12款熱辣辣港式煲仔菜食譜推介！羊腩煲／麻辣雞煲／魚香茄子煲／薑蔥蠔煲／南乳豬手煲

最近天氣轉涼，天氣凍最啱食熱辣辣暖笠笠的煲仔菜，以下為大家推介12款惹味煲仔菜食譜，有雞煲、羊腩煲、薑蔥蠔等等，而且做法不算難，自己在家都可以輕鬆煮出大排檔風味的煲仔菜，大家不妨mark低試試啦！

煲仔菜食譜 1. 麻辣雞煲

冬天就當然要食雞煲，今次就教大家3步完成超簡單麻辣雞煲，只要找齊調味料，新手都可以煮到惹味的雞煲！

 

---

煲仔菜食譜 2. 花雕雞煲

另一個雞煲食譜──花雕醉雞煲食譜，一鍋到底即可完成，十分適合入廚新手的朋友整。這個煲仔菜食譜加入了枝竹，吸收了雞煲的美味精華，而且自己整雞煲食譜就可按個人喜好調節辣度，今個冬天大家都試試整這個熱辣辣煲仔菜食譜啦！

 

 

 

---

煲仔菜食譜 3. 枝竹羊腩煲

除了雞煲外，枝竹羊腩煲也是必食的暖胃煲仔菜。其實自己在家中整都一樣很簡單，大家可以跟住以下食譜試做。

 

 

 

---

煲仔菜食譜 4. 沙嗲牛肉粉絲煲

沙嗲牛肉粉絲煲製作過程簡單，粉絲吸收了沙嗲汁的味道，肥牛軟腍嫩口，十分惹味，用來撈飯就最好不過！

 

---

煲仔菜食譜 5. 花雕鮮蝦粉絲煲

這款粉絲煲吸收了花雕酒香，而且帶有蝦的鮮味，用來撈飯相當不錯，而且一鍋到底簡單又易整～

 

---

煲仔菜食譜 6. 魚香茄子煲

魚香茄子煲製作方法十分簡單，新手都可以做到，而且辣辣的十分美開胃、惹味，撈飯絕對一流呀！

 

---

煲仔菜食譜 7. 辣酒煮東風螺

辣酒煮螺也是大牌檔受歡迎的煲仔菜式，只需要簡單5步就可以製作出色香味俱全的作品！愛吃辣的朋友一定要試試呀～

 

---

煲仔菜食譜 8. 薑蔥蠔煲

蠔鮮味滑溜，而且非常滋補，深受大家喜愛。用薑蔥炒蠔，不但肥美飽滿，再配上惹味醬汁，送飯一流！

 

---

煲仔菜食譜 9. 南乳豬手煲

豬手有很多種烹調方法，這次煮的是南乳蓮藕炆豬手只需要6個步驟，就能食到超入味的豬手和爽脆的蓮藕，大家都不妨在家中試試煮吧！

 

---

煲仔菜食譜 10. 鮮蝦豆腐粉絲煲

鮮蝦豆腐粉絲煲湯底鮮味濃郁，加入紹酒滲出淡淡酒香，秋冬吃相當暖胃！

 

---

煲仔菜食譜 11. 蟹黃豆腐煲

這款平價版蟹黃豆腐煲改用蟹柳及蛋黃，材料比較便宜，但仍能保留其奶油口感，用來撈飯一流！

 

---

煲仔菜食譜 12. 玉子豆腐金菇煲

玉子豆腐除了可以用來打邊爐外，亦可用來做做煮家常小菜！這款玉子豆腐金菇煲吸收惹味香濃醬汁，玉子豆腐香口嫩滑。

 

 

 

---

瓦煲使用與保養方法（煮煲仔菜點開煲？）

新煲落地：開煲三部曲

剛買回來的瓦煲不能直接使用，因為陶土有孔隙，需要透過「開煲」來滋潤煲身，增加耐用度。

1. 清潔去沙：先用小刷子將瓦煲內部的細小沙粒刷走，防止沙粒混入食物中。

2. 浸泡封孔：將整個瓦煲浸入水中 24 小時，讓乾燥的煲壁孔眼吸飽水份。浸泡後，連水用小火煮滾，熄火待完全冷卻後，將水倒掉並抹乾。

3. 油潤防裂：在煲內掃上一層食用油。加熱至油滾（起泡）即可熄火，油膜能保護瓦煲，防止日後煮食黐底。

日常瓦煲清潔護理

1. 瓦煲最怕忽冷忽熱和強力刮擦，清潔時要特別溫柔。瓦煲使用後不要急著清洗，必須等待它自然散熱冷卻後，才用百潔布清洗。剛煮完熱辣辣直接沖冷水，極易因熱脹冷縮導致爆煲！
2. 對付黐底/焦燶，若有輕微黐底，先用水浸泡一晚再洗。若情況嚴重，浸水一晚後，再用小火煮滾，然後輕輕一刷，結焦便會脫落。千萬不要用鋼絲刷硬刮。
3. 防止瓦煲發霉，洗淨後，務必用乾布或廚房紙徹底抹乾水份。將瓦煲倒扣風乾，避免水份滲入煲底孔隙。完成風乾後，可用報紙包好，放在通風陰涼處。

💡注意： 如果瓦煲已經閒置了一段很長的時間沒用，再次使用前，請把它當作新煲一樣，重新進行一次開煲程序（浸水、塗油），以防破裂。

煮煲仔飯烹飪秘訣

1. 米：白米洗淨後，先浸水 1 小時，這能讓米粒更快熟透且口感更好。
2. 煲：煮飯前，必須在煲底抹油，否則沒有易潔塗層的瓦煲一定會黐底。
3. 黃金比例：米與水的比例建議為 1 : 1。
4. 火候控制：先開大火煮沸清水，然後轉中小火。
5. 增香技巧：飯焦（鍋巴）： 當飯粒開始收水定型時，沿著煲蓋邊澆一圈食用油，油會流到煲底，炸出香脆飯焦，同時防止黐底。加蓋烹煮後，可以在蓋邊澆一圈米酒或紹興酒，轉大火略煮 1 分鐘，利用熱力將酒香逼入食材中。