兆萬放題｜兆萬中心美食｜人稱「劣食之塔」的旺角兆萬中心，近年憑藉搞怪IG reels重生，一眾放題店員工以幕前身份走入大眾視線，他們創作的部分影片甚至高達50萬次播放量，風頭一時無兩。這次UFood編輯找來呼聲最高的放題店幕前員工（小龍、阿表）接受訪問，了解他們的爆紅心路歷程。
兆萬商場屹立於旺角已有近30年，陪伴80-90後成長，其之所以被封為「劣食之塔」、「勇者塔」，全因坐擁多間平價但質素平平的日式放題店、任食邊爐舖。誰想到時來運轉，這些看似臭名昭著的放題店，近年竟創作出幽默抵死風格的reels，帶領兆萬走過市道低迷。
日式放題店負責人小龍和阿表接受訪問時透露，拍片轉型全因剛開關生意不足，「每日只有10枱、8枱顧客，老闆看到內地平台拍搞笑影片宣傳效果出眾色，便提意我們試着拍片。」雖然有社恐，亦會擔心尷尬，但面對老闆的加薪誘惑，他們選擇了「妥協」，自學拍攝剪接，製作影片。
過去一年間，小龍和阿表試過正經宣傳放題，亦試過化身導遊帶大家遊走兆萬，發現無厘頭主題最受歡迎。「影片發佈前我們重看40、50次依舊覺得好笑，出街後都會人氣程度火爆，拍得太正經反而沒有人看。」滑稽形象示人，受到的惡評自然亦不會少，從剛開始的怕被恥笑，到後來了解到觀眾更喜歡真實一面而放開身段，小龍形容為柒到盡頭便是型，「這麼丟架的影片，都有這麼多人觀看，其實也是件挺帥氣的事，而且搞笑如果可以拿來賺錢何樂而不為，起碼不是傷害別人讓自己成名，觀眾開心，我又開心，雙贏！」
這些搞怪Reels保守估計為放題店帶來4成營業額增長，目前店內亦有8成顧客是因為看了Reels才光顧，短短一年收穫大批支持者背後原因離不開態度親切、用心創作。「我們將觀眾視為朋友，會通宵聆聽幾個中學生訴說壓力，亦會在一家人前來用餐時幫忙照顧小朋友，也會在構思拍攝題材時詢問了解觀眾喜好，比其他創作同類型影片的行家更加用心。」
小龍和阿表比同行用心亦能印證在影片細節之中，他們的Reels雖然參考自內地平台，卻融入了香港特色，例如會加入星爺和鄭中基的搞笑元素、流利的粗口，盡顯香港陀地風味之餘，亦讓港人觀眾不至排斥。「其他人常抱怨香港市道差，其實是未做好自己，做得好怎樣都會有人光顧，因為永遠都有一群留港消費的人，並非所有人都有空北上消費，我們寧願做好留港消費的客人。」
多了個幕前身份，工作量自然也更多，小龍和阿表的工作日程已變為每日做十多小時，每月只休一天。雖然能夠陪伴家人、朋友的時間變得少之有少，但家人、朋友們仍舊給予滿滿的支持和鼓勵，令他們切親感受到人生多了選擇。「由寂寂無名的放題小子變成兆萬地標，現在甚至能組織拍攝團隊接影片廣告訂單，有種身份的轉換的奇妙感覺呢」，小龍是這樣說的。
旺角兆萬放題店
帝王水產
地址：旺角西洋菜南街1N號兆萬中心9樓
營業時間：每日中午12時至凌晨12時
電話：2111 1821
神戶屋
地址：旺角西洋菜南街1N號兆萬中心8樓
營業時間：每日下午4時至凌晨2時
電話：2770 1000
延伸閱讀
人氣餐廳排名
-
香港攻略
大本瀛日式放題 (兆萬中心)
大本瀛日式放題🍣
