2025荃灣Cafe推薦｜荃灣出名多美食，亦可以輕鬆找到高質cafe，尤其在文青熱點南豐紗廠有好幾家特色咖啡店，店舖裝潢休閒有氣氛，食物款式多又有驚喜。Ufood為大家精心搜羅超過10家絕對不能錯過的荃灣Cafe店。週末餘暇不如去坐坐，享受充滿咖啡香的悠閒時光！
荃灣Cafe2025｜逾10間荃灣Cafe推介！
荃灣西式Café
荃灣Cafe推介｜1.「Hikari」兩層高無印風Café
「Hikari」是荃灣區內罕有兩層高 Cafe，上下兩層都有自然光的照射，營造充足的空間感。地下一層走簡約清新風，採用水泥地面、白色牆身，襯上木系藤編桌椅；而閣樓加入了黑色皮梳化椅等擺設，顯得更有格調。店內食物走輕盈西餐路線，由輕食龍蝦包、沙律碗，以至主食西班牙風腸八爪魚新澳爾良飯、日本櫻花蝦海鮮飲管粉，應有盡有。作為甜品控，又怎可放過他們的人氣髒髒Tiramisu呢？至於飲品，必試一系列拉花拿鐵。咖啡師巧手拉出天馬、松鼠、海馬等圖案，超igable！
Hikari地址、電話及營業時間
地址：荃灣大壩街21號地舖
電話：9699 9085
營業時間︰星期一至日11:00 - 22:00
荃灣Cafe推介｜2.「b.o.t.h. by Texas Burger」田園風美式Cafe
店內亦有「b.o.t.h. by Texas Burger」參照外國獨立屋的後院設計，擁有落地玻璃窗和綠色植物做點綴，營造舒適寫意的氣氛。餐廳主打多款用美國安格斯牛肉製作的漢堡，以卡爾谷煙薰車打牛肉漢堡最為有特色，當中的祕製墨西哥辣椒蛋黃醬微辣惹味。店內還有一系列美式早午餐，例如意大利麵、意大利飯、墨西哥夾餅等。大家切勿錯過各款精緻甜品，如招牌核果奶蓋班戟，口感鬆軟有彈性，蛋香味重，配以用橙汁與肉桂煮過的蜜桃、秘製的吉士醬及燒至脆皮的焦糖。
b.o.t.h. by Texas Burger地址、電話及營業時間
地址：荃灣大壩街4-30號荃灣廣場L3樓337號舖
電話：3705 2955
營業時間︰星期一至五 12:00-22:00；星期六 11:00-22:30；星期日 11:00-22:00
荃灣Cafe推介｜3.「How To Live Well」日光木系文青Café
「How To Live Well」採用一貫的簡約木系裝潢，室內設有落地大玻璃，面向開揚的荃灣街景，陽光感十足，氣氛悠閒寫意。餐牌不論前菜、小吃、意粉、薄餅、主菜、甜品等款式都應有盡有，更融合不少日式風味，例如日式甜泡菜炸雞、大阪風薯條、吉列芝心豬扒日式咖喱飯、三文魚西京燒彩椒莎莎等。打卡飲品包括「Sunset」，以橙汁、牛奶及 espresso 調成色彩鮮豔的層次，曬着日光喝，特別寫意。別錯過門口的零售小空間，精選家居小物和限定產品。
How To Live Well地址、電話及營業時間
地址：荃灣大壩街4-30號荃灣廣場L3樓343-345號舖
電話：2186 7817
營業時間︰星期一至日12:00 - 22:00
荃灣Cafe推介｜4.「Peko Peko Eatery」露天海景Café
「Peko Peko Eatery」裝潢走日系清新風，擺放了不同綠色植物作點綴。最加分是餐廳有一邊全部是落地大玻璃窗，室內窗邊位置及室外都可以觀賞到荃灣西海濱長廊的的海景，非常寫意。食物以日式西餐作招徠，當中海膽三文魚子竹炭烏冬更是人氣必試菜式之一，海膽香濃Creamy，配上竹炭烏冬彈牙掛汁，味道濃厚，還有鮮味的三文魚子提升層次。另外，釀海鮮南瓜批也是招牌之一，選用貝貝南瓜，釀入以白汁煮成的各樣海鮮，並鋪上大量拉絲芝士及三文魚籽，打卡一流！
