講起九龍城美食，除了泰國菜外，還有沙嗲火鍋！地道港式大排檔「馬仔粉麵」隱身於九龍城街市熟食中心，必點小店晚市的特濃沙嗲火鍋，沙嗲湯底超香濃，還有粒粒花生，打邊爐推介配手切牛肉和出前一丁，變成沙嗲牛麵好惹味～
同場加映：溫泉蛋煮多久？零失敗完美溫泉蛋簡單做法！ 2種方法用電飯煲／關鍵溫度+量水／溫泉蛋醬汁
沙嗲火鍋（湯底$60）
除了沙嗲湯底外，還有蕃茄湯、皮蛋芫荽、清湯選擇，亦可加$10轉雙拼湯底。沙嗲湯香噴噴，濃稠微辣帶花生香，不會太鹹。
手切牛肉（小 $300｜大 $360）
牛肉厚片大份，肉質鮮嫩，肥瘦均勻不嚡口，跟香濃沙嗲汁完美配搭。
除了牛肉外，打邊爐配料還有海鮮、丸類和蔬菜等，可單點或雙併，雙併同價。必食炸魚皮（$45），香脆大塊份量足，輕輕一淥吸滿沙嗲汁，好香口。$35配料款式有蘿蔔、豬皮、豬紅等，蘿蔔清甜無渣又入味，豬皮爽彈；$55配料可選黑柏葉、水魷、鮮雞件、豬粉腸、釀豆卜、雲吞等，至於$80配料分別有脆肉鯇魚片、豬腰等。食沙嗲火鍋又怎能錯過出前一丁麵（$35）？即食麵夠掛汁，吸滿沙嗲湯和打邊爐配料的精華，超惹味！
馬仔粉麵
地址：九龍城九龍城市政大廈3樓2號舖
營業時間：6pm - 11pm（逢星期一休息）
電話：2716 7032
人氣餐廳排名
-
香港攻略
火鍋頭
九龍城頂級火鍋推介！🔥
火鍋頭📍 九龍城龍崗道17號地舖及1樓 粵式牛肉海鮮火鍋店,主打頂級本地手切肥牛,時令優質海鮮及足料湯底｡尤其牛頸脊肉質嫩滑又有肉香｡職員主動幫忙加湯及清理枱面,令人感覺賓至如歸｡整體用餐體驗十分愉快,絕對係會推薦俾朋友嘅火鍋餐廳｡ 鮑魚花膠原隻豬肚包雞鍋: 精選原隻鮑魚､厚身花膠及足料豬肚包雞慢火熬製,湯色奶白濃稠,胡椒香氣馥郁,鮮甜醇厚｡鮑魚彈牙鮮美,花膠軟糯滋潤,豬肚爽脆有咬口,每一口都充滿濃郁精華,暖胃滋補,特別適合秋冬時節享用｡ 脆炸午餐肉外層炸得金黃香脆,內裡仍保持午餐肉的鹹香肉味,口感層次豐富｡ 椒鹽九肚魚:炸得乾身香脆,椒鹽調味恰到好處,帶出九肚魚的鮮味,十分適合作為前菜｡ 本地手切三點(牛頸脊､牛坑爪､牛頸心)肉味濃郁,油花分布均勻｡牛頸脊嫩滑帶肉香;牛坑爪口感煙韌有嚼勁;牛頸心則兼具嫩滑及彈性,各有特色｡ 自家製丸類鵝肝墨魚丸用料十足｡墨魚丸鮮甜彈牙;牛丸肉汁豐富､充滿牛香;手打鯪魚球爽口彈嫩,帶有傳統手工製作風味｡ 整體而言,食材新鮮,用料有誠意,湯底鮮甜而不搶味,能夠襯托各款肉類及配料的原有風味,是一次令人滿意的火鍋體驗｡ 總結: 令人回味無窮 下次嚟一定要試埋佢哋嘅海鮮 #九龍城#火鍋頭#鮑魚花膠原隻豬肚包雞鍋#炸午餐肉#鵝肝墨魚丸
閱讀更多
-
擦餐勁
馬仔粉麵
九龍城·濃厚沙嗲鍋🫶🏻
估唔到細細個熟食中心竟然有得打邊爐 仲要有勁濃厚既沙爹湯底🥹🥹🥹 絕對係比起普通茶餐廳食既沙爹牛肉麵更濃 仲會咬到花生碎 煮完個麵勁掛汁🤤🤤 現場有冷氣 唔會太熱 地下都無油淋淋 但食到後半見到勁大隻米奇跑過🥲 又真係覺得好好食好想encore 🥲🥲 #香港美食#邊爐#沙爹 #九龍城#九龍美食 #UCreator
閱讀更多
-
香港攻略
瀛鍋
打邊爐 x 靚牛肉
呢間餐廳環境闊落九龍城出名既打邊爐餐廳之一，座位舒適，而且樓上仲有包廂房間，私密度比較高，可以訂房同朋友慶祝，傾生意，私人飯聚都好岩。 呢度15周年慶祝優惠每位都送冰鎮鮑魚一粒，爽口彈牙，刺身拼盤仲有三文魚，三文魚籽魷魚，北寄貝同希靈魚。 飲品方面夏日解渴推介洛神花消暑又解渴，另一杯係鴨屎香檸檬茶鴨屎香味濃郁，檸檬開胃醒神，而且份量都好大杯。 湯底揀左卜卜蜆煲，仲叫左一份雙拼手切牛肉同埋霜降牛肉，手切牛肉比較煙韌肉味濃郁，霜降牛肉就比較軟熟油脂分布平均。 瀛鍋 地址：九龍城福佬村道82-84號福成閣地下A-B鋪 #UCreatorHK #BESTFOODwithUCreator #九龍美食 #香港地道美食 #foodie #打邊爐
閱讀更多
