【大埔深宵美食】逾10間大埔宵夜推介｜附宵夜時段特價優惠！

最Hit食訊

發佈: 08-03-2025 20:27

文: 姚樂妍

2025大埔宵夜推薦｜深夜總是「口痕」，不食飽肚又點會瞓得著呢！而大埔作為一個平價美食集中地，不管你是想食串燒、掃街、打邊爐、飲酒、食糖水甜品，還是吃暖暖的粥品、飲夜茶，其實大埔都有不少宵夜選擇！以下為大家整合超過10間大埔宵夜推介，大家快啲book mark定，肚餓時就馬上出發去試吧！

↓點擊圖片放大↓

大埔宵夜2025｜逾10間大埔餐廳推介！

「大滾友火鍋」宮廷主題火鍋店
「八妹雞煲」惹味雞煲火鍋專門店
「苑記粉麵茶餐廳」地道牛腩粉麵店
「樂記煲仔飯粥麵專家」大埔必食粥品+煲仔飯
「華輝餐廳」米芝蓮茶記蘋果批
「萬利小食店」平民車仔麵
「三多」最強生炸雞髀
「好好食品」街坊港式小食店
「芝加哥串燒酒場」性價比高串燒酒吧
「金堡」屋村漢堡小店
「舊果香林豆腐花」街坊抵食豆腐花

<<更多香港美食推介>>

大埔宵夜推介｜1.「大滾友火鍋」

「大滾友火鍋」以古色古香的宮廷風格為主題，以人手雕刻龍紋鍋爐、青花瓷器餐具營造古代皇宮華麗氣氛。火鍋湯底款式多樣，菜名更大玩港式文字藝術。以招牌「玲瓏浮凸花膠雞湯」為例，湯底以新鮮三黃雞熬足三小時而成，濃郁可口之餘滋陰養顏，適合愛美的女士們飲用。火鍋配料亦相當豐富，包括來自不同產地的肉類及各種海鮮，牛肉拼盤食齊十幾款部位。宵夜時段21:30入座有85折優惠，22:30入座更享有78折優惠！

↓點擊圖片放大↓

+10

大滾友火鍋地址、電話及營業時間

地址：大埔舊墟直街4-20號美新大廈地下B2號舖
電話：6564 7986
營業時間︰星期一至日14:00 - 02:00

大埔宵夜推介｜2.「八妹雞煲」

「八妹雞煲」走懷舊港式風格，重塑舊式戲院、街邊大排檔的場景。餐廳主打「一煲兩吃」的雞煲火鍋，鎮店雞煲精選兩斤重的三黃雞，用上十多款香料熬製，食客可選喜愛的辣度。即炒雞件嫩滑入味，口感彈牙結實，掛滿香濃的秘製麻辣醬汁。食完雞件後可以加湯打邊爐，手切肥牛是人氣配料，選用即日送到的本地牛肉，肉味重，鮮嫩有嚼勁。其他受歡迎配料有手打蟹子蝦滑、竹串海蝦、即叫即炸的自家製響鈴等。

↓點擊圖片放大↓

+12

+11

八妹雞煲地址、電話及營業時間

地址：大埔舊墟直街4-20號美新大廈地下A1號舖
電話：2667 0699
營業時間︰星期一至日17:00 - 02:00

大埔宵夜推介｜3.「苑記粉麵茶餐廳」

「苑記粉麵茶餐廳」主打傳統港式粉麵，夜晚想食一碗熱呼呼的湯麵就最適合！餐廳主打牛腩牛雜麵，牛腩份量十足，炆得非常軟腍嫩滑，而牛雜清洗得乾淨無異味，同樣炆得入味，配上綿滑的幼河粉，再加少許辣椒油提鮮，就是簡單的美味。其他粉麵如紫菜魚蛋伊麵、雲吞粗麵、豬手湯麵同樣出色。天氣凍的時候，餐廳還會供應香噴噴的煲仔飯，全部都是即叫即整，保證熱騰騰。

↓點擊圖片放大↓

+10

苑記粉麵茶餐廳地址、電話及營業時間

地址：大埔運頭街81號地舖
電話：2638 5521
營業時間︰星期一至日07:00-04:00

大埔宵夜推介｜4.「樂記煲仔飯粥麵專家」

「樂記煲仔飯粥麵店」以生滾粥、煲仔飯和玻璃腸粉最受歡迎。夜晚想食碗粥清清腸胃，除了一般的狀元及第粥、艇仔粥外，想食豪啲可以選擇花蟹粥，生滾粥極為綿滑，有好多件蟹身及蟹膏，而且非常鮮甜，但都只係$60左右，非常抵食。食粥又怎少得絕配組合－手拉腸粉呢？腸粉皮夠薄而且好滑，可以配搭不同配料。而晚市供應的煲仔飯更是必食之選，以火爐即點即煲，熱辣辣上枱，飯香而且粒粒分明，底層的飯焦香脆，而臘味煲仔飯及窩蛋牛肉飯是人氣之選。

↓點擊圖片放大↓

+10

樂記煲仔飯粥麵專家地址、電話及營業時間

地址：大埔運頭街91B號地舖
電話：3797 5318
營業時間︰星期一至日11:00 - 03:00

大埔宵夜推介｜5.「華輝餐廳」（已結業）

「華輝餐廳」由1981年開業至今，又曾成為電影的取景地。有別於一般茶餐廳，最出名並不是焗豬扒飯或港式奶茶，而是由自家餅房出品的麵包西餅。蛋球、蘋果批和雞批被稱為鎮店三寶，其中蘋果批更被譽為大埔名物之一，曲奇餅皮香脆，裝滿酸酸甜甜的蘋果餡。而雞批同樣以牛油餅皮作批皮，用上雞肉、忌廉湯、火腿、乾蔥等材料炒香，餡料豐富。另一名物蛋球粒粒金黃圓渾，食落蓬鬆鬆軟，表層沾滿砂糖。最重要24小時營業，食客任何時候都可以買來食。

