尖沙咀素食中菜館$1點心 指定分店供應!

xjeminix

香港攻略

緻素坊

尋日星期日適逢初十五,就同屋企人去飲齋茶🌱 緻素坊嘅點心價錢同平常點心差唔多,仲有室外位置~地點就喺銅鑼灣市中心,超方便📍 茶芥每位 $12 🥟金邊帝苗餃 $39 晶瑩剔透脹卜卜,仲有金邊襯托~ 🍄黑松露野菌餃 $46 皮薄剔透,菇菌味香郁~ 🍗四寶滑雞紮 $42 第一次食素雞紮!以猴頭菇取代傳統雞肉,仲有大舊雪耳,口感豐富又有飽足感! 🥣竹笙素翅灌湯餃 $42 皮薄餡滿,有素翅､竹笙､多種菇菌同雲耳,素湯鮮甜清香､不油膩~ 🍢齋滷味(三寶)$68 包括酸甜(酸齋)､蠔油同咖喱三款,素料口感煙韌､酸甜開胃~ 🫘乾煸欖菜四季豆 $78 豆角搭配鹹香濃郁欖菜,撈飯/麵一流~ 🍚特色珍珠雞 $39 糯米粒粒分明､軟糯不黏,有荷葉清香,中間有招牌素叉燒同各種香口菇菌~ 🌭香菇叉燒腸 $42 香菇搭配微甜素蜜汁煎脆叉燒,加埋豉油好食~ 🥥原隻椰皇燉雪燕 $88(或可選桃膠) 原個新鮮椰皇､溫暖清甜,椰香濃郁且不甜膩,乾燥天氣食完特別滋潤~ 呢度點心選擇好多,而且唔貴!想食素點心一定要嚟試吓🥢 📍緻素坊 Veggie Kingdom 銅鑼灣駱克道491-499號京都廣場4樓 電話:23669223 #緻素坊#銅鑼灣美食#素食點心#香港素食

veggie foodie

香港攻略

4間高質🔥素食點心店推介 點心味道同外表同一般酒樓冇分別

最近我哋去咗幾間新派素食餐廳食點心🥟，素食點心嘅質素拍得住大酒樓嘅點心👍，外表幾可亂真，味道都唔錯😋，有別於傳統齋舖嘅素食點心。 1. 緻素坊 緻素坊嘅點心係我心目中嘅第一位😍，有大酒樓嘅水準同味道，完全唔覺得係食緊素食。要最少一星期前訂位，如果想食雪山叉燒包，記得訂位時預留埋。 推介: 四寶滑雞紮 ($42) 黎呢到必食嘅點心😍，每種食材都好入味😋，尤其雪耳，而且每種食材我都好鍾意食🥰，包括有雪耳、冬菇🍄、猴頭菇同粟米仔🌽，味道同出面酒樓食到嘅味道好似。 特色芒果布丁 ($48) 打卡之選👍👍。芒果布丁用花盆裝住，附上鐵鏟造型嘅匙羹。出面酒樓嘅芒果布丁都會加入魚膠粉🐟，所以我都冇食好耐😔。素食版嘅芒果布丁口感上都係咁彈牙，正🥰。 春風得意腸 ($46) 腸粉皮包住春卷，感覺似食緊炸兩，春卷入面包住椰菜絲、甘筍絲🥕同冬菇絲🍄，幾好食😋。 👣地址: 尖沙咀廣東道120號海威商業中心7樓 2. 樂茶軒 每人要係茶譜入面揀一款茶飲🫖，點心紙有2頁，有蒸點🥟、炸物🥠、小食🧆同少量主食🍜，菜式旁有標示素別，包括純素🌱、蛋素🥚、奶素🥛同五辛素🧄🧅，洋蔥標誌代表食物含五辛、唔可以走五辛，而菜式旁寫住AO，就表示含五辛、但可以走五辛😌。 推介: 薑汁素肉小籠包、香菇芫荽素牛肉球、布拉素牛肉腸粉、金菇菜苗餃、鹹水角、黑松露燒賣 👣地址: 大館分店: 中環荷李活道10號大館總部大樓地下01-G07號舖 香港公園分店: 金鐘香港公園羅桂祥茶藝館地下 3. 素之樂創意蔬食料理 去港島東區找素，想坐得舒服啲☺️，我通常會去素之樂飲茶😋。雖然門口寫住只招待會員，但其實人人都可以做會員😂，第一次去嘅時候店員會先叫我哋做會員，會員可享有9折優惠。午餐時段最好book定位。如果想食叉燒餐包，book位時記得訂埋❗️，因為好快賣哂🤪。 推介: 蒸蘿蔔糕、一品水晶餃、松露燒賣、叉燒腸粉 👣地址: 北角渣華道56號胡日皆商業中心1樓108室 4. 妙善 (前身為巧膳坊) 位置方便，係黃埔巴士總站旁。點心選擇唔算多，不過坐得舒服😊。 推介: 皇牌小籠包、四寶扎、香煎蘿蔔糕、蔬菜春卷、韓式柚子饅頭 👣地址: 紅磡黃埔天地美食坊(第8期)1樓106-107號舖 #中菜餐廳 #UCreator #打卡美食 #美食推介 #香港美食 #九龍美食 #出發打卡 #素食 #素食餐廳 #素食點心 #相機食先 #港玩港食 #foodie #hkfoodie #hkfood #港島美食 #美食推介 #美食#點心

