聖誕自助餐｜太子酒店SAVVY自助餐5折／買二送二優惠！任食龍蝦／麵包蟹／鐵板煎鴨肝／烤澳洲牛肉

Bean Wong

擦餐勁

8度餐廳

快閃優惠半價食酒店自助餐

快閃半價🤩性價比極高聖誕自助餐🎄 成人$3xx(連加一=$448)就有即開生蠔､長腳蟹､香煎鴨肝､新鮮日式刺身､燒牛肉羊扒､酒店招牌蛋糕同MOVENPICK雪糕,由6:00食到9:00,盡情食😋 12月2-8日8度海逸酒店8度餐廳做緊快閃聖誕自助餐預訂優惠!一人都有半價💖 ✅每2位成人惠顧,同行之1位小童 (5歲或以下)可享免費用餐 😻 ✅特別日子買二送一,到時會有聖誕老人派禮物同小丑表演環節等節慶活動 有興趣就快啲去 8度海逸酒店eshop 預訂啦👀 #8度海逸酒店#即開生蠔#聖誕大餐

Mrs1am_ology

節日限定

薈景 - 灣仔會展自助餐

母親節～薈景春日蟹逅海景自助餐！6歲或以下小童免費

平日為為孩子辛勞付出的媽媽,即是我,絕對值得一份美味的犒賞,趁小朋友未識book位,我就自己決定地點好了~灣仔會展海景餐廳｢薈景｣限定｢春日蟹逅自助晚餐｣靚靚維港,無限量供應的海鮮,加上母親節專屬驚喜,正合我意❤️ • 母親節蛋糕:供應限定心形主題蛋糕,是母親節的儀式感! • 暖心熱飲:為媽媽送上一杯熱熱紅棗飲品,的確溫潤｡ • DIY香囊工作坊:小朋友親手以乾花搗碎,製作專屬香包,送媽媽:) 冰鎮海鮮吧+日式刺身壽司=無限量供應! 即開生蠔､龍蝦､青口､麵包蟹､海蝦､長腳蟹､三文魚､油甘魚､帆立貝､蟹肉軍艦､松葉蟹膏壽司~ 私心必食推介: 熟成燒牛肉配約克郡布丁/片皮鴨/香煎鴨肝配炸蜂巢豆腐/甲羅燒/清酒昆布煮蜆/朴葉味噌燒海鰻/皇帝蟹蒸蛋 甜品同樣精致悅目!櫻花水信玄餅､現場即制銅鑼燒,以及小朋友喜愛的朱古力噴泉! ✅6歲或以下小童免費* ✅免費無限量供應橙汁及汽水 ✅另加港幣78元可無限暢飲紅白餐酒､氣泡酒及啤酒 ✅四位或以上同行,生日之星可獲免費生日蛋糕🎂 ✅信用卡可享85折優惠 📍薈景 地址:香港會議展覽中心4樓 #薈景#香港會展美食#HKCEC#灣仔美食#海景自助餐母親節2026 母親節餐廳推介 蟹宴自助餐 海鮮自助餐 生日優惠餐廳 香港自助餐推介 春日蟹逅

A美食焚化爐

節日限定

Le Menu

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)