Peko Peko Eatery地址、電話及營業時間
地址：荃灣大河道100號海之戀商場1樓1006-1007號舖
電話：2688 9128
營業時間︰星期一至五11:30 - 22:00；星期六至日11:00 - 22:00
荃灣Cafe推介｜5.「BOUNDLESS by REACTION」荷蘭鬆餅咖啡店
「BOUNDLESS by REACTION」環境相當舒適，以粉紅石磚設計、加上落地大玻璃、綠色植物裝飾，給人一種輕鬆又自在的感覺。最受歡迎菜式就有以鑄鐵鍋焗製及上桌的荷蘭鬆餅，此製法的班戟較為煙韌而富有牛油香，上面放上不同配料，如烤焗薯、墨西哥辣肉醬、煙肉溫泉蛋忌廉扭紋通粉等，選擇多元化。甜品推介Dirty Tiramisu，髒髒提拉米蘇的立方體外形可愛吸睛，非常打卡。飲品方面怎少得本地烘焙的高質咖啡，可以選擇fruity或nutty的咖啡豆。
BOUNDLESS by REACTION地址、電話及營業時間
地址：荃灣楊屋道1號荃新天地地下G75A, G76C & G76D號舖
電話：2365 8828
營業時間︰星期一至五11:30 - 21:30；星期六至日 09:00-21:30
荃灣Cafe推介｜6.「過日辰」橙白色玩味Café
「過日辰」以橙白色為主調，充滿活力同時帶點玩味。Cafe設有室內外位置，食客可以嘆住啡望街景，非常寫意！招牌推介甜酸苦辣生吐司，採用新鮮生乳、天然蜜糖及日本麵粉焗製的日式生吐司，配上甜酸苦辣四種口味醬料，包括脆脆火龍果、話梅蕃茄、宇治抹茶奶酥醬及蝦米辣椒醬，味道獨特豐富。店內的咖啡系列均由專業的駐店咖啡師親手研磨及沖泡，另有「泡沫黑咖啡」、採用本地蜜糖製作的「蜜糖脆脆鮮奶咖啡」等。
過日辰地址及營業時間
地址：荃灣享和街16號地下D號舖
營業時間︰星期一至四及日 11:30-19:00；星期五至六 11:30-21:00
荃灣咀日系Café
荃灣Cafe推介｜7.「Ufufu cafe」日本過江龍Café
「UFUFU CAFE」是來自日本九州佐賀，主打西日Fusion料理，當中以鹿兒島和牛蛋包飯為招牌菜式，漢堡扒外表微脆，肉餡爆汁，配搭滑嫩的牛乳炒蛋。店內亦提供意粉、烏冬、薄餅、扒類等主食，選擇十分多。餐廳的重點當然是賣相精緻的甜品，有著名的法式吐司及雪糕芭菲，濃茶控必點日本福岡縣八女抹茶口味。此外，餐廳的精品咖啡由日本專業咖啡師精挑多款咖啡豆，用上被評為 「名水百選」之一的「白川水源」沖調咖啡，相當講究。
Ufufu cafe地址、電話及營業時間
地址：荃灣大壩街4-30號荃灣廣場3樓321-323號舖
電話：2608 1138
營業時間︰星期一至五12:00 - 22:00；星期六至日11:30 - 22:00
荃灣Cafe推介｜8.「90s Lazy」昭和復古風Café（已結業）
