九龍海逸君綽酒店「海雲天」推出了8道菜「完美蟹逅」大閘蟹套餐，套餐包括2隻五兩清水大閘蟹 （食法可選清蒸／油鹽焗／藥膳湯／川味／薑蒜蒸）、鴛鴦鮑魚伴醉鴿、雙式蟹粉小籠包、金湯小米海虎蝦、野生菌皇雞湯、瀑布蟹粉麵包山、可無限追加的生炒糯米飯及棗皇薑茶湯丸。 預訂4位還會送花彫酒1壺（價值$498），另外由10月15日15:00起至10月21日23:59於KKday網站預訂套餐更可享買1送1或38折優惠，最平只需$299/位！
10 月 15 日 15：00 開搶！！
KKday 快閃限量搶價錢+詳情：
海雲天「完美蟹逅」大閘蟹套餐價錢+詳情：
九龍海逸君綽酒店海雲天「完美蟹逅」大閘蟹套餐
地址：九龍紅磡德豐街 20 號海逸君綽酒店二樓
用餐日期：2024 年 10 月 16 日至 12 月 31 日
用餐時間：（午餐）11:00 – 15:00，（晚餐）18:00 – 21:00
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
同場加映：【識食攻略】最新影片
人氣餐廳排名
-
中式料理
海雲天
「完美蟹逅」套餐 , CP值高!!
之前喺海雲天都係飲茶食點心,見到推出大閘蟹套餐就一試! ｢完美蟹逅｣套餐 , 共有八道菜式..個人覺得幾好, 唔駛淨係食大閘蟹咁DRY! 首先係鴛鴦鮑魚伴醉鴿 (半隻) , 鮑魚建議先食黑松露口味..相對較為淡味! 另一款味道係花椒, 辣辣地好香口同開胃! 🍲野生菌皇雞湯 , 都幾足料 , 味道鮮甜濃郁 ,飲完暖笠笠! 雙式蟹粉小籠包就唔特別 , 有點兒厚皮~ 🦐金湯小米海虎蝦 , 口感不錯幾爽彈 , 配上金湯添鮮甜~ 🦀大閘蟹二隻, 每隻重約5兩, 可選清蒸/油鹽焗/藥膳湯/川味/薑蒜蒸! 我想原汁原味..所以兩隻都係清蒸! 拆開都幾多膏 , 蟹膏甘香~ 🫗瀑布蟹粉麵包山 , 將杯蟹粉倒上炸饅頭仔..畫面都幾震撼 ! 饅頭沾滿蟹粉幾惹味 , 係若厭饅頭唔夠香脆..應該預先炸定左! 🥢生炒糯米飯 同 棗皇薑茶湯丸可無限追加 , 所以唔駛擔心唔夠飽! 整體來說..食物唔錯 , 酒店環境舒服, 價錢方面 經kk day購買大約每人$350 , CP值高!! 海雲天 地址:九龍紅磡德豐街20號海逸君綽酒店二樓 #中菜餐廳#我一定要飲咖啡#大閘蟹#打卡美食#香港美食#大閘蟹宴#海雲天
閱讀更多
-
中式料理
東海薈 (沙田 Home Square)
王者大閘蟹宴
又到咗食大閘蟹🦀嘅季節啦,多謝香爸帶我去東海薈食皇者大閘蟹餐,鴻星同東海食大閘蟹出晒名,係香港🇭🇰90年代初已經引入正宗江蘇大閘蟹做季節食品啦👀 呢個餐超級豐富😱😱 🐤煙鴨胸併青瓜🥒 鴨胸既油香配爽口青瓜 ,雙重口感 鮮拆蟹粉小籠包🥟 蟹粉小籠包每日新鮮製造,用一隻蟹嚟整兩隻小籠包,真材實料,一咬落去爆肉汁,夠晒Juicy🤤 花膠雞絲羹 美顏好物😍花膠大大隻,配上清甜既雞絲,超級掛湯 