銀杏館進軍火鍋界! 日式火鍋$68起美國牛/日本豚肉/龍蝦/海鮮 1類人再88折! 仲有駐場歌手Live Show

最Hit食訊

發佈: 28-12-2025 18:45

文: 唐敏淇

著數情報｜銀杏館優惠｜長者咭優惠2025｜餐飲優惠｜灣仔食飯閒閒地都要過百蚊？記者發現位於灣仔的銀杏館宣佈由11月27日起推出全新日式火鍋餐單，最平只需 $68 就可以歎到「野菜無限火鍋」！除了可以瘋狂食菜，更有多款靚牛靚豬套餐，最驚喜係逢星期四及六晚仲有駐場歌手表演，幾十蚊就享受到 Music Live 兼打邊爐，絕對是糧尾救星兼拍拖好去處！即睇新Menu詳情！

糧尾必食！$68 野菜無限火鍋

想食得健康啲，又或者月尾想慳荷包？這個新推出的 $68 套餐 絕對係全港島最抵，長者再88折! ！即按下圖睇新Menu詳情！

↓點擊圖片放大↓

+11

+10

邊食邊聽！逢週四/六駐場歌手Live Show

打邊爐通常都係嘈雜，但呢度竟然有 Live Band？逢 星期四及星期六晚，餐廳特設駐場歌手表演。想像下，一邊睇住個鍋熱氣騰騰，一邊聽住現場演繹的金曲，同朋友飲杯野，成個 Vibe 即刻昇華晒！

表演時間： 逢星期四、六晚 (今晚就有啦！)

網民：灣仔黎講超抵食！

在灣仔區 $68 食到晚市火鍋本身已經好難得，仲要有 Live Music，不少網民都話：「今晚收工去試下」、「當去聽歌都抵」、「糧尾終於有著落」。

↓點擊圖片放大↓

銀杏館會員APP與優惠活動

銀杏館設有會員APP，提供積分獎賞及折扣，方便常客累積優惠，提升用餐體驗。

銀杏館灣仔店
地址 :譚臣道23號
訂座電話，25451200

同場加映 : 銀杏館進軍飲茶界！茶位$1+最平$8起歎點心+ $9燒賣+多款傳統手工中式糕點

銀杏館進軍飲茶界！

最近，社企餐廳「銀杏館」推出了全新的飲茶選擇，供應時間由早上7時30分開始，至10時30分結束。餐廳同時公布了點心紙的初稿，內容涵蓋蒸點心、蒸包、糕點、盅頭蒸飯、粥麵及腸粉等多款美食，並特別提供多種素食選擇，滿足不同食客的需求。其中最吸引人的是茶位優惠，只需$1即可享用四款精選茶飲，包括玉蘭鐵觀音、桂花烏龍、荔枝紅茶、普洱及香片。點心方面，價格同樣親民，最平只需$9便能品嚐到叉燒包、流心包，燒賣則以$9享用，性價比極高。

銀杏館蒸點種類，包括蝦餃王、鮮蝦燒賣、醬皇蒸鳳爪、豉汁蒸排骨、山竹牛肉球、秘醬金錢肚、潮州蒸粉果、南乳花生炆豬手及家鄉鹹肉粽等，即按下圖睇點心價錢。

↓點擊圖片放大↓

更有腸粉，香茜牛肉腸、鮮蝦滑腸粉及齋腸，以及包點，菜肉包、流沙包、蜜汁叉燒包及合桃包等。

↓點擊圖片放大↓

除此之外，涵蓋了多款傳統及手工製作的中式糕點與煎炸，糕點分別有椰香黃金糕、馬拉糕、紅棗糕、甜味手工茶粿、鹹味手工茶粿、黑芝麻糕及手工班蘭糕。而煎炸種類，包括家鄉鹹水角、素春卷、墨魚餅及素腐皮卷，即按下圖睇款式。

↓點擊圖片放大↓

最後，不能缺少盅頭蒸飯種類，鳳爪排骨砵仔飯、咸蛋蒸肉餅飯、窩蛋牛肉飯、蟲草花、北菇蒸雞飯。以及粥麵羹種類，菜乾豬骨粥、豉油皇炒麵、碗仔翅，即按下圖睇款式。

↓點擊圖片放大↓

社企餐廳「銀杏館」進軍早茶市！

網民：支持銀杏！！係我地最愛的點心

銀杏館早前在社交媒體公布進軍早茶市，消息一出隨即引起一眾網民熱議及不少網民十分期待推出，「比like點心紙好多公公婆婆睇唔清電話字」、「我好鍾意食呀！比錢試食我都參與」、「冇酒樓燒賣咁肥啱晒老人家食」，即按下圖睇更多網民意見。

↓點擊圖片放大↓

社企餐廳「銀杏館」除了支持長者就業，亦有推出「愛心飯盒計劃」，與社福機構及NGO合作，向有需要人士免費派發愛心飯盒。

↓點擊圖片放大↓

同時曾聯同「樂天關懷行動」，於長沙灣耆樂食堂推出「杏福補給站」，透過自助機派發愛心麵包予有需要人士，獲批麵包卡人士可24小時隨時拍卡領取免費麵包，每日限取一個，有菠蘿包、腸仔包、牛肉包、紅豆包、雞尾包等選擇。

↓點擊圖片放大↓

除此之外，銀杏館曾推出了「自助提取機」，提供飯盒及抗疫用品，讓一眾基層市民自取物資，而且24小時運作，盡所能幫助到更多有需要的人士！自助提取機是24小時運作的，在日間會有加熱、保溫功能，提供一盒盒新鮮出爐的熱飯盒，免費送給有需要的人自取。而當飯盒派完後，則變成百寶箱用途，為基層提供疫情下需要的物資，包括：口罩眼罩、罐頭、湯包、麵、包、菜、餅、消毒液、紙巾、飲品、抗疫檢測包等。