嘉頓咖啡店｜嘉頓Cafe｜文青Cafe｜打卡Cafe｜深水埗街坊有福啦！嘉頓中心最近新開了咖啡店，Cafe除了有咖啡飲之外，還可以食到熱辣辣出爐的特色烘焙美食，當中包括農夫酸種包、香草意式酸種包、酸種長法包、香蔥辣芝士鬆餅、香橙榛子伯爵茶鬆餅及海鹽朱古力碎曲奇。大家食完飲完還可以去旁邊的嘉頓Outlet，有多款特價貨品可以選購，例如有$4雪芳蛋糕、朱古力手指餅、嘉頓什餅及幸運曲奇等。喜歡烘焙美食或嘉頓產品的朋友不妨去試試啦~
Cafe裝修風格行簡約工業風，牆上掛有昔日嘉頓中心的相片，地板更採用了生命麵包藍白格紋磚，另外亦擺放了多種顏色而且充滿標誌性的嘉頓麵包籃，充滿懷舊復古氣息同時打卡一流！
必試招牌農夫酸種包，外皮微脆有韌性，食落口感鬆軟。特色推介香草意式酸種包，酸種包加上了香草及海鹽製成，味道層次豐富。
另外亦都推介可以選購酸種長法包及三文治酸種包，同樣外脆內鬆軟，適合買回家配湯或夾三文治餡料享用！
Cafe除了麵包之外，還有供應其他特色烘焙美食。喜歡香辣口味的朋友必試香蔥辣芝士鬆餅，口感外酥內軟，金黃表面佈滿焦香芝士與翠綠香蔥，一咬下去，濃郁奶香伴隨蔥香爆發，食落微辣惹味，辣椒後勁與芝士的鹹香完美交融，層次豐富，超級特別，帶有中西合璧的驚喜感覺。
喜歡甜點的朋友就要試試香橙榛子伯爵茶鬆餅同樣外酥內軟，散發伯爵紅茶的優雅香氣，咬下時橙皮的酸甜與榛子碎粒的堅果香交織，食落香甜又清新，搭配上一杯熱紅茶享用更是絕配！
另外推介一定要試海鹽朱古力碎曲奇，曲奇外脆內軟，中間鑲滿了濃郁的朱古力碎，微微融化中的朱古力與海鹽顆粒交織出醇厚風味，食落甜中帶鹹，配牛奶享用更顯層次。
飲品方面，提供多款咖啡及非咖啡飲品選擇，包括美式咖啡、抹茶鮮奶、鮮奶咖啡、泡沫咖啡及朱古力咖啡等。
*嘉頓Cafe Menu+價錢：
食完飲完還可以去旁邊的嘉頓Outlet，有多款特價貨品可以選購，例如有$4雪芳蛋糕、朱古力手指餅、嘉頓什餅、非常特別的幸運曲奇等，喜歡嘉頓產品的朋友必到呀！(*按細圖查看款式+價錢)
嘉頓咖啡店 GDN LAB
地址：深水埗青山道58號嘉頓烘焙中心地舖
電話：27201055
營業時間：
星期一：全日休息｜星期二至日：08:00 - 18:00
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
同場加映：【識食攻略】最新影片
人氣餐廳排名
-
親子
嘉頓中心
嘉頓咖啡店☕️🍞
我真係好鍾意食麵包架!!! 一直都好想再去深水埗既嘉頓咖啡店買包 因為之前裝修停業 原來已經重開一段時間喇 經過深水埗就去睇下啦 嘩改頭換面左喎 變得時尚左好多 好正既打卡cafe 入面仲有酸種麵包 鬆餅呀牛角酥~ 仲有咖啡等等 而且嘉頓既益街坊店仲係度 Yeah當然要去盡力掃啦 有麵包啦 嘉頓餅乾 威化餅啦 朱古力條 啦 嘉頓什餅仲有賀年個d糖果 好多童年回憶啊 而且價錢都比出面超市平少少 而且仲有榴槤味威化餅限定口味 出面無得買架~ 哈哈仲換埋嘉頓個經典藍白格仔環保袋呀! 買左一大袋呀 滿載而歸呀~~~ 📍地址:嘉頓咖啡店 (深水埗) 深水埗青山道58號嘉頓烘焙中心地舖 交通:港鐵深水埗站D2出口 #UCreatorHK#親子好去處#打卡餐廳#hkfoodie#親子blogger#嘉頓有限公司#嘉頓#深水埗好去處#嘉頓咖啡店
