尖沙咀最近新開了一間悠閑風泰國餐廳「Luna Bar & Restaurant」，餐廳由泰國當地出名五星級酒店餐廳主厨主理，提供多款正宗泰國菜式，當中包括泰式炸咸豬手、泰式咖哩麵包軟殼蟹、泰式火鍋、泰式紅燒大元蹄及泰式爆炸蟹等菜式。另外餐廳還設有多種娛樂設施，例如飛鏢機和卡拉OK，大家不妨約埋朋友去試試啦~
▶立即下載U Lifestyle App： https://onelink.to/ulapp2
餐廳裝潢以白色和綠色為主調，配搭綠色植物作裝飾，讓食客仿佛置身於大自然中，整體感覺悠閒舒適。除了用餐位置外，餐廳還設有多種娛樂設施，例如飛鏢機、Beer Pong、卡拉OK及Live Band表演台等，客人用餐同時也能與親朋好友一同共度歡樂時光放鬆身心。(*想唱K的朋友，記得預先打電話聯絡餐廳預留卡拉OK房啊～)
泰式小食方面，必點小食拼盤，有齊泰式蝦餅、蒜香雞翼、豬頸肉、串燒及肉碎生菜包，非常豐富，適合多人享用。
招牌推介泰式炸咸豬手，菜式參考了德國鹹豬手的烹飪方式，以其獨特的泰式風味呈現。廚師首先將豬手醃製至微微帶有鹹香，然後以先焗後炸的方式，使外皮香脆同時肉質爽彈不乾，再搭配泰式甜酸醬或秘製辣汁一同享用，更添滋味。
泰式咖哩麵包軟殼蟹亦是必試菜式之一，特調的咖哩醬汁經過精心熬煮，散發出濃郁的南洋泰國風味，椰香味濃郁。而軟殼蟹則以酥炸的方式處理，外層酥脆，內裡鮮嫩。配搭每日新鮮焗製的農夫包，軟殼蟹的香脆與麵包的軟綿相輔相成，非常吸引！
泰式紅燒大元蹄靈感來自上海的傳統名菜「紅燒元蹄」，然後再加入了泰式鹵水香料。傳統的燉煮使肉質鮮嫩多汁，而泰式鹵水香料更添鹹香惹味，非常有特色！
惹味之選不能錯過泰式爆炸蟹，融合了港式橋底辣蟹的靈感和泰式獨特風味。主廚選用每日新鮮運送充滿肉汁的肉蟹，再搭配了大量的乾蒜蓉、香葉、香茅、南薑、檸檬葉和辣椒等香料，使得菜品香氣濃郁同時帶陣陣辣味，送酒一流！
喜歡打邊爐的朋友推介試試泰北特色火鍋，「Mu kratha」在泰語意思為「豬肉鍋」，當中包含豬肉和各種美味食材。泰式火鍋通常使用傳統的木炭起火烹煮，營造出特有的炭燒風味。餐廳更特別將港式海鮮火鍋配搭冬蔭功湯底，讓整個湯底都充滿濃郁的海鮮風味。烤豬肉再沾上泰式沾醬，食落風味十足！
海鮮控就可以試試香港好少地方有的泰式生醃螄蚶，食落酸辣鹹鮮，送酒一流！
飲品方面，提供多款泰式特飲，例如新鮮椰青、泰式珍多冰及泰式香芒沙冰等，飲落清爽解暑。
Luna Bar & Restaurant
營業時間：星期一至日 11:00-23:00
地址：香港尖沙咀漆咸道南23-27號LUNA MARKET 後鋪（入口位於麼地道41至43號）
電話：96828678
人氣餐廳排名
-
泰國菜
金屋泰國菜館(葵芳店)
泰國菜新體驗！勁正宗😋！ #金屋泰國菜
今日見到間新開泰國菜.即刻去試吓,內裏環境都幾闊落,見到廚師全部都係泰國人,侍應都大部份係,正宗泰國菜😍 生蝦刺身8隻【$98】 每隻蝦都大隻新鮮,厚肉,一啖放入口勁滿足🥳 紅燒泰式魚翅【$138】 上枱熱辣辣,仲有大魚翅😋魚翅羹少少辣辣地,幾正😋 泰式火山骨【$158】 份量十足,湯底濃郁,酸酸地,醒神開胃 甜品拼盤【$85】 每一款都係泰國食開嘅甜品,各有特色😋👍🏻 牛油果沙冰【$33】 珍多冰【$33】 兩款都幾好好飲🥰 整體性價比都好高,值得推介👍🏻 🔗金屋泰國菜館 (葵涌) 📍葵涌榮芳路97-101號葵祥大廈地下A&B號舖 ☎️23108899 #foodie #hkfoodie #葵芳美食 #泰國菜 #香港美食 #必食 #推介 #甜品
閱讀更多
-
打卡熱點
麵堂
泰式美食之旅！啟德演唱會🎶醫肚之選😋！