清蒸大閘蟹🦀(每人有2皇1后) 食晒唔同口味真係源自鴻星同東海,不愧大閘蟹專門店,每隻都爆膏黏口,有相為證,忍唔住想食多兩隻😂 (蟹公重 5.5兩,母蟹3.5兩左右) 蟹粉蒜蓉包🥖 呢個限時推介小食,脆卜卜既多士沾上蟹粉,大家記得試吓啦 黑松露炒蝦球 🦐 大蝦彈牙爽口,配上黑松露醬調味,挑戰味蕾 鮮鳳梨🍍黑豚肉 好似食緊咕嚕肉咁,鳳梨酸甜,黑豚肉嫩,兩者非常之夾 鮮茄菌皇浸時蔬🥬 要食得健康,梗係要配返蔬菜啦,白菜吸哂上湯,夠晒健康 窩心薑茶湯丸 薑辣味薑茶解蟹濕毒,呢個係人都知,但配埋湯圓,真係第一次食咋😛 呢個餐仲會包橙汁或者汽水,當然都可以飲茶🫖啦 食完真係捧住個肚大滿足啊🥰
閱讀更多
-
中式料理
帝京軒
期間限定 ♥ 金秋。蟹悅宴 ♥ 帝京軒
秋風起～ 是時候食大閘蟹～ 旺角帝京酒店帝京軒推出期間限定「秋風蟹宴」, 共八道菜, 有蝦、蟹、鮑魚、魚唇及花膠, 食完大閘蟹再喝驅寒薑茶, 夠晒暖身. 先來藝粹：醬香大麴溏心鮑．生拆蟹粉小籠包．蟹油元貝千絲酥. 鮑魚以特製醬油及大麴酒冰鎮入味, 口感軟糯. 小籠包皮薄餡鮮, 湯汁充滿蟹粉香. 千絲酥外脆內軟, 以蟹油伴元貝做餡料, 不油膩而且鮮味十足. 鮮姬松茸蟹皇虎蝦球 - 肉厚彈牙，醬汁拌了蟹粉，配合得宜. 蟹肉花膠燴燕窩，梳梳蟹肉, 非常足料, 鮮味又滋陰～ 不喜燕窩的話, 可以選菊花五蛇燴花膠，同樣適合秋天享用, 湯底以竹蔗茅根等火熬製, 每匙都充滿手撕蛇肉、花膠絲、木耳絲、果皮絲, 好多料! 清蒸江蘇大閘蟹(每位公蟹乙隻 / 每隻約六兩)- 傳統清蒸大閘蟹, 最能保持蟹的精華, 蟹膏澄黃香濃，而公蟹獨有的白蟹膏好軟滑. 我們另加了花雕酒, 加入話梅, 添入微酸甜更加好飲，是配大閘蟹的佳物❣ 蝦籽魚唇軟骨伴鮮鹿茸菌, 以薑蔥、冰糖等燉煮的魚唇, 口感有點像海參, 骨膠原滿滿. 鹿茸菌以鮑魚汁香煎, 又有蝦籽點綴, 整道菜式好誘人~ 龍蝦湯蟹餅五穀苗 , 香濃龍蝦湯混了蝦米辣椒醬，好特別！以為蟹餅是軟腍，誰知是彈牙，幾有驚喜! 薑茶金薯芋圓小丸子 - 吃過大閘蟹，一定要喝薑～ 這份糖水薑味十足，感到即時驅寒. 金粉流星可可脆脆 - 薑味夠辣，辣完再吃這甜點，味蕾立即來個平衡. 秋風蟹宴供應期：2025 年 10 月 13 日至 12 月 18 日 18:00–22:00 每位 HK$838 (兩位起) , 記得要訂位 ~ 帝京軒 地址: 旺角太子道西193號帝京酒店3樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass IG: JannisTang #帝京酒店 #大閘蟹 #hairy crab #季節限定 #royal plaza hotel #Di King Heen #帝京軒 #seasonal edition (此文章由U Blog 同步發佈至社群)
閱讀更多