「90s Lazy」走日系昭和風格，最矚目的有以深棕色餐桌搭配大片彩色玻璃格仔窗 ，樓頂掛上彩繪玻璃燈，環境相當復古寬敞。食物方面主打西日fusion菜式，供應多款意粉、意大利飯、薄餅、小食、窩夫及甜品。必食推介有蒲燒鰻魚炒蛋漢堡配薯條，足足有原條鰻魚，非常足料。海鮮大阪燒薄餅也就是值得一試，加上魷魚、蝦仁等海鮮，適合同一班朋友Share食。甜品控切勿錯過店內的特色甜品，如Oreo窩夫配雪糕、法式焦糖燉蛋及Tiramisu等。
90s Lazy地址、電話及營業時間
地址：荃灣眾安街68號千色匯3樓3012號舖
電話：9423 4764
營業時間︰星期一至日12:00 - 22:00
荃灣Cafe推介｜9.「KoBaNe by Minimal」淺木風寵物友善Café
「KoBaNe by Minimal」是人氣深水埗Cafe迷你毛Minimal的新分店，環境寛敞舒適，採光度十足，四周亦擺放了少量綠色植物裝飾，充滿簡約悠閑的感覺。餐廳的日式家庭料理及甜品水準亦不錯，有壽喜燒牛肉燴飯、鴨湯蕎麥麵配素天婦羅、南蠻炸雞定食等，擺盤充滿和風風味。最重要是試試招牌出品的意大利芝士餅，圓碌碌的小山丘造型打卡一流，Mascarpone芝士細緻香滑，面層灑滿可可粉和餅碎，內有朱古力脆脆，手指餅入口酒香特別濃郁。
KoBaNe by Minimal地址及營業時間
地址：荃灣白田壩街45號南豐紗廠1樓103號舖
營業時間︰星期一至五11:00 - 19:00；星期六至日10:30 - 20:30
荃灣咀素食 Café
荃灣Cafe推介｜10.「素年」簡約文青風素食Café
「素年」裝修走日系簡約風，菜式有齊日式及西式選擇，例如和洋定食、意粉、漢堡等。部分蛋奶素菜式更可以轉為全素或走五辛，非常貼心！招牌日式定食有齊麵豉湯、什錦配菜、日本讚岐烏冬同甜品，非常豐盛。配菜和甜品會不定期更換款式，令客人保持新鮮感。餐廳另一主打Impossible Meat植物牛肉漢堡包，配搭火箭菜、車打芝士和洋蔥，口感比一般漢堡扒有過之而無不及，絕對是飽肚之選。
素年地址、電話及營業時間
地址：荃灣三陂坊20號地舖
電話：5296 9864
營業時間︰星期一至日12:00 - 22:00
荃灣寵物 Café
荃灣Cafe推介｜11.「貓之茶房」樓上可愛貓咪Café
「貓之茶房」空間廣闊乾淨，踏入店內就見到20隻不同品種的貓咪自由走動，可愛到融化。最特別是所有貓貓都是領養，非常有愛心。大部份貓貓也不怕人，溫馴可愛，有些貓咪會主動上前親近及撒嬌。店內提供貓玩具、逗貓棒、梳子，方便大家近距離接觸貓貓。還可以向櫃台購買貓零食，親手餵飼喵星人。店內亦提供飲品及輕食給客人，在貓貓的包圍下歎咖啡、食甜品打卡，感覺好治癒。
貓之茶房地址、電話及營業時間
地址：荃灣眾安街108-110號1樓
電話：5363 5287
營業時間︰星期一至五13:30 - 22:30；星期六至日11:30 - 22:30
圖片來源：FB＠Hikari Coffee、FB@BOTH by Texas Burger、FB＠PEKO PEKO、FB＠Boundless Coffee、FB@過日辰 A Day We11 Spent、FB@LDK by Ufufu Cafe、FB＠90slazyhk、FB@kobane_themills、FB@YEARS HK
人氣餐廳排名
-
咖啡
HIKARI Coffee
荃灣高質文青cafe
