酒樓葉公館結業後重開推$9.9特價點心！長沙灣小店執笠後再戰推3大優惠

J Yen

著數報料

稻香 • 茶居 (新九龍廣場店)

結業前嘆最後一口茶🍵😭

🚨驚聞大角咀稻香傳結業!即刻趕尾班車食下午茶 🚨平時去開大角咀飲茶嘅街坊注意!聽聞呢間稻香可能即將結業😭 今日一見到海報寫住｢天天時光倒流嘆點心｣,即刻入去食返餐兼道別! 雖然價錢平,但食物質素整體普遍評價都幾好,絕對無馬虎: 🥟 手功三色餃 / 潮州蒸粉果:皮薄餡靚,入面配料好足,蒸得啱啱好! 🔥 豉汁蒸鳳爪:非常入味,質地軟腍,微微辣好惹味! 🥢 蔥花金鈎炸兩腸:腸粉皮夠滑,中間嘅油條仲好香脆,口感層次豐富! 🥖 香脆炸春卷:外皮炸到金黃色,一咬落去脆卜卜,完全唔油膩! 🍪綠色呢款芝麻脆芋餅外脆內軟,味道帶點清香甜甜的,幾有驚喜! 依家嘅下午茶優惠真係平到笑,點心低至 $8 起: 💰 $8 專區:潮州蒸粉果､皮蛋瘦肉粥､鬆軟叉燒包 💰 $9 專區:香脆炸春卷､芝麻脆芋餅､黑松露珍菌蘑菇包 💰 $ 10 專區:豉汁蒸鳳爪､韭菜滑豬紅､蔥花金鈎炸兩腸 ⏰ 供應時間:星期一至日 11:00 - 15:30 📍 地點:大角咀稻香趁仲未結業,大家快啲約埋屋企人或者街坊去嘆返個平靚正下午茶,留住最後嘅味道啦 {{hket:campaign display="chill歎盡情食"}}{{/hket:campaign}}

Lala

著數報料

百樂金宴 (黃大仙中心店)

百樂金宴:夏日超筍優惠!買2送1✨

【百樂金宴:夏日超筍優惠!買2送1✨】 黃大仙中心嘅｢百樂金宴｣,做緊超吸引嘅夏日優惠(買2送1)!主打 18 款精選小菜任你揀,叫 2 道菜嘅價錢就有三道菜,真係抵到爛! 🥢 必試菜式真實食評: -炸子雞:本身諗住都係酒樓一早整好晒嘅菜式,點知有驚喜!食落去皮夠薄又極度香脆,肉質嫩滑,沾埋醬汁一流! -紅酒燴牛尾:份量十足,多肉多汁｡牛尾燴得入味,味道唔會太濃,配白飯食簡識係絕配! -XO醬花枝炒蝦球:花枝片同蝦球都好多,食落爽口彈牙,不過 XO 醬味就相對冇咁出｡ 紅豆沙:食完主菜仲送糖水!呢碗紅豆沙陳皮味好重,媽媽級至愛,夠晒傳統足料! 味道:⭐⭐⭐ (5星為最滿意) 環境:⭐⭐⭐⭐⭐ 服務:⭐⭐⭐⭐⭐  性價比 :⭐⭐⭐⭐ 📍 百樂金宴 (黃大仙) 黃大仙龍翔道136號黃大仙中心北館2樓N222號舖 #黃大仙美食#黃大仙中心#酒樓優惠#香港食評#優惠

hkfoodiesavvy

香港攻略

潮囍薈

$7、$8、$9 飲茶篇

🍴潮｡囍薈🍴 📍尖沙咀彌敦道100號The ONE 12樓全層 ☎️852-8300 8050 尖沙咀The ONE 飲茶割喉戰,$7､$8､$9優惠點心,吸引朋友話要一試,他樂意提早取飛等侯｡我們被安排坐在𥦬旁,環境開揚舒適,全場滿座,但也不太嘈吵,頗適合一家大細聚會｡ 我哋叫了多款特價點心和炒飯試試,包括以下: ✨鮮鮑魚燒賣 每粒配有原隻鮑魚,鮑魚肉質鮮甜彈牙, 性價比十足｡ ✨鮮蝦蒸韭菜餃 蝦味鮮甜爽彈,韭菜香氣明顯但唔會太嗆,味道偏清新鹹鮮｡ ✨椰蓉鹹蛋黃流沙包 外層鬆軟､椰香濃郁,入面鹹蛋黃流心爆沙,鹹香同微甜交織,又香又油潤｡ ✨金湯瑤柱灌湯餃:餃子細滑爆汁,南瓜湯味濃湯,加上瑤柱,更添鮮味,鹹鮮濃厚､正👍 ✨香煎蓮藕餅 外表煎到香脆微焦,蓮藕口感爽脆,外香內嫩,真的不錯😌 ✨碧綠小棠菜餃 小棠菜清甜,餃子餡清爽,食落舒服清新｡ ✨XO醬豉汁蒸鳳爪 XO醬香氣味濃,帶少少海鮮和蒜油香;再加豉汁鹹香入味,鳳爪軟糯帶膠質,味道偏重鹹香｡ ✨香芋鮮腩卷 芋頭香味濃､口感綿密帶黏糯;鮮腩肥瘦相間,煮到軟腍,食落濃郁飽滿｡ ✨混醬蒸腸粉 腸粉滑嫩帶米香,甜醬､麻醬混合一起,味道香濃,與腸粉十分搭配☺️ ✨懷舊手工糯米包 舊茶樓點心風味重現,軟糯咸香｡ ✨瑤柱蛋白炒飯 蛋白令口感更清爽滑嫩,瑤柱帶明顯鮮香提升飯味;通常粒粒分明､鹹鮮濃度中等偏高,香氣足但唔會太油膩｡ 整體所有食品味道都不錯,性價比高,如不怕排隊,可試試😆