五星級酒店自助餐竟然低至$100一位？富麗敦海洋公園酒店「星耀廳」推出快閃優惠，3.5小時任食全新「仲夏熱帶盛宴」自助晚餐，主打新加坡海南雞、娘惹仁當雞、班蘭蛋糕、盲鰽魚配芒果莎莎，以及多款榴槤甜品。除咗超抵$100起，同步仲有買一送一、三人同行優惠，人均最平約$470，榴槤控同酒店Buffet fans都值得留意。
香港富麗敦海洋公園酒店自助餐$100/位
香港富麗敦海洋公園酒店現正供應「仲夏熱帶盛宴自助餐」，主打南洋經典美食及熱帶水果，今期精選菜式包括新加坡海南雞、娘惹仁當雞、班蘭蛋糕、爵士湯、盲鰽魚配清新芒果莎莎、香烤春雞伴百香果汁，以及香氣四溢的泰式雞肉菠蘿炒飯等。
即日起於Klook平台預訂自助晚餐，只需$100/位，近原價慳逾$800！另外亦設買一送一及3人同行優惠，連加一服務費人均低至$470。
榴槤粉絲有口福喇！自助餐備有多款榴槤甜品，包括榴槤忌廉芝士手卷、榴槤雞煲及榴槤薄餅、即製榴槤窩夫、冰涼榴槤雪花冰以及巴斯克芝士蛋糕，多款榴槤甜品包括輪流登場，保證令您「榴槤」忘返！
海洋公園酒店自助餐優惠詳情
自助晚餐突發優惠
售價：$100/位（原價$922）
自助晚餐買一送一
售價：$1,006（人均：$503，原價：$1,843）
自助晚餐買1位 + 第2位$18
售價：$940（人均：$470，原價：$1,844）
自助晚餐買一送一 + 第3位$208
售價：$1,214（人均：$404.7，原價：$2,765）
用餐時間：18:00 - 21:30
地址：黃竹坑海洋徑3號香港富麗敦海洋公園酒店1樓
優惠開售日子：即日起至2026年8月4日
適用日期：即日起至2026年9月30日
<< 提醒大家，購買前留意訂購平台的使用條款及細則，一切以訂購平台公佈的價錢為準。數量有限，售完即止；所有優惠細則更新至文章發佈日期，訂購平台保留更改優惠權利，U Lifestyle 概不負責。>>
活動資訊
- 開始日期2026-07-30
飲食熱話
-
香港攻略
今次去荃灣西如心酒店食 Café Circles 嘅「星馬滋味匯饌」自助餐，成體感覺幾驚喜，食物款式夠多，亦真係食到幾款有星馬風味嘅菜式，例如肉骨茶、辣椒蟹同炒粿條，味道算係幾惹味，唔係普通酒店 buffet 求其加少少南洋元素就算 。海鮮方面都有雪花蟹腳同鮑魚，質素唔錯，食落夠鮮甜，補盤速度亦算快，唔使等太耐 。 我自己最鍾意係甜品位，尤其係榴槤系列真係好吸引，D24 榴槤忌廉班戟食落幾香濃，榴槤控應該會幾開心，另外斑蘭同娘惹風味甜品都幾有主題感 。餐廳環境闊落舒服，坐得唔會太迫，服務員收碟同執枱都算利落，成餐飯食得幾輕鬆，幾適合同朋友或者屋企人一齊去開心食餐好嘅 。 #自助餐回本攻略
閱讀更多
-
西式美食
LightHouse Cafe
港島區海景自助午餐😋
Fullerton假日午市自助餐😋 Fullerton開咗差唔多兩年，我哋一直都未去過Staycation或食自助餐，因為呢度嘅價錢真係偏貴，開業時Staycation每晚最平都要$3,000，就算而家假日Lunch Buffet，正價加一後都要$600位。🥲 今次趁Klook推出買一送一優惠時，搶到8位假日lunch buffet，折完後每位$341，即刻覺得好抵食。😍 去Fullerton酒店最方便嘅方法就係喺海洋公園港鐵站轉乘酒店免費穿梭巴士，假日15分鐘一班。餐廳環境好好，可以望到海景，食物就以甜品比較出色，榴槤巴斯克蛋糕好好食！凍海鮮就有蟹腳同麵包蟹，不過麵包蟹就只見到蟹身同腳，冇見過蟹膏。🙈 熱葷種類都算多，不過冇乜邊樣特別突出，燉湯好飲，刺身只有4款，三文魚同油甘魚都好肥美。👍🏻 以$341位計，呢餐我哋超滿意。😁 星耀廳 地址：黃竹坑海洋徑3號香港富麗敦海洋公園酒店1樓#港島美食 #打卡美食 #Foodie #假期推介 #西餐廳
閱讀更多
-
香港攻略
一邊望著藍藍的海，一邊在綠意盎然的星耀廳吃充滿南美熱情風的自助餐 🍖🥓🧀🍍🥗🍰 由冷盤沙律🥗點區燒烤區到甜品區等等都充滿驚喜！而且款式十分豐盛✨ 燒烤區燒西冷扒，香烤羊腿🍖，肉質juicy 美味！連燒乳豬都係新鮮出爐！ 最受歡迎的海鮮冷盤專區有雪蟹腳、機主鮑魚，麵包蟹，日式刺身等等的！全部都新鮮好味！ 另外餐廳還有印度🇮🇳菜區，咖喱炸物同烤餅都係印度廚師主理，辣味仲專為香港人調節，唔太辣又creamy ! 意粉專區仲可以叫廚師的長烹飪喜歡的意粉🍝，小朋友最愛✨ 最最驚喜一定喺甜品區！ 款式真係多到數唔晒，由其喺有超多星加坡&東南亞特色甜品!令我想起之前住新加坡富麗敦酒店日子！娘惹千層糕，芒果椰子蛋糕，班蘭蛋糕！仲有Mövenpick® 雪糕（超多口味同特設榴槤甜品專區！記得一定要留另外一個胃食甜品🍮 #Chill賞任食狂歡
閱讀更多
