兆萬放題｜兆萬中心美食｜人稱「劣食之塔」的旺角兆萬中心，近年憑藉搞怪IG reels重生，一眾放題店員工以幕前身份走入大眾視線，他們創作的部分影片甚至高達50萬次播放量，風頭一時無兩。這次UFood編輯找來呼聲最高的放題店幕前員工（小龍、阿表）接受訪問，了解他們的爆紅心路歷程。
兆萬商場屹立於旺角已有近30年，陪伴80-90後成長，其之所以被封為「劣食之塔」、「勇者塔」，全因坐擁多間平價但質素平平的日式放題店、任食邊爐舖。誰想到時來運轉，這些看似臭名昭著的放題店，近年竟創作出幽默抵死風格的reels，帶領兆萬走過市道低迷。
日式放題店負責人小龍和阿表接受訪問時透露，拍片轉型全因剛開關生意不足，「每日只有10枱、8枱顧客，老闆看到內地平台拍搞笑影片宣傳效果出眾色，便提意我們試着拍片。」雖然有社恐，亦會擔心尷尬，但面對老闆的加薪誘惑，他們選擇了「妥協」，自學拍攝剪接，製作影片。
過去一年間，小龍和阿表試過正經宣傳放題，亦試過化身導遊帶大家遊走兆萬，發現無厘頭主題最受歡迎。「影片發佈前我們重看40、50次依舊覺得好笑，出街後都會人氣程度火爆，拍得太正經反而沒有人看。」滑稽形象示人，受到的惡評自然亦不會少，從剛開始的怕被恥笑，到後來了解到觀眾更喜歡真實一面而放開身段，小龍形容為柒到盡頭便是型，「這麼丟架的影片，都有這麼多人觀看，其實也是件挺帥氣的事，而且搞笑如果可以拿來賺錢何樂而不為，起碼不是傷害別人讓自己成名，觀眾開心，我又開心，雙贏！」
這些搞怪Reels保守估計為放題店帶來4成營業額增長，目前店內亦有8成顧客是因為看了Reels才光顧，短短一年收穫大批支持者背後原因離不開態度親切、用心創作。「我們將觀眾視為朋友，會通宵聆聽幾個中學生訴說壓力，亦會在一家人前來用餐時幫忙照顧小朋友，也會在構思拍攝題材時詢問了解觀眾喜好，比其他創作同類型影片的行家更加用心。」
小龍和阿表比同行用心亦能印證在影片細節之中，他們的Reels雖然參考自內地平台，卻融入了香港特色，例如會加入星爺和鄭中基的搞笑元素、流利的粗口，盡顯香港陀地風味之餘，亦讓港人觀眾不至排斥。「其他人常抱怨香港市道差，其實是未做好自己，做得好怎樣都會有人光顧，因為永遠都有一群留港消費的人，並非所有人都有空北上消費，我們寧願做好留港消費的客人。」
多了個幕前身份，工作量自然也更多，小龍和阿表的工作日程已變為每日做十多小時，每月只休一天。雖然能夠陪伴家人、朋友的時間變得少之有少，但家人、朋友們仍舊給予滿滿的支持和鼓勵，令他們切親感受到人生多了選擇。「由寂寂無名的放題小子變成兆萬地標，現在甚至能組織拍攝團隊接影片廣告訂單，有種身份的轉換的奇妙感覺呢」，小龍是這樣說的。
旺角兆萬放題店
帝王水產
地址：旺角西洋菜南街1N號兆萬中心9樓
營業時間：每日中午12時至凌晨12時
電話：2111 1821
神戶屋
地址：旺角西洋菜南街1N號兆萬中心8樓
營業時間：每日下午4時至凌晨2時
電話：2770 1000
延伸閱讀
人氣餐廳排名
-
日式料理
極上帝王水產放題
極上帝王水產放題🤤！旺角！🔥
