如果係沙牛麵 fans，一定聽過元朗的永順，這間 35 年的舖頭裝修重開，一改以往傳統茶水檔的格局，變成光猛的型格快餐店，餐單不變，馳名沙嗲牛、奶茶、炸豬扒、雜錦麵一樣喺度，環境升級、但味道與情懷不變，幫襯嘅人潮好似仲多過以前。
text│sieg photo│Jay
永順 1986 年才搬入元朗，最初以茶水檔形式經營服務附近的工廠職員，只賣簡單的三文治與奶茶，直到 96、97 年才推出沙牛麵，老闆陳生是潮州人，潮州人最叻做沙嗲，濃郁、充滿花生香，又有沙茶醬的惹味，誰知推出不久便得到食家青睞，近 30 年來食大三代街坊，更有不少區外人慕名而來。
永順的沙嗲做得有誠意，日日煮，不隔夜，日日炒足十幾鑊、賣近 300 多碗。沙嗲膽不用現成貨，用 6、7 種料頭、花生醬、沙茶醬等 3 種醬料炒成，沙嗲不死鹹、微稠帶花生香，非常惹味。牛肉不用急凍貨，原條鮮牛肉入貨，再去筋切片，既因為是鮮牛、也因為去了筋，完全不須用食粉或梳打「乸」過，也腍滑有牛味。誠意位仲有鮮牛放到沙嗲牛中炒，將沙嗲香逼到肉裏，啖啖都是沙嗲香。
來這裏吃沙牛麵，識食嘅一定點蟹王麵，亦因為永順的沙牛麵太紅，蟹王麵亦因此而聲名大噪，4、5 年前被雜誌報導後，連連鎖超市也將蟹王麵上架，最終全港都識。蟹王麵是香港第一代引入的日本即食麵，最初只在元朗一些士多、雜貨店販賣，沙牛配元朗獨有的蟹王麵亦成了永順沙牛的一大特色。有別出前一丁，麵質軟一點、滑一點，夾一箸掛上沙嗲牛，掛汁好味。
沙牛以外，炸豬扒也有無數 fans，沒有花巧，肯花時間上鬆化的脆漿生炸，巴西豬扒用刀背揼揼鬆，即叫即生炸，上枱切忌即刻放入口，熱氣騰騰會熨到朱唇㗎！奶茶也是元朗街坊必點，混合了 3 種粗幼茶葉，茶味濃重、茶底滑溜，茶多奶少，一飲醒神。
永順仍保留茶檔模式，6:30am 開招呼一班愛歎奶茶的長輩，每日 5:30pm 打烊，記得唔好咁晏嚟，記者試過 5 點前來，沙牛賣晒，幾失望呀！
沙嗲牛肉 $21、蟹王麵 $11（兩餸起）
沙嗲牛用來鮮牛做，會放到沙嗲汁中炒，連牛肉都滲花生香味，沙嗲汁微稠，上枱即傳來花生香味，入口有少少甜、又有沙茶醬的惹味。
熟食嘅，梗係配永順煲紅嘅蟹王麵，其麵質較軟帶滑，澱粉味適中，掛上沙嗲汁，沙嗲味更顯香濃。
熟客鍾意叫炒牛肉做麵料，鮮牛即叫即炒，令牛肉多了份焦脆。
沙嗲炒牛肉麵（炒牛肉 $24、福麵 $7，兩餸起）
沙牛麵的另一種食法，就是點炒牛肉再配沙嗲汁，熟客才識點，咁叫勝在牛肉口感特別好，牛肉焦脆有嚼感，多了份鑊氣。
炒牛肉帶焦香，特別香口。
雜錦麵（雪菜肉絲 $15、雜錦 $15 麵底 $7）
其中一款元朗街坊食到大的麵食，材料豐富，有切得粗粗的午餐肉、魚片及紅腸，材料非白烚、全部爆香奉客，配個福麵，深受街坊歡迎。
芝士流心蛋炸豬扒三文治 $29
永順名物之一，豬扒即叫即炸，還有流心的雞蛋及芝士，豬扒入味易咬。
茶記重裝後格局年輕光猛，座位多了，但不覺迫夾。
【info】
永順沙嗲牛肉專門店
地址：元朗元朗安寧路 2 號冠煌樓地下 F 號舖
電話：2474 7074
營業時間：6:30am - 5:30pm
人氣餐廳排名
-
打卡熱點
第一次去永順食，雖然牛肉都幾款咁，花多眼亂，跟下大家咁叫先： 炒牛肉、沙嗲牛、蟹王麵 再加一個開心果西多💚 一上枱就明點解啲人要影相📸 沙嗲汁濃、牛肉明顯炒過，開心果西多打卡夠吸睛 如果有得跑步🏃🏻♀️完再食，可以試埋芝士流心蛋煎豬扒三文治🥪 嗱～你問我，我又唔覺蟹王麵有咩特別，因為一條友叫唔到另外嘅麵比較，真心問係蟹王麵好食啲？ **下次試吓唔炒，直接沙嗲牛肉同福麵又點先，係咪傳說中大家嘅配搭最正先，定大家有咩推介？ 不過我見豬扒都好吸引，又想食通粉～ 西多嚟講，我平時係牛油🧈糖漿派，今次呢個西心果西多係配煉奶，開心果醬味未算好濃，但勝在多開心果粒～ #繼續香港美食自己搵 #享受天然芳療時光
