任食生蠔｜生蠔放題｜生日餐廳｜中環Fusion西餐廳TokyoLima近期推出全新Dinner Menu，可以任食90分鐘法國芬迪奇生蠔！套餐同時包括7道日本秘魯菜式，例如秘魯海鮮燉飯、秘魯烤雞、慢燉牛面頰肉、香煎三文魚等，更附超打卡able的甜品，輕鬆食回本。日本秘魯晚市菜單限星期三供應，有興趣生蠔放題吃到飽的朋友，記得提前預約啦～
<<TokyoLima期間限定Dinner Menu>>
位於中環核心地段的Fusion西餐廳「TokyoLima」主打香港少見的Nikkei菜系（日系秘魯菜），據說是由於大量日本人在第一次世界大戰後移居到秘魯，而創造出的秘魯和食文化。餐廳空間闊落，古銅色搭配墨綠色的裝修設計時尚有格調，燈光雖暗卻朦朧而有情調，氣氛非常適合與友人換杯底談心。
餐廳近日推出生蠔盛宴Dinner Set（$498／位），逢星期三供應，可以任食1.5小時法國生蠔fine de claire no.4，整盆奉上的生蠔視覺效果澎湃，超打卡able！食落雖不似日本生蠔肥美，卻帶濃濃海水味，淋上餐廳調配的洋蔥辣椒醋汁享用，十分滿足呢～小編數過自己吃了20隻，相信已經回本。
除了生蠔放題，Dinner Set還包括7道Nikkei菜式，4道前菜分別為雜菜蕎麥麵沙律、招牌T-3沙律、大蝦天婦羅伴牛油果慕絲及薯泥、唐揚炸雞。當中小編最喜歡大蝦天婦羅，炸蝦外層的炸皮幾薄，咬落啖啖肉，搭配的薯泥略帶微酸，所以吃完都不會飽濟，牛油果慕絲也增添了細滑口感。
主菜方面大家可以6選1，其中必試秘魯海鮮燉飯（+$98／兩位用），有齊扇貝、青口、章魚、魷魚、藍蝦，酸酸辣辣的巴馬臣芝士燉飯滲滿海鮮的精華呢～燉飯以外的海鮮選擇還有香煎三文魚，嫩滑的三文魚以照燒汁和Wasabi蛋黃醬調味，甘甘地、辣辣地，非常特別！
雞和牛的主菜就有秘魯烤雞和慢燉牛臉頰肉，烤雞配色鮮艷、份量澎湃而且皮薄肉嫩，擠上檸檬汁更加惹味；牛臉頰肉則燉到軟腍入味，切開隱約看見膠質流出，入口帶有淡淡的紅酒味。所有主菜皆配有兩道附餐，分別為秘魯黃辣椒薯蓉、烤紅蘿蔔。
套餐以甜品白朱古力慕絲配焦糖餅乾及雲尼拿雪糕作結，焦糖餅乾即使夾著慕絲、沾上雪糕，脆度也沒有減弱﹐整體甜而不膩，小編自己一人清了一個！「仲未夠喉」的朋友更可以加點壽司船（每位+$98），船上有鰻魚卷物、吞拿魚卷物、芝士三文魚卷物，以及兩款醃魚刺身。
值得一提的是，TokyoLima是個慶祝生日的好地方！餐廳特設Staff唱生日歌環節，加上各式雞尾酒和mocktail，各位壽星仔女都能飲飽食醉，盡興一番～
TokyoLima
生蠔盛宴Dinner Set供應期：2024年6月5日起（逢星期三晚市時段）
營業時間：
| 星期一至四 | 中午12時至下午2時半（午市時段）；晚上6時至凌晨12時（晚市時段） |
| 星期五 | 中午12時至下午3時半（午市時段）；晚上6時至凌晨12時（晚市時段） |
| 星期六至日 | 中午12時至下午4時（午市時段）；晚上6時至凌晨12時（晚市時段） |
人氣餐廳排名
-
多國菜
TOKYOLIMA
