荃灣民豐粉麵行抵食$6爆餡糯米糍　開心果／手炒花生芝麻餡＋爆汁餃

荃灣老字號「民豐粉麵行」的招牌爆餡糯米糍深受街坊歡迎，最平$6粒好抵食～荃灣民豐粉麵行新出的開心果糯米糍近期爆紅，日賣6000粒！荃灣民豐粉麵行糯米糍還有榛子、腰果、手炒花生、芝麻、豆沙餡，爆餡足料～另外香煎韭菜餅、水餃、生湯丸等亦是熱賣之選！

網民在Facebook Group「全港排隊人龍關注組」報料，指荃灣民豐不論日夜也大排長龍，可見其招牌爆餡糯米糍深受街坊歡迎！

↓點擊圖片放大↓

+4

+3

👇 爆餡糯米糍口味+價錢：

↓點擊圖片放大↓

+5

+4

• ▶立即下載U Lifestyle App： https://onelink.to/ulapp2

👇  開心果糯米糍發售詳情：

↓點擊圖片放大↓

+3

+2

老字號「民豐粉麵行」扎根荃灣60多年，每日店內人龍絡繹不絕，主打招牌爆餡糯米糍，最平$6粒！民豐粉麵行最近推出的開心果糯米糍備受開心果關注組力捧，每日開賣時店外都有長長人龍排隊購買，高峰期日賣6000粒！另外民豐粉麵行的韭菜餅、生餃子和湯丸同樣深受街坊歡迎，值得一試。

↓點擊圖片放大↓

+12

+11

同場加映：【開箱速遞】最新影片

民豐粉麵行早前於2月的荃灣元宵市集首度快閃推出開心果糯米滋，反應相當熱烈，不少朋友都希望開心果糯米滋可成為恆常供應款式。現在大家集氣成功，終於等到民豐正式恆常供應開心果糯米糍，另外還有榛子糯米糍、腰果糯米糍同步人氣登場，每款$12粒，皮薄爆餡～

↓點擊圖片放大↓

+6

+5

民豐粉麵行糯米糍除了新出的開心果、榛子、腰果餡外，還有三款經典口味，包括芝麻、花生、豆沙（$6／粒），小店每日清晨就開始製作糯米皮，堅持以人手炒香芝麻和花生，磨碎後混合砂糖，食落有起沙的感覺。

↓點擊圖片放大↓

+5

+4

糯米糍飽滿大粒，外皮煙韌軟熟，咬開超爆餡，餡料澎湃多到滿瀉！花生糯米糍味道像糖不甩，芝麻餡亦好香口，而豆沙餡香甜細滑，還食到粒粒紅豆碎。提提大家，糯米糍購買後建議即日趁新鮮盡快享用，為免影響糯米糍口感和味道，大家別存放於雪櫃啊～

↓點擊圖片放大↓

+3

+2

小店的韭菜肉餅（$15）都是必試名物，假日更日賣過百件！韭菜餅包滿韭菜豬肉餡，用上每日新鮮送到店的豬肉，即叫即煎至金黃色，外層香脆，一咬爆汁，韭菜香味突出夠惹味，值得一試～

↓點擊圖片放大↓

+5

+4

早餐不妨買個熱辣辣粢飯（$18），新鮮即製，包滿肉鬆、榨菜和油炸鬼，口感豐富，夠晒飽肚。

↓點擊圖片放大↓

+2

民豐粉麵行的自家製生餃子、雲吞價廉物美，水餃（$33／15隻）有韭菜、白菜、冬菇豬肉餡，全部都是人手包，而韭菜豬肉餃更是人手搓餡，誠意十足。雲吞皮薄滑溜兼餡靚，而餃子以北方風格製作，相對厚皮且有咬口，帶點煙韌口感，各有特色。

↓點擊圖片放大↓

民豐粉麵行湯丸（$32／盒）有花生、芝麻等口味，而自家製麵餅同樣有不少捧場客，當中瑤柱蝦子麵落足料，高湯不加水再混合瑤柱製成麵糰，可選幼麵或粗麵。

↓點擊圖片放大↓

民豐粉麵行

地址：荃灣荃灣街市街35號

營業時間：8:30am - 10pm

電話：2492 6860

WhatsApp預訂糯米糍：6071 9070

＊須最少2日前預訂糯米糍，最低消費為$600，運費另計

部分圖片授權轉載：IG @kylie_foodaily @joeie_foodie @2hungrybesties