#frostie啟德之旅 ✅ #麵堂 📍美食探險👉 @frostiewithfood - 🔥啟德零售館 演唱會醫肚仔之選🔥 之前都有嚟過呢間泰式食肆食飯,感覺都幾方便傾計,今次約埋朋友過嚟撐枱腳吹下水!! 冬陰醬雞絲沙律 $53 首先叫咗一款雞絲沙律,除咗有雞絲之外,仲有青木瓜､洋蔥等泰式常用嘅食材, 最底下就用咗生菜鋪底, 淋上泰式冬陰醬,所以有一定辣度,入口開胃~ 白咖哩香茅豬扒飯 $121 主食叫咗一個白咖哩香茅豬扒飯,加錢叫香草墨魚餅及季節花茶｡ 白咖哩望落清淡,但係其實都夠味,香茅豬扒肉汁軟淋,配上白咖哩都仲保留到本身嘅味道👅香草墨魚餅有兩塊,外表金黃,墨魚餅口感結實,仲可以加泰式甜辣醬一齊食🥰 泰式豬手配雞油香飯 $115 另一款套餐叫咗泰式豬手配雞油飯,加錢叫石榴橘子綜合茶及娘惹芽菜｡ 泰式豬手煮得好入味, 豬手肉質甚至有啲鬆散, 配上白飯一流, 側邊仲有滷肉,小棠菜等配料, 有少少似泰式同台式嘅配搭｡ 石榴橘子綜合茶係熱茶,入口清香👍🏻娘惹芽菜叫咗醬油汁,芽菜份量都唔少,煮到啱啱好,食落仲有爽脆口感‼️ 泰北豬扒黃咖哩金麵 $89 朋友叫咗款泰北豬扒舊黃咖哩,嘢飲就叫咗椰青滑冰,豬扒厚切, 炸過嘅豬扒質地較為結實,配搭黃咖哩就好惹味｡ 麵底似闊麵, 都幾索湯汁｡ 麵線除咗有豬扒之外仲有扎肉､洋蔥等泰式湯麵常見配料,辣度明顯😂椰青滑冰味道清甜, 口感似沙冰,食完辣的食物飲返啖最好😝 - 分數:4/5 - 🏠 @min.tong9 - #打卡able#相機食先#啟德體育園#甜品#療癒美食#dessert#foodie#ComfortFood#啟德美食#啟德探店#啟德#零售館#UCreator#打卡美食#打卡#chill#好去處#泰式料理#演唱會餐廳
閱讀更多
-
打卡熱點
Milu thai มิลู่ไทย 尖沙咀
尖沙咀泰國菜😋 打卡必食火山排骨🔥
尖沙咀高質泰國菜餐廳~Milu Thai (亞士厘道)⭐️⭐️⭐️⭐️⭐️ 呢間泰式cafe位於尖沙咀亞士厘道24-38號天星大廈,近地鐵站非常方便｡今次同朋友慶生,就揀咗呢間餐廳試下😍 呢度嘅環境都幾大,坐得舒適｡打開Menu一睇,無論係菜式定嘢飲,都好多選擇非常吸引😋仲有酒可以order🍷🍸🍹🥃 我哋分別嗌咗: 1)火山排骨 呢道菜真係好壯觀,兩大塊脊骨好似火山咁,個底仲有幾塊細嘅,肉量其實唔少,好滿足!識食一定要食埋啲骨邊肉,呢個部位先最好食😏最重要一定要沾上甜酸醬,咁樣食先惹味,如果大家食得辣嘅,可以沾埋酸辣醬😍口感十分讚! 2)火焰燒雞 極力推薦!呢個火焰燒雞係成隻上,上檯後staff點火前,會好貼心問想打卡嘅各位準備好未🤣俾客人相機食先~點完火後會幫客人切件 超細心💛至於隻燒雞淨係賣相都好吸引,誘人的金黃色,肉質鮮嫩多汁,而且仲配埋甜酸醬,Perfect👍 3) 泰式蛋包炒金邊粉($118) 呢個金邊粉嘅賣相非常適合打卡,薄薄嘅蛋皮包住啲饀,上面仲擺咗兩隻炸蝦｡啲金邊粉口感煙靭,酸酸甜甜好開胃🍤🍤🍤 4)泰式串燒 豬､牛､雞各兩串😍口感好惹味,配埋沙嗲汁真係冇得頂👍 5)生菜肉碎包 呢道菜嘅豬肉碎以蒜頭,乾蔥,香葉和其他 泰式香料一齊爆炒｡整好個生菜包,一啖咬落去更有滿滿肉汁流出,辣辣地好惹味,愈辣愈想食😍 6)小食拼盤 小食拼盤都好大份,total有成五款小食😍 中間有香脆蝦片,另外仲有彈牙好香嘅蝦餅､雜菜餅｡最吸引嘅仲有荷葉包住嘅燒雞､素菜春卷⭐️ 點埋甜酸醬一齊食,好惹味😋 7)珍多冰 本身嘢飲太多選擇,選擇困難症又發作🤣好在朋友推介話珍多冰好飲,即刻order咗一杯,口感香滑,好飲到停唔到口🤣又唔會太甜👍正呀! 未試過嘅朋友,大力推薦可能去試下呢間泰國餐廳😋😎 #狂歡partytime#日玩夜玩#出發打卡#ucreator#打卡美食#chill賞遊世界#好去處#chill#打卡#隱世打卡點#全新景點#相機食先#香港美食#港玩港食#foodie#hkfoodie#ucreatorhk#momentswithucreator#全民打卡企劃#香噴噴#香氣四溢#香港美食#食好西#西餐廳#ublog#ublogger#美食#女生#打卡熱點#熱門菜式#美食推介#hkig#香港好去處#ok即刻有#foodiehk#假期推介#假日好去處#節日推介#打卡熱點#著數#著數#香港#hk#hongkong#食咗先講#尖沙咀#尖沙咀美食#想去就去#foodporn#hkfood#香港打卡#美食分享#ulifestyle#lifestyle#hkigers#hkgirl#hkgirlstyle#親子好去處#拍拖好去處#週末好去處#打卡好去處#夏日出遊#夏日打卡日常#慶祝#酒#泰國#thaifood
閱讀更多