閱讀更多
-
香港攻略
嘉頓中心
跑步🏃🏻♀️必去打卡橋底！再去嘉頓cafe飲咖啡☕️食麵包放題😋
今朝好彩有朋友,如果唔係浪費咗4:15am起身 我鍾意晨跑🏃🏻♀️ 但要搵身邊作息時間,差唔多嘅人唔易 所以多謝大家帶住跑深水埗嘉頓↔️來回昂船洲大橋 好耐冇跑步嘅我~跑完好爽☺️ Nike NRC同嘉頓麵包so sweet! 預備咗豐富營養早餐比大家🫶🏻 專登整咗3款食物:朱古力柚子伯爵茶咖啡因蛋糕🍰､檸檬🍋同士多啤梨乳酪味嘅高蛋白曲奇､同我覺得好好食嘅高纖奇亞籽百香果果醬飛碟😋 另外有源源不絕嘅酸種吐司🍞同酸種農夫包!同勁酥脆嘅香蕉朱古力核桃酥!加埋杯熱咖啡☕️超豐富早餐💯 除咗包開心果曲奇💚,仲有盒專為渣馬打氣字句嘅幸運曲奇🥠,我食呢塊係｢一直以來嘅苦練,就係為咗跑贏自己!｣,你哋嗰句又係咩? **是日輕鬆12K,仲可以中間去轉廁所🚽 #UCreator#打卡美食#好去處#全新景點#chill#隱世打卡點{{hket:campaign display="食飽過馬年"}}{{/hket:campaign}}
閱讀更多
-
著數報料
買嘉頓產品抽盲盒好過癮
買嘉頓產品滿$20 +$10換嘉頓造型公仔盲盒? 鐘意食麵包既我 而且又新出左湯種口袋三文治 當然唔會放過 新口味要試 而且又盲盒抽 又有食又得玩 一舉兩得 湯種口袋三文治用咗特別嘅湯種技術 可以鎖住更超多水分 麵包質感摸落軟綿綿 食落又軟熟又有彈性 有三種口味既 火腿芝士醬口味 榛子朱古力口味 蛋沙律口味7-Eleven 獨家限定 今次試左兩種口味 🧀火腿芝士醬口味 鹹香嘅火腿粒配上超濃郁芝士醬 味道好夾唔錯! 🍫榛子朱古力口味 香濃絲滑嘅榛子朱古力醬 香甜好味! 因為係circle k 買既 所以試唔到蛋沙律 唯有下次😎 輕巧包裝細細包一包兩件 早餐又得 下午茶又茶 口痕想食下野 當零食又得~ 真心正呀! +$10可以換埋嘉頓造型公仔盲盒1件! 有六款公仔 生命甜包､ 奇亞籽三文治麥包 迷你瑞士卷系列 忌廉檳系列 嘉頓方包 5黑全麥梳打 仲有一款神秘隱藏版呀 如果集齊任何六款公仔 仲有個嘉頓造型收納盒可以換! 我就抽中左生命甜包公仔🍞 可愛到不得了呀!😍😍😍😍 超鐘意呀! 有興趣去 7-Eleven 同 Circle K 同百佳同惠康掃貨 兼抽盲盒啦! #嘉頓公仔盲盒#嘉頓湯種口袋三文治#湯種麵包{{hket:campaign display="夏日放電大作戰"}}{{/hket:campaign}}#hkfoodie#親子#生命甜包
閱讀更多