閱讀更多
-
港式美食
金馬倫道
人氣厚豬扒超惹味🥩港式懷舊美食😋元朗冰室
附近路過時見到 "元朗冰室" 既馳名厚豬扒，就同班朋友入去食下野先，好期待既厚豬扒～ 入到餐廳環境明亮，裝修簡約，地方寬闊，坐得舒服。餐廳主打港式茶餐廳，侍應招待友善，服務一流。 美式餐招牌厚豬扒 $66 依個係美式餐，包括招牌厚豬扒、薯蓉、火腿嫩滑炒蛋、蒜蓉厚多士及餐飲。一上枱見到豬扒已經覺得好厚，好鬆軟，有肉汁，而且調味唔會太過重，果然好味道 ; 配搭火腿炒蛋，蛋味濃且嫩滑，薯蓉口感creamy，以及都幾厚既蒜蓉多士，香脆可口。 奶油脆豬 $32 必點名物 ~ 奶油豬！超大個既奶油脆豬，麵包鬆軟，牛油和煉奶既比例啱啱好，口感帶點煙韌，好脆口。 金牌沙嗲牛肉即食麵 $45 沙嗲牛肉麵係去港式茶記必食既，我都唔例外。揀左雙拼沙嗲牛肉同腸仔，牛肉都幾大片，軟腍唔韌，肉質嫩滑多汁，沙嗲醬汁香濃，揀咗出前一丁(+$3)，配備獨立包裝麻油，即食麵唔會煮得過淋，麵質彈牙有咬口，至於湯底係選用海鮮地魚熬製而成，清香鮮甜，啲湯差唔多飲晒，確係好味既沙嗲牛肉麵。 DOUBLE 厚豬扒飯 $74 呢碟飯既厚豬扒有兩大塊，真係好足料，件件豬扒都好大塊，而且好厚身，入口啖啖肉，米飯粒粒分明，配埋秘製豉油，撈飯一流。 厚豬扒配蓮藕餅飯 $62 好友就點咗厚猪扒配蓮藕餅飯，厚豬扒食落口感十足，肉質嫩滑，配蓮藕餅好夾，蓮藕爽口，中間夾住豬肉餡，煎得香脆唔油膩，呢兩款餸配飯唔錯，個個都讚厚豬扒好食。 焗意式厚豬扒意粉 $62 焗厚豬扒意粉好有驚喜，厚豬扒肉質鮮嫩多汁，面層放上蕃茄、菠蘿、洋蔥，加上芝士同醬汁，好出色既焗豬扒飯，食返原身既味道，連洋蔥都食出有陣甜味，意粉彈性有嚼口，醬汁夠多可以每條都沾上，出色既焗意式厚豬扒意粉。 炸雞髀 $38 雞髀炸至外皮金黃酥脆，肉質嫩滑，裡面有肉汁唔會乾，調味都好入味，唔錯。 金牌沙嗲牛肉包 $34 沙嗲牛肉包已經唔多餐廳會有，所以都想試一試味道。首先沙嗲醬汁好香濃，唔會搶咗牛肉本身味道，牛肉新鮮嫩滑，食落冇渣，麵包鬆軟，口感味道佳。 紅豆冰(+$5)，講到懷舊風味，紅豆冰當然唔少得啦！紅豆煮到起沙，甜度剛剛好，好香濃既椰汁味， 好冰涼，爽呀！檸檬利賓納(+$5)，依杯味道酸酸甜甜，食完飯飲番杯，既解膩又消滯。凍檸檬茶(+$3) 色澤對辦，飲起黎茶味芳郁。凍檸檬水(+$3) 甜到啱啱好，口感fresh。 元朗冰室 地址 : 尖沙咀金馬倫道48號中國保險大廈地下A2號舖 (此文章由U Blog 同步發佈至社群)
閱讀更多
-
香港攻略
德島早餐🍜沙嗲牛公仔麵！💯
尖沙咀德島早餐嘅沙嗲牛肉公仔麵配奶茶,絕對係好多打工仔同遊客嘅早上升級版｢港式靈魂｣! 德島嘅招牌沙嗲牛肉粉麵(好多時用公仔麵即出前一丁麵底)份量十足,價錢親民,仲可以配鮮奶炒蛋､多士,超抵食 $50 沙嗲牛肉公仔麵一打開,香氣即刻撲鼻!沙嗲汁濃郁帶甜,帶少少花生香同洋蔥甜味,唔會太辣但好惹味,湯底夠多夠入味😌😌 牛肉片切得厚實,軟腍嫩滑,咬落有牛肉香,唔會碎濕濕或太韌｡公仔麵吸飽咗沙嗲汁,彈牙有咬口,每一口都係濃濃港味,早餐食落特別滿足又醒神~ 配埋一杯德島出名嘅熱奶茶,茶底濃郁順滑,奶香夠重,甜度適中,沖得啱晒香港人嘅口味｡一啖奶茶､一啖沙嗲麵,暖笠笠又邪惡,食完即刻覺得今日有動力! {{hket:campaign display="變身甜品大師"}}{{/hket:campaign}}##德島早餐#沙嗲牛肉公仔麵#港式奶茶
閱讀更多