veggie foodie

香港攻略

樂茶軒 (中環)

大館歎精緻素點心😋裝修擺設古色古香🫖

我哋上星期去咗大館嘅樂茶軒飲茶。每人要係茶譜入面揀一款茶飲🫖，點心紙有2頁，有蒸點🥟、炸物🥠、小食🧆同少量主食🍜，菜式旁有標示素食類別，包括純素🌱、蛋素🥚、奶素🥛同五辛素🧄🧅，洋蔥標誌代表食物含五辛、唔可以走五辛，而菜式旁寫住AO，就表示含五辛、但可以走五辛。 ⠀⠀⠀⠀⠀⠀ 🫖茶: 2008年特級紫芽普洱小青柑 ($58/ 位) 店員建議我哋將熱水倒入茶壺入面，焗20秒左右就可以倒出嚟飲。 ⠀⠀⠀⠀⠀⠀ 🥢薑汁🫚素肉小籠包 ($58/ 3件) 小籠包嘅皮薄身，素肉質感較軟。小籠包入面冇湯汁，整體較乾身。 ⠀⠀⠀⠀⠀⠀ 🥢黑松露燒賣 ($48/ 2件) 燒賣入面有素火腿粒、甘筍🥕等。 ⠀⠀⠀⠀⠀⠀ 🥢香菇🍄芫荽🌱素牛肉球 ($48/ 3粒) 素牛肉球好香芫荽味😍，似係自家製，我鍾意佢味道唔會好鹹😊。底下嘅粉絲雖然撈咗豉油，但味道啱啱好👍。 ⠀⠀⠀⠀⠀⠀ 🥢布拉素牛肉腸粉 ($38/ 2件) 腸粉入面嘅素牛肉同素牛肉球嘅材料一樣，腸粉皮凍咗會較乾身。如果大份少少就更好😂。 ⠀⠀⠀⠀⠀⠀ 🥢金菇菜苗🥬餃🥟 ($32/ 2件) ⠀⠀⠀⠀⠀⠀ 🥢鹹水角 ($42/ 3件) 皮外脆內煙韌😋，餡料有冬菇🍄、芹菜、甘筍🥕等。 ⠀⠀⠀⠀⠀⠀ 🥢龍華寺素卷 ($48/ 4件) 其實就係腐皮卷，腐皮質感較厚同韌🤏，整體味道鹹鹹哋，似一般酒樓食到嘅腐皮素鵝嘅味道，入面包住椰菜、木耳、甘筍等食材。 ⠀⠀⠀⠀⠀⠀ 🥢香煎素盒子 ($38/ 2件) 白色嘅餅皮外形似欒樨餅，入面包住椰菜、木耳、甘筍、粉絲等食材。 ⠀⠀⠀⠀⠀⠀ 🥢紅豆糕 (送) ⠀⠀⠀⠀⠀⠀ 👩‍🍳店舖: 樂茶軒 (大館) 👣地址: 中環荷李活道10號大館總部大樓地下01-G07號舖 ⠀⠀⠀⠀⠀⠀ #樂茶軒#lockcha#中環素食#香港素食#素食#大館#大館美食#food#foodie#香港素食餐廳#素食餐廳#素食飲茶#中環美食#中環飲茶#大館打卡#taikwunhk#taikwunhongkong#UCreator #打卡美食 #好去處 #chill #打卡 #ucreatorhk #香港美食 #港玩港食 #香港好去處