又一間必試元朗美食！港式街頭小食店「肥姐蠔餅婆」多年來深受街坊歡迎，專賣潮式炸蠔餅（＄40），每份蠔餅都新鮮即叫即炸。
雖然蠔仔不算超大粒，但勝在份量夠多，非常足料；蠔餅亦出名炸粉不會過厚。
在蠔餅炸至酥脆後，可再淋上惹味香辣的秘製醬汁，味道微微帶酸，很開胃！
小店另有售泰式鳳瓜、豆漿和自家製涼茶飲品。
*注意：店鋪只收現金
肥姐蠔餅婆
地址： 元朗教育路68號兆豐樓地舖
營業時間：星期一至三 14:00 - 01:30｜星期五至日 14:00 - 01:30（星期四休息）
圖片授權轉載：IG@hkfoodology、eatwithjojohnny、eatistruelove.hk
飲食熱話
-
香港攻略
暉記大排檔
我最喜愛酥脆炸蠔餅
屯門某大排檔嘅蠔餅配埋冰凍啤酒,真係完美組合!🍺 暉記大排檔嘅蠔餅真係一絕!外層炸到金黃香脆,咬落去｢咔嚓｣一聲,裡面仲保持住鮮甜多汁嘅蠔味,混合住蔥香同蛋漿嘅嫩滑口感,層次好豐富｡ 再加上啤酒嘅清爽同微微苦味,互相中和,令口腔更加清新,簡直係幸福嘅節奏｡ #蠔餅#大排檔#屯門美食
閱讀更多
-
中式料理
潮庭 (大圍)
潮庭蠔仔粥🤤蠔唔夠鮮甜？🤔
Again咗去潮庭食蠔仔粥~但係d蠔今次就無上次咁好食同鮮甜肥美~試埋甜品~甜品係好食但個人覺得太甜~梅菜扣肉好多梅菜呀,要送白飯食~個墨魚餅竟然係配甜醬,我就覺得配喼汁好味~ #fullbody純黑魅力#打卡美食#好去處
閱讀更多
-
香港攻略
陳鵬鵬潮汕菜館
陳鵬鵬 | 銅鑼灣 | 超預期好味抵食潮州菜
朋友係潮州人,請我去銅鑼灣陳鵬鵬食潮州菜｡朋友點了工作日午市精選套餐$328 先上鳳凰單叢*蜜蘭香,呢款烏龍茶蜜香撲鼻,湯色橙黃剔透,入口順滑,蘭香綿長｡ 潮式前菜:琥珀秘製溏心蛋+翡翠燒香鮑仔,賣相精緻吸引,鮑魚仔鮮甜,開胃討喜｡ 金獎獅頭鵝拼盤:鹵水鵝肉嫩味香濃,二人餐已有不少份量｡ 普寧炸豆干即係脆炸布包豆腐,蘸點潮式韭菜鹽水,炸工好,外面輕薄酥脆,豆腐軟嫩,份量多｡ 潮州菜必食脆炸蠔餅,蠔仔飽滿肥美,有少少邪惡 😂 朋友講潮汕人都會在初七人日吃七樣菜,祈願家人平安健康｡好意頭嘢,新年必須意思意思｡ 南澳蠔仔泡飯,大量圓碌碌蠔仔､加上方魚冬菇絲芹菜芫茜,足味上湯,一大鍋超抵食嘅｡ 必須一提:侍應上完菜,溫馨有禮提醒隨時通知安排上甜品,簡單安排感覺良好｡ 至於紅豆沙真係有驚喜,甜度適中､紅豆綿軟量多,加上淡淡陳皮香,近期少有吃到的高質紅豆沙｡ #無瑕自信肌#銅鑼灣美食#陳鵬鵬潮州菜#潮州菜午市套餐#ucreator#潮州菜#陳鵬鵬#hysanplace
閱讀更多
