銅鑼灣Mr.Steak自助餐買一送一 低至$199位！歎美國極黑牛／雪花蟹腳／煎鵝肝

misschloeoee

西式美食

Mr. Steak Buffet à la minute

抵食自助餐🤤！和牛鵝肝任食😋！

🍴而家酒店去食自助餐都幾貴架,但呢間性價比高嘅【Mr. Steak Buffet à la minute】 餐廳連加一每人$500左右,食物多款式:有冷熱盤,沙律,冷海鮮,刺身,壽司,和牛,鵝肝,多款蛋糕,雪糕等等,多到數唔晒;飲品就有紅/白酒,檸檬茶或果汁,都係任飲架! 💥重點推介 🐂鐵板薄燒日本和牛 大大片和牛薄切,喺鐵板上快速煎熟,一放入口即融化 🦪即開日本生蠔 專人即場開蠔,夠晒新鮮飽滿 🐟冷海鮮 有必食長腳蟹,海蝦,青口,海螺,蜆,樣樣都好新鮮好味😋 🦞多款刺身 有龍蝦､油甘魚､甜蝦､紅蝦､三文魚､赤貝等等,龍蝦､紅蝦每人每次限取一份 🦢香煎鵝肝多士 鵝肝面煎到好香口,外脆內軟,入口即融,配埋酥脆多士,油膩感即減卻掉 🎂慶祝生日有牌畫碟服務配心太軟 外層微脆,內裏流心,滋味無窮 【Mr. Steak Buffet à la minute】 📍銅鑼灣告士打道280號世貿中心6樓 - @mrsteakbuffethk #香港美食#自助餐#和牛#生蠔#龍蝦#鵝肝#甜品控#生日推介#香港打卡#吃貨日常#mrsteakbuffet#mrsteakbuffethk#buffet#香港美食#香港美食推介#美食#foodie#foodhk#foodgasm#香港自助餐推介

A美食焚化爐

擦餐勁

歷山餐廳

「海鮮交“饗”樂」 @ 歷山餐廳 ( 北角歷山酒店 )