↓點擊圖片放大↓

+10

華輝餐廳地址、電話及營業時間

地址：大埔鄉事會街13號地舖
電話：2656 6420
營業時間︰星期一至日24小時營業

大埔宵夜推介｜6.「萬利小食店」

「萬利小食店」以車仔麵及港式小食最有名，車仔麵的2餸1麵配搭由$29起，價錢非常大眾化。車仔餸選擇亦唔少，牛腩、魚肉、鳳爪、蘿蔔、豬腸也是熱門選擇。街坊私下推薦湯底要加腩汁，因為腩汁肉香味濃，而喜歡食辣的朋友必定要加店內的特製辣醬，香辣帶點麻，非常刺激。不夠飽的話可以叫埋同樣出名的腸粉。爽滑的腸粉加上大量麻醬、芝麻和甜醬，再加配陳皮魚蛋和燒賣，非常豐富。

↓點擊圖片放大↓

萬利小食店地址、電話及營業時間

地址：大埔安泰路1號大埔廣場地下G15號舖
電話：26651122
營業時間︰星期二至日10:00 - 01:30

大埔宵夜推介｜7.「三多」小食

「三多」主打巨型炸雞髀，雞髀以吉列炸法製成，裏上麵包槺，而且是即叫即炸，所以雞皮金黃香脆而不油膩，肉質嫩滑且富有肉汁，食落啖啖肉非常爽。食得辣的話一定要加辣粉，會更加惹味香口。不想熱氣的可以選擇滷水雞髀，同樣是即叫即煮，自家秘製滷水甜甜地非常入味。店內亦有豉油肉碎炒腸粉，椒鹽雞軟骨等不同小食，更有炒公仔麵、意粉及飯類的飽肚選擇。

↓點擊圖片放大↓

+10

三多地址、電話及營業時間

地址：大埔北盛街29A號地舖
電話：2651 6113
營業時間︰星期一至日18:00 - 03:00

大埔宵夜推介｜8.「好好食品」

「好好食品」主打港式小食和粉麵，價錢非常親民，是街坊的速食之選。店內提供包羅萬有的經典街頭小食，如燒賣魚蛋、炸豬扒、煎釀三寶、生菜魚肉等，當中的炸雞髀也是招牌之一。炸脾幾乎大過一塊面，皮脆肉嫩，充滿肉汁，證明是即叫即炸。飽肚之選還有各款湯河粉麵及炒粉麵類，推薦嘗試銀芽炒麵或好好炒飯，炒得乾身有鑊氣。店內亦有甜品如芒果西米露、腐竹蛋糖水、椰汁涼粉等，食客可以歎一碗透心涼的冰涷糖水。

↓點擊圖片放大↓

好好食品地址、電話及營業時間

地址：大埔北盛街15號地下A號舖
電話：2657 1186
營業時間︰星期一至日20:00 - 03:00

大埔宵夜推介｜9.「芝加哥串燒酒場」

「芝加哥串燒酒場」以一間串燒作招徠的酒吧餐廳，非常適合約朋友一齊Chill下。店內亦有英超足球直播，三五知己邊食邊看極有氣氛。餐廳內的所串燒都是即叫即製，而且款式非常多，有牛豬羊雞、新鮮海鮮、丸類、蔬菜等，其中蒜蓉醬燒生蠔是主打，蒜香濃郁惹味同時不會蓋過生蠔本身的鮮甜。食串燒的絕配當然是飲酒啦~餐廳有超過二十款酒水選擇，宵夜時段更有精選生啤買一送一，誰要食串串燒啤一啤呢？

↓點擊圖片放大↓

+11

+10

芝加哥串燒酒場地址、電話及營業時間

地址：太和大埔太和路15號太和中心地下37號舖
電話：5723 3338
營業時間︰星期一至五17:00 - 03:00；星期六至日12:00-05:00

大埔宵夜推介｜10.「金堡」

「金堡」是一間主打美式漢堡和韓式快餐的小店。店內漢堡包即點即製，保證新鮮熱辣辣。招牌經典漢堡以烘脆的麵包夾入厚打牛肉漢堡扒、新鮮蕃茄、生菜、車打芝士及小黃瓜，的確是宵夜的邪惡之選。不喜歡食牛的話，還有其他豬柳、海鮮、素食漢堡可以選擇。而韓食方面亦有很多款式，例如辣炒年糕、泡菜牛肉炒粉絲、韓式炸雞薯條等。餐廳另有意粉飯餐、香口小食等供應，選擇非常豐富，總有一款啱你口味。

↓點擊圖片放大↓

+10

金堡地址、電話及營業時間

地址：大埔頌雅路11號富蝶邨斑蝶樓地下LG04號舖
電話：6271 4328
營業時間︰星期一至六9:30- 02:00

大埔宵夜推介｜11.「舊果香林豆腐花」

「舊果香林豆腐花」主打自家製豆腐花，可以選擇買完在街邊食或者外賣回家享用。小店的豆腐花口感滑溜，有淡淡的豆味。豆腐花款式非常多，可以淨食配搭黃糖、桂花冰糖、薑汁或咸醬油，又可以雙併其他糖水，例如薏米白果、紅豆沙、綠豆沙、黑芝麻糊等，一次品嘗兩款味道。小編私心推介配搭紅豆沙，口感濃稠起沙，而且充滿果皮香味。豆腐花糖水最貴也只是$11，售價真的是頗便宜。

↓點擊圖片放大↓