旺角美食篇 講到係旺角食放題一定就會諗到兆萬中心 有好多餐廳餐選擇🍴 係聚多餐廳中 今次去呢間餐廳食放題 就係極上帝王水產 除左有常見既日式料理之外 仲添加左泰式料理 例如飛天通菜,泰式蝦餅等… 日式料理方面當然唔少得刺身 有大大既刺身船 最重要既主角就係烤肉 烤肉區既食材都算豐富 有肉類､海鮮､蔬菜 個人認為最出色係蒜蓉金菇菜 肉類有雞翼､雞肉串､雞軟骨….. 海鮮有墨魚仔､多春魚､三文魚骨…. 蔬菜有蘑菇､粟米🌽､蘆筍…. 除左燒肉 仲有炸物可選擇 有天婦羅🍤可樂餅… 仲可以打埋火鍋🍲 今次叫左豚骨湯 燙蔬菜🥬係唔錯既選擇 飲品方面還可以😌 可樂､茶類飲品…. 開頭以為冇咩甜品 點知近門口有雪條冰櫃 而佢地雪條既種類都好多選擇 要讚賞下果度既員工態度都不錯 會好主動更換好烤爐上既牛油紙👍🏻 整體來說都還好 可以滿足你數個願望 想打邊爐又得 想食日料又得 想泰料亦得 得咗👏🏻 ｡ ｡ ｡ 極上帝王水產 📍旺角西洋菜街1號兆萬中心9樓 #旺角美食#hkfoodie#hkfoodblogger#放題#2025 @deluxe_king__9f
閱讀更多
-
香港攻略
兆萬中心
想食韓國燒烤, 呢間要試試. 正宗韓國人主理, 餐廳裝潢勁韓 feel, 仲有巨型漫畫牆可打咭, 而且價錢合理, 幾好㗎！ 食物方面真係應有盡有, 海鮮、牛、豬、羊、韓國街頭小食、飲品、啤酒、汽水、韓國飲料、雪糕、甜品自助區任飲任食無限添. 燒酒就要付費, 但係都唔貴. 唔好諗住任食, 啲肉質就會麻麻地, 呢度嘅食材優質, 有安格斯牛、特選五花肉及海鮮, 仲有特色醬油蟹、醬油蝦, 肉質鮮嫩彈牙好入味, 呢個要試, 平時唔食蟹嘅我都覺得好食. 我哋食得好豐富 ~ 牛肉海帶湯、雞肉串、牛胸腹肉、美國IBP梅頭扒、香草羊排、蒲燒鰻魚、牛舌、照燒薄切五花腩片、調味雞翼、半殼扇貝、半殼石蠔、LA牛排骨、調味美國特級牛肋條等等, 樣樣都好食. 老公讚我好介紹, 仲話下次要帶埋呀仔一齊嚟食先得. 平昌：旺角西洋菜南街1N號兆萬中心13樓 #越食越靚 #食咗先講
閱讀更多
-
擦餐勁
極上帝王水產放題
今日又同班女人定期每月聚餐, 朋友仔介紹係兆萬中心一間極上帝王海產放題, 呢間一直係網上都好出名,所以已經提早一星期預訂😂超期待😙 一上到去已經坐滿晒人, 當然急不及待即刻落單叫嘢食, 我哋一開始先叫咗個刺身同埋壽司先, 一上枱我哋都好驚訝,大大份仲要擺盤得好靚, 梗係即刻打卡,刺身同壽司都好新鮮, 種類都有好多👍特別係最鍾意佢火炙三文魚腩壽司､花之戀等等全部都好足料｡ 另外仲要有鰻魚串､厚切煎鵝肝､海膽壽司､ 生蠔同埋仲要有燒榴槤,估唔到有咁多特別的食物,仲要係放題｡ 甚至連佢嗰碟炒菜好惹味, 都即刻再encore🥰 因為我自己好鍾意食辣嘢,我仲叫咗個泰式大辣烏冬,好好食😂 除咗熟食､刺身､壽司,最犀利嘅地方張枱中間仲可以俾大家燒嘢食,出邊仲要有兩個大雪櫃自助食材(多款凍肉､丸､蔬菜､等等), 燒完嘢食悶悶地,仲可以叫個邊爐仔, 放喺隔離烚吓烚吓,滿足大家三個願望,(放題､燒肉､打邊爐) , 最適合一大班朋友去聚餐,滿足晒唔同嘅人🥳🥳下次有聚會一定會再嚟🩷🩷🩷 極上帝王水產 (旺角) 旺角西洋菜南街1N號兆萬中心9樓 @deluxe_king__9f #香港美食#UCreator#放題#極尚
閱讀更多