過去既母親節，大家去邊度慶祝？ 點都好，可以的話就不如留港消費。 今次就介紹歷山酒店既自助餐，尤其是相對於第一次去，家陣感覺佢係越做越進步，加上地點就腳，由炮台山地鐵站沿天橋行過去幾分鐘就到，超方便。 供應期由即日至 2025年6月28日 星期五六及公眾假期前夕晚上6時30分至9時30分（ 不適用於 6月14日） 網上商店預付七折折實價連原價加一成人$550.4/ 長者星期五$397.6/ 星期六及公眾假期前夕$454.4/ 小童$278.4/兩大一小 $1135.6   而父親節當天，每圍送上白酒一支及水杯。   詳情可上KK DAY 官網睇睇。   ( KK DAY 優惠傳送門 )   焗時令海鮮袋配蒜蓉包 原包送上，份量是按人頭計，材料非常豐富，有蟹腳、帶子、青口、海班片、海蝦及魷魚。   上檯時服務員會把袋剪開，熱辣辣地倒出，用蒜蓉包沾一下湯汁，就更惹味。   即開美國生蠔 另一個亮點是即開美國生蠔，不過每次只限取三隻，以保持新鮮度，而且就算是美國蠔，都已經不是大而無當的級數，都幾平均下。   生滾粥 即煮的蟹粉鮑魚海鮮粥，內有鮑魚、海蝦及青口，粥底幾綿，不錯。 刺身 係香港自助餐中，歷山的雖不是最強，但已經好夠誠意，有紅蝦、赤貝、帶子、八爪魚、吞拿魚、油甘魚及三文魚，晒多而且質素好好。   香煎鵝肝 好邪惡既煎鵝肝，就最好即刻食，油香滿滿的感覺真好。   海鮮 有蟹腳、青口、凍蝦及翡翠螺，種類不多，但質素取膀。   熱葷 中式有椒鹽大蝦、辣汁煮翡翠螺、蠔皇蝦膠釀海參 、鮑汁螺片燴花膠、清蒸沙巴龍躉、翠綠花姿蝦仁及蒜香砵酒汁燴鰻魚。   話時話，所有中式熱葷都食均，好有宴會菜的感覺。   西式有必食既紅酒汁燒牛小排以及外層香脆的芝麻脆魚柳伴芒果醬。  其他仲有香煎豬里脊配蕃茄醬、檸檬香芹忌廉蜆肉長通粉、 烤三文魚柳配香橙牛油汁、松露醬百里香烤薯仔及芝士忌廉焗西蘭花。   鐵板燒 除了牛排，又有雜錦串燒，有菠蘿、牛柳粒、牛舌及大蝦。   燒菠蘿真係好正，又甜又香。   沙律 想食得清少少，可以試下佢地雜莓蟹肉彩虹青瓜沙律、香芒薄荷菠蘿海鮮沙律、薯仔沙律、紅菜頭沙律、蘋果沙律或意粉沙律 。   Cold Cut 有煙挪威三文魚、莎樂美腸、凍肉腸同埋巴馬火腿配蜜瓜。   湯品 燉湯我最鍾意，同太太一人一盅羊肚菌花膠燉雞湯，醇厚芳香，甜美可口。   另外兩款湯是南瓜蟹粉素翅羹及粟米忌廉湯。   甜品 雪糕是Movenpick 有瑞士朱古力、雲呢拿、草莓、Espresso、椰子以及薄荷，全部都係迷你版，既衛生又可以食多幾杯。   凍櫃內有木糠布甸蛋糕、栗子蛋糕、朱古力慕絲杯、柚子凍糕、香蕉蛋糕、水信玄餅配沖繩黑糖、蝶豆花布甸、意大利奶凍、焦糖布甸。   另外有雜錦曲奇、蛋白杏仁茶及班蘭雞蛋仔。   講真雞蛋仔又真不錯，香脆的外層，配杯雪糕無得輸。   太太就鍾意個蛋白杏仁茶，夠甜滑又養顏。   飲品有齊紅白酒、啤酒、汽水、橙汁同蘋果汁，啱晒我。 Facebook 專頁 : 歷山酒店   地址 : 北角城市花園道32號歷山酒店大堂樓層   電話 : 3893 2868   味道 : 4  環境 : 4  服務 : 5  衛生 : 5  抵食 : 4  位置 : 4   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #自助餐 #北角 #美食焚化爐 #歷山餐廳 #歷山酒店 (此文章由U Blog 同步發佈至社群)

癲癲

擦餐勁

柏麗廳

$350自助餐任食生蠔、蟹腳 , 幾抵食!

首先去凍盤海鮮區睇睇..有生蠔､蟹腳､ 🦐蝦､青口､翡翠螺..等 , 都refill 得快~ 🦪生蠔即開 , 質素普通 , 不過Lunch Buffet有生蠔都算係咁..過下口癮~ 🍣仲有刺身､壽司~ 🍲食完凍盤暖一暖胃先 , 湯有分中式､西式 , 可按個人喜好選擇~ 中式湯一盅盅方便羅 , 唔駛自行盛湯! 當日中式湯係茶樹菇螺頭湯,一打開盅蓋好香 , 都幾足料..飲完幾暖胃~ 試埋酥皮蕃茄忌廉湯 , 個酥皮都酥鬆 , 個人比較喜歡中式湯品~ 🐮一般自助餐都有燒牛扒 , 呢度除左燒牛扒重有即製美國極黑和牛壽喜燒同鐵板燒 , 幾有噱頭~ 即製美國極黑和牛鐵板燒 , 見到師傅即時切割和牛落鐵板烹調~ 和牛入口牛味濃郁 , 軟嫩適中 , 唔錯! 🍰甜品方面都有搞作 , 即焗朱古力心太軟..碟邊可寫上自選字句~ 所以來慶祝生日､週年､母親節､父親節 ,可以順道寫上祝福或感謝語~ 🍪還有很多款甜品,有蛋糕､曲奇､牛奶布甸､豆腐花⋯⋯等,幾多款式! 也有雪糕､雪條~ 整體食物質素平均,普普通通⋯不過以平日Lunch Buffet 以$350 來說都抵食! 如果唔介意等到下午…Tea Buffet更抵食! 柏麗廳 The Palate 沙田白鶴汀街8號帝都酒店3樓 #自助餐#UCreator#沙田自助餐#香港美食#慶祝餐廳#抵食#柏麗廳