大家樂出招趕「霸位黨」獲激讚德政！網民獻計加2招杜絕長命坐：拆走呢樣嘢即刻走

最Hit食訊

發佈: 20-02-2026 13:18

文: 黃樂恩 , 王逸歌

香港寸金尺土，食晏時間去連鎖快餐店買完嘢食「端住個餐盤搵唔到位」，絕對是每個打工仔的惡夢！近年不少食客習慣在快餐店「霸位打躉」，食完都遲遲不肯離座。近日，大家樂終於出手正視問題，在分店內張貼霸氣告示，明言「用餐完畢請讓座」。照片一出即被全網封為「德政」，不過亦有大批網民直指告示對「某一類人」根本無用，更集思廣益提出 2 大絕招對付「長命坐」食客！

長時間霸位打躉？大家樂新告示引發全港關注

有港人在Facebook群組「新‧大家樂討論區帖文」發帖，表示早前在大家樂分店內看到兩張新貼告示，提醒食客勿長時間佔用座位。樓主對此表示支持，更直言「呢D告示牌，一早應該貼啦」。

從樓主上載照片可見，其中一張告示寫道：「大堂座位供顧客用餐使用，請勿佔用，四人座位，請坐一邊，利人利己，用餐完畢，請讓座。謝謝體諒前線同事」；另一張則以較大字體列明「顧客用餐完畢敬請讓座」，提醒顧客用餐完畢後讓座。

網民大讚「德政」：一早就要貼

帖文隨即引起熱議，大批網民留言力撐，稱「張告示係後生仔福音」、「一早就要貼」，甚至形象是「德政」。有人指出，指過往常見有人一人佔用四人桌，甚至攜帶外來食物，長時間聊天或休息，令真正購餐顧客難以找到座位。

亦有網民抱怨，部分長者或街坊聚集聊天，現在連鎖快餐店形同「茶樓」，甚至有人手機外放聲音、攜帶麵包或生果進食，影響其他食客。部分人認為，有告示後，至少可「名正言順叫佢地讓座」。

即睇網民留言

↓點擊圖片放大↓

其他連鎖店亦中招霸位問題好普遍？

有網民指出，類似情況並非大家樂獨有，其他連鎖快餐店亦面對相同問題，包括大快活、美心MX，甚至麥當勞亦難倖免。有留言提到，部分連鎖快餐店長期被長者、學生或其他人士佔用座位，尤其炎夏時段，更成為「避暑熱點」，令用餐高峰時段座位更為緊張。

有人質疑成效：貼都未必理

不過，亦有網民對告示成效抱懷疑態度，紛紛留言「你有你貼，佢有佢坐」、「要走就會食完走，唔走你寫都唔走」，認為真正會霸位的人未必理會通告。有人直言，即使張貼告示，若缺乏執行與勸喻，最終或淪為裝飾。亦有留言指出，讓座與否涉及個人公德心，「有意識嘅唔使貼都會走，自私嘅貼咗都無用」、「出通告都冇用，你以為佢地唔知道自己唔啱咩」。

即睇網民留言