尖沙咀排隊韓國餐廳「自家製韓國刀削麵」近日進駐元朗，繼續主打近期大熱的韓式刀削麵，招牌餐點有花蛤刀削麵、牛骨湯刀削麵、爆餡韓式餃子。此外，餐廳供應抵食午市套餐，$68有齊刀削麵、餃子、飲品，大份又飽肚，鍾意韓國菜的朋友不能錯過啦～
<<按細圖查看自家製韓國刀削麵Menu>>
李家集團旗下餐廳「自家製韓國刀削麵」近日元朗開設分店，小編光顧當晚已見排隊人龍。餐廳用上棕色木質餐桌和餐椅，整體幾有韓國傳統小店的感覺，現場約有30個座位。
餐廳供應的刀削麵皆自家製成，特別推薦花蛤刀削麵（$78），湯底看著清澈，卻有濃郁的花蛤鮮甜味道，花蛤的份量亦十分澎湃，搭配翠玉瓜、蛋絲、海帶享用，幾滿足。
牛骨湯刀削麵（$78）是另一推薦餐點，奶白色的湯頭飲落肉味香濃，切得大大塊的牛肉約有5塊，肉質幾扎實，配料冬菇亦吸滿香濃湯汁。無辣不歡的朋友就可以試試辣拌刀削麵（$78），冷的刀削麵口感幾彈牙，配料有蛋絲、牛肉、沙律菜、紫菜等，食落幾清爽。
小食可以試試雙拼餃子（$58），包括2隻豬肉餃子和2隻泡菜餃子，皆大隻飽滿，一咬爆餡，其中泡菜餃子辛辣之餘，口感亦十分爽脆。餐單上雖然還寫有3款韓式煎餅，但礙於人手不足，暫時未供應。
值得一提的是，餐廳的泡菜免費無限量供應，此外午市時段亦提供$68套餐，可以自選1款刀削麵、餃子及飲品，於尖沙咀地段來說算是幾抵食，各位打工仔Lunch Time不妨一試呀～
自家製韓國刀削麵
| 地址 | 營業時間 | 電話 | |
| 元朗店 | 元朗鳳攸南街3號好順景大廈2座一座地下6號鋪 | 每日中午12時至下午4時；下午5時至晚上10時 | 3590 9307 |
| 灣仔店 | 灣仔駱克道397號金禧大廈地下 | 每日中午12時至下午4時；下午5時至晚上9時 | 3188 4785 |
| 尖沙咀店 | 尖沙咀山林道46-48號地下20-27號舖 | 每日中午12時至下午4時；下午5時至晚上9時 | 3427 9582 |
人氣餐廳排名
-
韓國菜
부자칼국수 自家製韓國刀削麵 (尖沙咀)
[勞蘇食]高質心機韓國麵🇰🇷
#自家製韓國刀削麵,位於尖沙咀山林道,周圍非常之多餐廳唯獨呢間有啲爆滿,實有原因嘅😍店舖唔係好大,企理,韓國刀削麵🇰🇷自家製,泡菜蔥花任添,價錢親民👍🏻 雙拼餃子,連蒸籠上枱🥟同一般見到嘅長條型韓式煎餃唔一樣,大大粒嘅蒸餃,大豬肉餃子,皮薄,餡入邊有韓式餃子必備嘅粉絲😄餡好多,整體都好好味😋大泡菜餃子,豬肉餃子上多咗少少泡菜味,唔辣,都唔錯😌 雞髀刀削麵,牛骨湯底,味道清得嚟好夠味,飲落好舒服🫶🏻刀削麵都係拉麵咁嘅款,較為粗,但都幾掛湯､幾彈牙😎仲有薯仔,食下溶下令到個湯濃稠左👍🏻高質嘅韓式麵,原隻雞髀肉都幾嫩滑,連埋湯一齊食好味😻 辣拌刀削麵,超吸引嘅賣相🤩撈勻晒啲紫菜､蛋絲､伴菜､辣醬同麵之後一齊食,口感豐富,辣醬辣得來幾爽🤤開胃又好味,麵條咁食特別彈牙,風味一流🤞🏻 相當唔錯既韓國麵專門店,專心做好湯､麵同風味🇰🇷有心機係入面,鍾意韓風既點都要試下!🥳 #勞蘇食#香港美食#香港食評#香港餐廳#香港餐廳推介#食好西#食好西系列#尖沙咀#尖沙咀美食#山林道美食#尖沙咀韓國菜#韓國刀削麵#韓國美食#韓國麵食#刀削麵#韓國辣麵#韓國菜#牛骨湯#lotsoeat
閱讀更多
-
韓國菜
부자칼국수 自家製韓國刀削麵 (元朗)
元朗刀削麵🍜 好順景大廈
自家製韓國刀削麵 (好順景大廈) (元朗) 元朗鳳攸南街3號好順景大廈地下6號舖 近年好多地方都開刀削麵🙈 而咁岩係返工嘅附近有一間 當然要去食啦 平日好多中學生都會幫襯 有時經過見到有位就會入去食 價錢Ok 味道👍🏻👍🏻 份量又👍🏻👍🏻 每次入去我都會叫餐 因為餐係有 刀削麵 加1隻大餃子 泡菜同飲品 我印象中 90蚊有找🙈 我試過 3款面 鯷魚湯刀削麵 花蛤刀削麵 牛骨湯刀削麵 我個人覺得🙈 3款湯底中好鮮甜 要好仔細分有d 咩唔同 我又真係分唔到🙈 佢嘅料又真係好足 唔會揸流攤 好似花蛤湯刀削麵 一碗 起碼 20隻 🙈 麵好 有咬口 👍🏻 #karlee90s#元朗#元朗美食 #刀削麵#鮮味#湯底#foodie#foodiehk#blogger#bloggerhk #打卡美食#韓式料理#UCreator#Foodie
閱讀更多
-
韓國菜
一定再幫襯@自家製韓國刀削麵
上網搜查呢區有咩韓國麵舖，佢彈出呢間。 門口已貼出各款麵食，有辣有唔辣，有冷有熱。 初試大熱之選嘅花蛤刀削麵 ($78)，好大碗份量超足。花蛤也毫不手緊，唯食到有少少沙。 湯底充滿花蛤嘅鮮味，熱辣辣好好飲; 個人建議食得辣嘅可加枱上嘅胡椒粉，味道緊加鮮甜。 麵條量多唔在講，口感煙韌，一”注”麵，再呷啖湯，好鬼正呀。 仲有自家製泡菜送麵，傳統食法，當然要跟。 小食方面，有數款煎餅及餃子選擇。 今次試雙拼餃子 ($58)即係大豬肉餃子及大泡菜餃子，即叫即清蒸，超級熱辣。 韓國嘅餃子出晒名夠大隻，呢度嘅皮薄餡靚，豬肉餡入口綿滑，唔駛點咀嚼。而泡菜餡唔辣，同樣入口綿滑感。 點埋個餃子汁，酸酸地幾岩FEEL。 全店面積一眼望晒，冷氣比較弱D，食熱湯麵時會邊流汗。有水供應，幫你解熱解辣。繁忙時要係門口排隊，都係趁早D食唔駛在外熱住等位。 #ublog #foodie #相機食先 #ucreator #打卡王 #chill賞旅遊 #chill賞遊世界 #foodie #相機食先 #ublog #ucreator #chill賞遊世界 #打卡王 #chill賞旅遊 (此文章由U Blog 同步發佈至社群)
閱讀更多
