銅鑼灣美食｜餃子放題｜各位大胃王和拉麵控注意！銅鑼灣人氣過江龍「富山麵家」突發推出13週年感謝祭！只要食拉麵加$13，就可以歎足90分鐘「日式餃子放題」，瘋狂任食多款自家手工包製餃子！全部即叫即煎，熱辣辣兼爆汁惹味，真是好抵到！小編整理了供應時間及現場直擊試食，大家收工約朋友去挑戰大胃王啦！
餃子放題｜富山麵家快閃$13任食日式手工餃子放題
平時食日本拉麵，點少得叫碟煎餃子做配菜？如果可以瘋狂任食就更加爽！曾創下「東京拉麵 Show 連續五年冠軍」神話的過江龍拉麵店 富山麵家 (Ramen Iroha)，為慶祝登陸香港 13 週年，突發推出極度震撼的 「$13 餃子放題」 感謝祭！
餃子放題｜加 $13 歎 90 分鐘餃子放題！
由即日起至 6 月 15 日，大家只要於指定時間內堂食惠顧任何一款拉麵，只需另加 $13，即可享用長達 90 分鐘的「日式餃子放題」！平時單點一碟餃子都要幾十蚊，依家 $13 就可以食到飽晒為止，絕對係大胃王福音，CP 值極高！
餃子放題｜自家手工包製 6 款口味即叫即煎
千萬別以為放題的質素就會將貨就價！富山麵家的餃子主打自家手工包製，保證新鮮好味，而且全部都是即叫即煎（或炸），外皮香脆，肉餡飽滿 Juicy！放題提供多達 6 款口味任君選擇：
同場加映：必食冠軍級拉麵
食餃子當然要配靚拉麵！來到富山麵家，必試其招牌 「黑醬油半熟蛋拉麵」，湯底濃郁帶點焦香但不死鹹；喜歡鮮甜海鮮味的朋友，則強烈推介 「白鹽蝦拉麵」，蝦味極之濃郁，湯頭清爽不膩！另外還有特選北海道 3.6 牛奶熬製的「北海道牛奶拉麵」，總有一款啱你心水！
餃子放題｜富山麵家 13 週年《$13 餃子放題》優惠詳情
想成功挑戰 $13 餃子放題？記得 Mark 實以下供應時間及地點，唔好摸門釘呀：
推廣日期： 即日起 至 2026 年 6 月 15 日
供應時間：
星期一至五（平日晚市）：下午 5:00 - 晚上 9:00
星期六、日及公眾假期：全日供應
餐廳地址： 銅鑼灣希雲街 7 號地舖（港鐵銅鑼灣站 F1 出口，步行約 6-8 分鐘）
備註： 放題只限堂食，不可外賣帶走。
圖片及資料來源：富山麵家 Ramen Iroha
同場加映：荔枝角餐廳$28雞皮餃子放題！2小時無限追加雞皮餃子＋即炸薯條／Threads友大推：抵食過掃街
荔枝角「米青蛋包飯公司」推出快閃$28雞皮餃子＋薯條放題，被不少Threads友大推，每人2小時無限量任食雞皮餃子及薯條，由即日起至4月2日完結，每位食客點餐達$80或以上，即可通知店員安排放題食物，立即約定朋友一起食到盡！
條款及細則：
‧ 只限堂食。
‧ 同枱客人必須一同參與。
‧ 入單起計限時兩小時。
‧ 每位需先點餐達到$80的消費要求，再通知現場同事安排放題食物。
‧ 為免浪費食物，每次追加上限為每人一碟薯條，及六隻雞皮餃子，吃完後方可再追加。
米青蛋包飯公司
地址：荔枝角長義街9號D2 Place ONE 3樓303號舖
電話：6925 3677
營業時間：星期一至日 12:00 - 22:00
飲食熱話
-
香港攻略
富山麵家
$13實現餃子自由🥟