環境情調滿分💯中環秘魯x日式fusion菜
最近見Pirata旗下既Tokyolima出左全新既tasting menu 同cocktail menu, 趁同朋友girl’s night 去咗試佢地既tasting menu TOKYO ($680/pp) 冷盤 黃辣椒薯蓉配大蝦他他 帶有淡淡辣味嘅薯蓉有別一般creamy milky嘅薯蓉 味道幾特別惹味 上面配有大蝦天婦羅 以他他醬及牛油果慕絲作dipping sauce 酸酸嘅味道中和返大蝦嘅油膩感 🍤 吞拿魚刺身配西瓜 估唔到醬油西瓜配吞拿魚 味道清新 配搭牛油果醬好似點左wasabi咁 視覺味覺上又幾fusion 再加上甜薯薄脆 口感好豐富 個人最鍾意呢個前菜👍🏻 經典檸汁醃海鮮 非常summer vibe嘅一個前菜 以秘魯專門用作生醃刺身嘅醬汁Tiger’s Milk作base而製作出嘅一道味道酸甜清新嘅醃油甘魚 配上甜薯/洋䓤以及粟米 食落好似沙律咁十分開胃 第二道菜 炙燒牛肉薄片 炙燒而成嘅西冷薄切牛肉片呈現半生熟嘅狀態 以醃茄製成嘅惹味醬汁覆蓋住每塊牛肉片 再拌上蒜粒及䓤粒 肉質柔軟 而醬汁味道有啲似燒烤醬 相當入味 油甘魚炸蝦卷 油甘魚喺Tasting Menu出現率相當高 今次就以壽司卷方式呈現 以牛油果炸蝦卷再on top放上油甘魚刺身 口感豐富之餘再配上沙沙醬 感覺就好似食緊高級版嘅加洲卷🍣 主菜 TOKYOLIMA 牛扒 我哋點左medium rare 既牛扒比我地想像中大份 另外火喉控制得唔錯 表面帶點碳香 傳統秘魯海鮮燉飯 呢道傳統秘魯海鮮燉飯鮮味十足 每啖飯都係海鮮高湯精華😍大蝦､魷魚､青口等海鮮肉質彈牙 燉飯醬汁帶有淡淡的黃辣椒味､奶香和檸檬香 有啲似西班牙燴飯好惹味 甜品 朱古力慕絲配軟曲奇及椰子雪糕 朱古力慕絲細滑又濃郁 椰子雪糕會食到一粒粒嘅椰子肉 真材實料🤌🏻配上軟曲奇全部搭配一齊食口感豐富 甜而不膩 係一個好滿足嘅結尾 COCKTAIL 今次餐廳推出左新嘅Cocktail menu 繼續貫徹餐廳秘魯x日本主題而設計 Menu設計精美 以人物/地方為每杯Cocktail命名 極具故事性 Izanami 一上枱已經係打卡之選,酒杯用乾冰襯托送上,上面有玫瑰花碎裝飾 視覺效果滿分 Gin酒配上梨汁帶點fruity 再用清酒 薰衣草和雪糕 打成奶泡 係一杯易入口又清新既cocktail Kanazawa 加賀棒茶Sake､甜薯Rum､南瓜､柚子及蜂蜜調配而成嘅cocktail 質感濃稠 容易入口帶有淡淡柚子味 以茶具方式呈現 滿滿嘅日式風情🍵 整體來講 環境十分chill 隔離客人慶生🎉員工會為佢唱生日歌 氣氛一流 不過食物份量比較多 細食既可以試下佢地另一個Tasting Menu ($380/pp) #UCreatorHK#BESTFOODwithUCreator#TRAVELwithUCreator#多國菜必食#多國菜美食#打卡美食#香港美食#相機食先#hkfoodie#港玩港食
閱讀更多
-
打卡熱點
協興大廈
蘭桂坊任食生蠔放題！🇫🇷😋