最近同朋友去荃灣食飯，原來餐廳有駐場歌 手，唱得好好聽呀😍！ 丸久小山園抹茶鮮奶 熱，職員拉咗一個好可愛嘅狗仔喺上邊，我同朋友見到嗰陣時都即刻讚 ，好可愛呀😂 拉花好有心思呀味道都唔錯，抹茶夠濃。 西班牙風腸八爪魚新奥街良飯 $148日本櫻花蝦海鮮飲管粉 $118 2款主菜 個人較鍾意 飲管粉，比較特別 ， 飲管粉係意粉係加粗版, 每條粉較食到有山葵味，入面仲有啲海鮮，好味 明太子薯條 🍟 $68，滿滿既明太子醬放係薯條上面 因為味道很好，所以要追加甜品，滿足第二個胃😌 「髒髒提拉米蘇」賣相創意十足，外觀看似「髒髒的」，實則味道極為美妙🥰 底層有濃郁的咖啡浸泡過的手指餅，加上柔滑的馬斯卡彭芝士，入口香醇，口感綿密👍 表面撒上厚厚的可可粉，與醇厚的巧克力醬相互交融，帶來視覺和味覺上的雙重享受 #我一定要飲咖啡
閱讀更多
-
打卡熱點
KoBaNe
南豐紗廠美味日式咖啡甜品之旅-KoBaNe
荃灣南豐紗廠有好多新開嘅cafe同好靚嘅餐廳，啱啱個weekend 就去咗試其中嘅人氣cafe - KoBaNe。 KoBaNe 嘅環境好舒適，裝修係日系風格，用咗大量嘅木質家具，餐具，同埋簡約嘅裝飾和室內擺放嘅綠色植物，營造出一種輕鬆自在嘅氛圍。加上淺綠色牆身和木製配藤背裝飾嘅座椅讓餐廳有一種小清新感。餐廳左前邊有大大嘅窗戶，令到自然光可以充足地照射入店，令餐廳好明亮，令人坐得好舒服。而且餐廳嘅音樂選擇插放日文音樂，好有去咗日本cafe 嘅感覺，輕快嘅歌曲，令人心情放鬆。😂 ～自家製海鹽焦糖咖啡 首先試咗呢到嘅特色咖啡-自家製海鹽焦糖咖啡。啱啱沖好嘅咖啡好香濃，用透明玻璃杯裝加埋靚靚嘅啦花，感覺好靚同會好飲👍🏻！第一口係有少少海鹽嘅咸味，之後係焦糖嘅微甜，整體鹹鹹甜甜嘅咖啡感覺好有趣，但又不失咖啡香醇順滑口感，幾特別又好飲！ ～ 蒲燒鰻魚串蕎麥麵 呢個菜嘅賣相好靚好日式，所用嘅陶瓷碟都是精心挑選。蒲燒鰻魚串同蕎麥麵係分開放在兩個碟。鰻魚係一串串咁燒，共有三大串，每塊都係烤得好啱嘅，除咗鰻魚外仲有野菜天婦羅，全部都好好味😋。蕎麥麵好粗身，份量都算多，鰻魚嘅香氣同味道好夾蕎麥麵嘅清香。而配菜有蔥花，紫菜，青瓜絲同蕃茄片，夾埋佢哋一齊食，帶出咗啲額外清新嘅層次。 ～ 蜜柑芝士撻配山椒柚子雪葩 甜品就叫咗蜜柑芝士撻配山椒柚子雪葩，真係一個好正嘅甜品。成個甜品外觀好靚，淺黃嘅芝士撻，放在淺綠色花瓣形嘅陶瓷碟上，顔色賣相已經好襯。蜜柑芝士撻，撻底酥脆，芝士味濃郁。中間夾住糖水浸過嘅蜜柑，味道清新，仲食到蜜柑果肉新鮮嘅味道😋。山椒柚子雪葩係全新未試過嘅好味，雪葩嘅微微酸甜入口即溶，在口腔散發出陣陣清新柚子味😋，撈埋碟邊嘅餅碎一齊食，甜甜酸酸粒粒嘅口感又係另一種滋味，好夾。 食完蒲燒鰻魚串蕎麥麵同埋甜品-蜜柑芝士撻配山椒柚子雪葩之後，我真係好滿足。有機會再黎要試埋其他嘢食😋 KoBaNe by Minimal 地址 荃灣白田壩街45號南豐紗廠1樓103號舖 推介度：⭐️⭐️⭐️⭐️⭐️/5⭐️ #文青 #咖啡 #KoBaNe #coffee #cafe #日本 #日式 #甜品 #荃灣 #南豐紗廠 #熱門菜式 #打卡 #chill #週末 #下次要再食
閱讀更多
-
西式美食
《南豐紗廠文青𝗖𝗮𝗳𝗲 甜品絕對係重點✨🧁》