🔷拉麵部分🔶 富山灣白鹽蝦拉麵:清甜蝦味湯底,麵條彈牙有咬勁,叉燒軟嫩入味,半熟蛋流心完美 北海道牛奶拉麵:奶香濃郁但完全不膩,湯底有北海道牛奶的甜,叉燒厚嫩,仲有好甜嘅粟米 🔷餃子放題🔶 即日起到6月15日 13週年祭🎏 惠顧任何拉麵 + $13 可享用餃子放題🥟 手工餃子:必叫推薦!!!⭐️味道好豐富,食過都回味😋 韭菜餃子:可以選擇煎或者炸,經典口味 泡菜餃子:都係手工包,酸辣開胃,越食越有過癮 脆軟骨菜肉餃子:口感層次超豐富 每隻個size都唔會好大,重點係款款都大餡但皮薄,真係好出色🙌🏻 🔷飲品部分🔶 有可愛生果造型杯 鮮泡蜂蜜綠茶🍎:蜂蜜味偏重,甜度明顯 冷泡烏龍茶🍍:清新順口,解膩效果更好 🔷後記🔶 放題真係食得晒先好嗌!!! 最後我又想食但又飽我就問可唔可以每樣2隻(1人1隻) 都勁好即煎比我地🫶🏻 真係好好食到令我走去問係包咗咩🤣 🔷下單內容🔶 富山灣白鹽蝦拉麵 $80 北海道牛奶拉麵 $85 餃子放題 $13/1人 鮮泡蜂蜜綠茶 $18 冷泡烏龍茶 $15 設加一服務費 - 🍴:富山麵家 📍:銅鑼灣希雲街7號地舖 #富山麵家#拉麵#餃子放題#銅鑼灣美食#餃子放題#日本菜#放題巡遊#講玩講食#ucreator#打卡美食#好去處#打卡#chill#香港美食#ucreatorhk#相機食先#foodie#餃子#港玩港食
閱讀更多
-
著數報料
富山麵家
13年餃子放題！🍜🥟 ($13任食6款！)
#富山麵家我哋一直都好鍾意食☺️ 為慶祝開業13周年,佢哋而家推出咗 #餃子放題 凡惠顧任何一款拉麵,再+$13就可以任食餃子😋 餃子有六款口味:手工餃子､韭菜餃子､素餃子､粟米餃子､泡菜餃子､脆軟骨菜肉餃子 款款都好正,手工餃子仲要係富山麵自家製作,真材實料☺️粟米餃子,👧🏻食到停唔到口🤣 至於拉麵,我哋叫咗冠軍黑醬油拉麵 $80 果然名不虛傳👍🏻湯底濃郁但唔會死鹹,麵條掛湯力強,叉燒勁厚👍🏻入口軟腍,食落好滿足😋加埋餃子放題,真係超值👍🏻👍🏻 仲有一樣要讚嘅,就係佢哋嘅服務同環境店內氣氛好輕鬆,坐得舒服,員工態度親切,落單快而準☺️食餃子放題嗰陣,店員仲會不時過嚟問我哋加唔加餃子,完全唔怕你食多,真係好有誠意🥰 拉麵同餃子雙重享受,無論係一家人定朋友聚會,都好適合☺️推介大家快啲去試,唔好錯過😋 @ramenirohahk 富山麵家 📍地址:香港銅鑼灣希雲街7號地舖 #銅鑼灣美食#日食夜食#拉麵@playplayfood
閱讀更多
-
香港攻略
銅鑼灣店雙人特惠拉麵
今日同朋友喺銅鑼灣行街, 睇吓附近有咩食, 經過見到呢一間門面好得意, 好多角落生物嘅裝修, 而且見到佢個雙人特惠套餐,好抵食$258 可以叫小食+拉麵+飲品x2💕 🥟炸韭菜餃子 炸到金黃酥脆 咬開啖啖肉,多汁不油膩 🥟手工白菜豬肉餃子 皮薄餡足,豬肉鮮甜+白菜清爽 手工餃值得推介👍🏻 🍜白鹽蝦半熟蛋 湯底比起黑醬油清淡啲 建議可以先食白鹽蝦湯底 清甜,而且唔會重味精湯 🍜黑醬油半熟蛋 黑醬油呢個湯底好特別, 食落去會有少少輕微甜甜地, 一啲都油膩,湯底鮮甜 最重要係兩款嘅拉麵都配上大大塊嘅豚肉, 半肥瘦一咬落去好入味入口即溶🤩 🍹凍蜂蜜綠茶 冰涼順口,茶香清新 解膩一流,配餃子剛好 🍨特色芭菲 三色味雪糕,配上忌廉層次感滿滿 份量足､口味穩､CP值爆表 雙人吃剛剛好,舒服又滿足 😍 富山麵家 (銅鑼灣) @ramenirohahk 銅鑼灣希雲街7號地舖 #富山麵家#銅鑼灣美食#日食夜食#餃子放題#拉麵
閱讀更多