簡介重點: 中環蘭桂坊 L’AMOUR 法國餐廳主打 任食生蠔及海鮮放題晚餐,配搭精緻法國五道菜,環境華麗浪漫,今個月同朋友慶祝生日去試咗,都不錯｡ --- 🦪 餐廳特色 • 主打任食海鮮:包括即開生蠔､凍蟹､加拿大翡翠螺､北海道帶子､南非鮑魚､凍海蝦等｡ • 豪華套餐:除咗海鮮,仲有南瓜湯､主菜雞肉卷､牛肋條､鹿肉等等｡ • 環境設計:以法國紅磨坊為靈感,華麗裝潢,打卡感強,亦有鮮紅色的玫瑰🌹decoration! 💰 價錢參考 $499/位 加服務費$128 --- 📍 餐廳資料 • 地址:中環蘭桂坊德己立街58–62號協興大廈地下A&B舖 • 交通:港鐵中環站 D2 出口,步行約4分鐘 • 營業時間:週一至五 11:00–03:00;週六日 11:00–05:00 #打卡美食#好去處#生蠔#自助餐
閱讀更多
-
打卡熱點
第二次嚟到中環一間隱蔽嘅日式x秘魯fusion菜嘅餐廳，餐廳雖然位於擺花街嘅一個地舖，其實佢係要上短短幾層嘅樓梯先至去到，第一次真係要朋友帶佢去先至搵到咋😌 餐廳燈光柔和昏暗，加上奢華吊燈裝飾，同音樂真係好有氣氛🥰剛進入餐廳會先見到餐廳吧枱位同幾張梳化座和高枱凳，再進入去就再劃分了大廳，更加熱鬧♥️ 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍 Oyster Extravaganza HK$498/head 之前未食過都係散叫，今次第一次見到有生蠔之夜，仲要好抵人均$498就可以任食生蠔🦪仲有前菜，主菜，甜品等等，一定食到你飽🥰 前菜 𓐎 La Causa 炸得香脆嘅蝦天婦羅，配有微辣嘅黃辣椒醬。仲有牛油果蓉同蝦肉他他，賣相都好精緻。 𓐎 SS Salad V 蕎麥麵配有清爽嘅沙律菜，加上黃瓜白菜，感覺好清新。 𓐎 T3 Salad 有南瓜，蕃茄，鵪鶉蛋等，聽個名就知呢味沙律菜好色彩繽紛，口感豐富。 𓐎Ki-Mo-Chi 外脆內軟嘅炸雞，果然食得好舒服☺沾上少許秘魯辣椒蛋黃醬，入口好好味。 𓐎今餐主角有Free Flow新鮮生蠔🦪，雖然未稱得上肥美，但好有海水味，非常鮮甜😋 主菜 𓐎 Secreto🐷 慢煮伊比利亞豬頸肉係以甜醬油調味，肉質爽彈，表面灑上有蒜片碎和蔥粒，味道香濃。 𓐎 Beef Adobo🐮 牛面頰肉炆得非常之腍，只需要用差輕輕推開就已經可以了。 Side 𓐎 Glazed carrots Medley 𓐎 Peruvian Yellow chill Mashed potatoes 配菜有綿滑嘅薯蓉，仲有黃辣椒和醃製嘅紅蘿蔔，好解油膩👍🏻 甜品 𓐎 Oye Mami 白朱古力慕斯配上非常鬆脆嘅自家製餅乾脆片，加上少少甜嘅黑糖糖漿和雲呢拿雪糕，完美作結🫶🏻 𓐎 Cocktails🍹 Hiding in the Mist💨 $108 Spices shop $68 Silky Interaction $68 果然係中環區有特色嘅餐廳，價錢合理，環境氣氛熱鬧，外籍嘅staff亦都好友善，十分推薦情侶或者一大班朋友嚟聚餐♥️ #幫皮膚嚟個深層清潔
閱讀更多
