠 Stephen 主理,星級餅廚 Stephen 曾效力於米芝蓮三星餐廳L'Atelier de Joel Robuchon､五星級酒店#Rosewood､#theritzcarlton,絕對有 質素保證,所以食好嘢真係要有耐心 必試 #千層蛋撻,選用牛角酥皮麵糰製作撻 皮,經長時間烘焗至焦糖化,特別鬆化酥 脆,而蛋漿加了法國忌廉和牛奶,口感更香 滑｡千層蛋撻每日逢9:30am､12pm､3pm 新鮮出爐,每輪供應約100件干層蛋撻,每次出爐都火速售罄!所以唔係真係想買就買到!但佢口感真係非常鬆脆,酥皮又唔油膩 口感一流! 今次我仲加埋被喻為挪威｢國民美食｣的 TINE Brunost 挪威焦糖芝士,口感更上一層樓!天然濃郁焦糖味,以及幼滑細膩的質感! #芝士控 佢嘅製作過程與其他芝士完全不同,在生產過程中,首先會分離出製作傳統芝士的凝乳 並留起乳清,然後將乳清加熱並加入濃厚的原乳｡ 下一步是將以上的原材料混合並加熱,藉以將當中的糖份分解及焦糖化,味道比其他芝士香甜及濃郁｡而加熱的時間越長,製成的芝士顏色亦會越深｡ 接下來挪威焦糖芝士的半成品會被分批放 涼,令當中的天然乳糖結晶化,過程在嚴格的監管下進行,以確保糖份結晶不會過快,而不影響幼滑的質感｡ 由於獨特的焦糖味以及甜味與鹹味的平衡,能夠與其他食物完美配合,挪威焦糖芝士配搭窩夫､班戟､雪糕､甜品､糕點､咖啡,或直接當作零食享用都可以｡ 挪威焦糖芝士曾贏得多項國際性獎項,亦曾 揚威世界芝士大獎 (world Cheese Award ! • Baker by Lubuds 地址:太古太古城道18號太古城中心3樓307號舖 營業時間:8am - 8:30pm 電話:2326 8832 #獨特焦糖香氣#完美配搭其他食物#150年 歷史 #挪威芝士#香港必食#試超推薦!! #香港好去處#香港旅行#香港美食 #hkfoodie#hkfoodieblogger#UCreator#打卡美食#好去處#打卡#chill
閱讀更多