旺角兆萬中心日式放題-大本瀛 手寫點餐紙,真係好有青春嘅回憶 而且真係俾點餐紙嚇親,款式真係超多 而且地方闊落,裝修好有日本🇯🇵feel 日式放題,當然最重點係食刺身同壽司 食材全部都非常新鮮,必食三文魚🍣､希靈魚､八爪魚🐙､馬刀貝､鮑片､泰式生蝦🦐同激巨珍寶赤蝦,全部鮮甜彈牙 壽司🍣卷物花多眼亂:黑松露油甘魚､XO醬熟蝦､蔥油劍魚腩､拖羅蓉花之戀､鵝肝拖羅卷､牛油果🥑軟殼蟹手卷､澳洲 M5和牛薄燒､焦糖三文魚加州卷 炸物有一口炸鮮奶､榴槤炸彈､紫心香芋丸､紅糖糍粑､炸天婦羅 另外一口黑椒牛柳粒､煎餃🥟,冬陰功湯､多春魚都非常出色 除咗刺身壽司同小食之外,仲有火鍋,真係一個價錢兩種享受,而且仲有多款甜品､布甸､雪糕､生果同飲品任君選擇,性價比非常高嘅日式放題 📍大本瀛日泰放題 地址:旺角西洋菜街一號兆萬中心十樓 電話:37431977 營業時間:星期一至日12:00-00:00 @dabenei37431977 #日式放題#放題#日本料理#旺角美食#任食
閱讀更多
-
香港攻略
極上帝王水產放題
極上帝王水產放題🤤！旺角！🔥
旺角美食篇 講到係旺角食放題一定就會諗到兆萬中心 有好多餐廳餐選擇🍴 係聚多餐廳中 今次去呢間餐廳食放題 就係極上帝王水產 除左有常見既日式料理之外 仲添加左泰式料理 例如飛天通菜,泰式蝦餅等… 日式料理方面當然唔少得刺身 有大大既刺身船 最重要既主角就係烤肉 烤肉區既食材都算豐富 有肉類､海鮮､蔬菜 個人認為最出色係蒜蓉金菇菜 肉類有雞翼､雞肉串､雞軟骨….. 海鮮有墨魚仔､多春魚､三文魚骨…. 蔬菜有蘑菇､粟米🌽､蘆筍…. 除左燒肉 仲有炸物可選擇 有天婦羅🍤可樂餅… 仲可以打埋火鍋🍲 今次叫左豚骨湯 燙蔬菜🥬係唔錯既選擇 飲品方面還可以😌 可樂､茶類飲品…. 開頭以為冇咩甜品 點知近門口有雪條冰櫃 而佢地雪條既種類都好多選擇 要讚賞下果度既員工態度都不錯 會好主動更換好烤爐上既牛油紙👍🏻 整體來說都還好 可以滿足你數個願望 想打邊爐又得 想食日料又得 想泰料亦得 得咗👏🏻 ｡ ｡ ｡ 極上帝王水產 📍旺角西洋菜街1號兆萬中心9樓 #旺角美食#hkfoodie#hkfoodblogger#放題#2025 @deluxe_king__9f
閱讀更多
-
香港攻略
有少少涼咗,即刻想打邊爐🍲 但又唔想熱氣,所以去食粥底蒸海鮮就啱晒啦!🤤 兆萬中心樓上呢間 壹火鍋 好抵食~ 坐得舒服唔迫夾,傾偈都爽啲😌 自助區有簡單火鍋配料､生果､雪櫃同大量飲品🥤 仲有多款調味醬料,自己mix & match!🧂 我哋每人 +$50 點咗個刺身拼盤🍣 有 12款刺身 選擇!全部都新鮮清甜~ 三文魚好肥美､榮螺片同馬刀貝好爽彈~ 甜蝦都必食!🦐✨ 有火鍋或粥揀,我哋揀咗 花膠雞粥鍋🍲 有海鮮之外,仲有 無限追加嘅和牛!🥩 第一盤海鮮好澎湃!🌊 有海蝦､大蜆､龍躉同帶子,加埋蒜蓉蒸粉絲! 食完會幫忙計時,熟度啱啱好最鮮甜!😋 第二盤再蒸自選食物,揀咗: 蒜蓉蒸龍躉､剁椒蒸魚頭雲､陽江豉汁蒸白鱔､鮑汁雞腳 等等! 好味~~🤤 之後就開始食粥啦! 鮮味濃郁,吸晒海鮮嘅精華,粥底又滑又綿!🥣 食到咁上下就加湯變火鍋🔥 個黃牛拼盤都勁澎湃!見到啲肉好新鮮,幾飽都要食~ 肉味香濃,正!💯 最後用第二個胃食埋雪糕🍦 真係超級滿足!!😆 📍 壹火鍋 旺角西洋菜南街1N號兆萬中心16樓 電話:27808399 #壹火鍋#旺角美食#兆萬中心#粥底火鍋#雙子妹食在九龍
閱讀更多