上次去完深水埗嘅minimal cafe hk 俾佢嘅甜品驚艷到😍 趁星期6去埋喺南豐紗廠嘅姊妹店 @kobane_themills 裝修以木系為主🪵，提供西日𝗳𝘂𝘀𝗶𝗼𝗻食品，選擇唔多 因為喺𝗽𝗲𝘁𝗳𝗿𝗶𝗲𝗻𝗱𝗹𝘆餐廳，周未勁多人帶埋毛孩嚟食嘢🐩！ . 📍壽喜燒牛肩肉鹿茸菇燴飯($115) 𝗦𝘂𝗸𝗶𝘆𝗮𝗸𝗶 𝗯𝗲𝗲𝗳, 𝘀𝘁𝗲𝗮𝗺𝗲𝗱 𝗿𝗶𝗰𝗲 𝘄𝗶𝘁𝗵 𝗺𝘂𝘀𝗵𝗿𝗼𝗼𝗺𝘀, 𝗽𝗼𝗮𝗰𝗵𝗲𝗱 𝗲𝗴𝗴 燴飯𝗰𝗿𝗲𝗮𝗺𝘆，加埋甜甜嘅壽喜燒汁同蛋黃味道濃厚滑溜🐣 伴入大量鹿茸菇可以增加口感之餘食落香氣更濃郁 牛肩肉份量都唔少，但肉質瘦咗啲唔夠軟嫰🐃 . 📍味噌燒比目魚・定食($135) 𝗕𝗮𝗸𝗲𝗱 𝗺𝗶𝘀𝗼 𝗵𝗮𝗹𝗶𝗯𝘂𝘁, 𝗰𝗵𝗶𝗰𝗸𝗲𝗻 𝗰𝗮𝗿𝘁𝗶𝗹𝗮𝗴𝗲 𝗺𝗲𝗮𝘁𝗯𝗮𝗹𝗹𝘀, 𝗿𝗶𝗰𝗲 比目魚細膩嫰滑🐟幾有驚喜；不過旁邊嘅雞軟骨肉丸唔夠香 另外仲碗咗個麵豉湯、蒟蒻伴蓮藕同白飯 成個感覺好日式🎎，整體味道唔錯 唯一係個飯略為寡咗啲🍚，如果加啲飯素感該會更好食 . 📍粟米焦糖酥盒配乳酪雪葩($78) 𝗖𝗼𝗿𝗻, 𝘁𝗼𝗳𝗳𝗲𝗲, 𝗽𝘂𝗳𝗳 𝗽𝗮𝘀𝘁𝗿𝘆, 𝘃𝗮𝗻𝗶𝗹𝗹𝗮 𝗰𝗿𝗲𝗮𝗺, 𝘆𝗼𝗴𝘂𝗿𝘁 𝘀𝗼𝗿𝗯𝗲𝘁 酥盒輕盈香脆，表面加咗焦糖脆脆增加香味同口感 中間唧滿粟米吉士🌽，鹹鹹甜甜幾好食👍🏻 旁邊配上微酸嘅乳酪雪葩，幾特別😍 . 📍意大利芝士餅($77) 𝗠𝗮𝘀𝗰𝗮𝗿𝗽𝗼𝗻𝗲, 𝗸𝗮𝗵𝗹𝘂𝗮, 𝗮𝗺𝗮𝗿𝗲𝘁𝘁𝗼 佢哋嘅招牌甜品！同一般嘅𝗧𝗶𝗿𝗮𝗺𝗶𝘀𝘂好唔同 球形外殼係打到泡沬一樣嘅 𝗠𝗮𝘀𝗰𝗮𝗿𝗽𝗼𝗻𝗲 表面再灑上可可粉同脆脆粒，令口感更豐富 中間嘅蛋糕加咗咖啡酒☕️同杏仁酒，可能未必個個鐘意但我哋覺得唔錯👍🏻 . 📍自家製海鹽焦糖咖啡($45) 𝗦𝗮𝗹𝘁𝘆 𝗰𝗮𝗿𝗮𝗺𝗲𝗹 𝗹𝗮𝘁𝘁𝗲 焦糖味幾香，咖啡順滑☕️ . 📍洛神花柚子梳打 ($46) 𝗥𝗼𝘀𝗲𝗹𝗹𝗲 𝘆𝘂𝘇𝘂 𝘀𝗼𝗱𝗮 梳打清新，柚子味幾香🍊 . 同總店一樣，主食都唔錯，但甜品先係佢哋嘅重點🤩！嚟到唔好錯過！ . KoBaNe by Minimal (荃灣) 荃灣白田壩街45號南豐紗廠1樓103號舖 #草根食在荃灣 #草根食cafe . . . . . . . . . #hkig #food #foodie #香港美食 #chocolate #pasta #brunch#breakfast #weekend #sweet #dessert #cheese #puff #beef食 #kimchi #pastry#steak #tiramisu #toast #spaghetti #coffee #cafe @kobane_themills @themillshk #南豐紗廠 #荃灣 cafe #精品咖啡 #coffeebreak #荃灣美食 #petfriendlycafe #sweet #brunch #hkig #cheese #kimchi #toast #香港美食 #pastry #pasta #weekend #foodie #hk food #草根食cafe #草根食在荃灣 #grassrootseaters #cafe #food #spaghetti #coffee #chocolate #u blog #steak #dessert #puff #hk foodie #u blogger #tiramisu #breakfast #KoBaNe by Minimal #beef食 (此文章由U Blog 同步發佈至社群)
閱讀更多
