新店關注組｜泰國菜推介｜紅磡美食｜黃埔美食｜放假好去處｜泰國放假想遠離煩囂？黃埔有間新開的海景餐廳「O’Thai」，坐落於紅磡海濱，除了室內座位外，更設有戶外座位，面向維多利亞港海景，一望無際的景色。而餐廳由泰籍廚師主理，超過30年經驗的米芝蓮推薦大廚，擅長以現代手法演繹地道的泰國美味，必食推介包括蟹肉忌廉咖哩、紅咖喱和牛、燒伊比利亞豬頸肉，大家可以吹住海風嘆美味泰國菜，享受無與倫比的泰國風情，好Chill～
O’Thai的菜單真實展現出泰國豐富的街頭風味，彷彿置身於曼谷、清邁，甚至泰國各地的繁華街頭。泰籍大廚Amoo堅持正宗的風味，嚴選新鮮食材，將泰式街頭美食的香濃馥郁帶至餐桌上。每道佳餚皆經過精心挑選和設計，大廚更巧妙地將各種創意及精緻元素，融入到較不為人知的經典泰國街頭美食中，即看以下介紹。
<<按圖快速查看O’Thai推介>>
Click圖睇Menu：
蟹肉忌廉咖哩配香脆長棍法包
這家餐廳提供多種不同口味的咖喱配搭，包括香煎比目魚配紅咖喱或青咖喱，以及紅咖喱或綠咖喱大蝦（5件）搭配時蔬，還有泰式咖喱雞選擇青咖喱或紅咖喱等。其中，必試的咖哩首選是蟹肉忌廉咖哩，搭配香脆長棍法包（HK$268）。這道菜的香濃咖喱醬汁包裹著珍寶蟹肉，既濃郁又鮮美。當你用法包沾著咖喱醬汁時，可以進一步品嘗到咖喱的精華，因為法包吸收了醬汁的美味，讓整體味道更加豐富。另外，大家還可以選擇加購蒜蓉法包（5件$88）或酥脆牛油煎餅（2件$58），同樣可以吸收了咖喱醬汁的精華。
慢煮熟成和牛配紅咖喱或青咖喱
另一個食肉獸必試的推介是慢煮熟成和牛配紅咖喱或青咖喱（$268）。這道菜需要經過長時間的慢火精心烹煮，充滿濃郁的牛肉香氣。和牛本身就含有豐富的油脂，經過慢煮後，油脂變得更加香滑，令肉質軟嫩。當你輕輕咬下一口時，肉便在口中融化，入口即化。
傳統泰國冬蔭功湯
冬蔭功湯($128 大蝦) / ($108 素食)是泰國菜的代表菜式，也是海鮮愛好者的首選，O’Thai餐廳的冬蔭功湯以大頭蝦作主角，蝦肉不僅膏夠多且肉質腍嫩，還吸收了湯汁的精華，讓味道更加豐富。湯底的椰奶味和香料味取得了完美平衡，聞起來香濃且帶有陣陣酸辣味，辛香撲鼻。
燒豬頸肉配辣羅望子醬
食肉獸留意！燒豬頸肉配辣羅望子醬（$148），以伊比利亞豬肉為食材，外表燒至焦香，口感十分微脆和肉質嫩滑，每一口都充滿肉汁，再配上豬頸肉靈魂醬汁辣羅望子醬，味道酸酸辣辣，既開胃又能解膩，將受歡迎的街頭小食升級。
芒果糯米飯
超打卡able芒果糯米飯（$98），賣相好精緻，質素不錯，打卡一流。這道甜品軟糯的糯米飯與香濃的椰奶，以及鮮甜多汁的芒果完美融合，口感豐富，層次分明，為用餐畫上完美句號｡
<<按圖查看更多O’Thai 菜式推介>>
O’Thai餐廳環境
O’Thai 除了室內座位及戶外座位外，餐廳更由國際知名建築師Hernan Zanghellini匠心設計，裝潢把現代優雅與泰國文化完美融合。例如：石灰色調與青檸色的絲質牆身相映成趣，創造出溫暖而高雅的氛圍。餐廳戶外用餐區域，除了有黃昏時分可以欣賞醉人日落 ，更有特色的椅子，非常適合打卡。
O’Thai地址
紅磡德豐街18號黃埔花園地下G1號舖
電話：2123 2177
營業時間：中午12時至下午3時；晚上6時至11時
人氣餐廳排名
-
泰國菜
O’Thai Restaurant
黃埔泰菜任睇維港海景🤤！享受美食至凌晨一點！
#frostie黃埔之旅#frostie泰式之旅 ✅ #othai 📍美食探險👉 @frostiewithfood - 🔥黃埔海景泰國菜🔥 週末當然要約朋友出嚟食飯啦,今次同朋友去咗喺黃埔海旁嘅一間泰式餐廳,餐廳戶外位置有無敵大海景,可以飽覽維多利亞港嘅景色｡餐廳營業 到夜晚凌晨一點,景色任睇唔嬲,最特別嘅係除咗泰菜,意大利菜都可以一齊點選,同一時間可以食到兩種菜式! 泰式炸蝦餅配甜梅子醬 炸蝦餅一共有3件,每件一開二, 炸蝦餅質地結實,再加埋甜梅子醬,食落好夾! 燒豬頸肉配辣羅望子醬 燒豬頸肉切成薄條,油脂香明顯, 豬嘅肉口感煙韌,配上酸辣醬汁正好中和油脂感 燒雞肉串配花生醬 燒雞肉串一共有4件,用竹籤穿起,雞肉切成小塊易入口,配上花生沙嗲醬味道香濃好惹味 鮮蝦芒果米紙卷 鮮蝦芒果米紙卷一共有6件,入面加入大量蔬菜､紅蘿蔔同埋芒果肉,最鍾意米紙卷入面加咗好多芒果肉,果肉清甜,加上米紙卷既醬汁好refresh! 紅咖哩大蝦配時蔬 泰式咖哩雞 同一時間想食蝦同埋雞肉,梗係一次過叫哂佢｡一共有5隻大蝦,入面加入咗粟米筍､紅椒､蘆筍等時蔬｡ 另外一款就轉咗食材做雞肉,配菜都係一樣嘅材料,紅咖哩濃而不死辣,攞嚟送飯其實都幾夾 蟹肉忌廉咖哩配香脆長棍法包 另外都叫咗一款蟹肉忌廉咖哩, 忌廉咖哩口感creamy,入面加咗唔少蟹肉, 將蟹肉忌廉咖哩放上長棍法包上面, 長棍法包食落香脆又吸滿咖哩汁,真係無得彈 芒果糯米飯 最後叫咗一份芒果糯米飯,糯米飯有兩層,綠色嗰層係用咗班蘭葉汁,食落冇咩太大分別,加埋側邊嘅芒果粒香甜軟糯,作為甜品最適合不過 椰青 天時暑熱叫個椰青飲下,椰青口感冰涼清甜, 入面嘅椰肉仲可以刮出嚟食添 - 分數:4/5 - 🏠 @othairestaurant.hk O'Thai Restaurant (紅磡) 紅磡德豐街18號黃埔花園地下G1A號舖 - #黃埔#黃埔美食#泰菜#海景#泰菜#泰國美食#泰國#旅行美食#UCreator#打卡美食#美食推介#Foodie#泰國菜#海景餐廳
閱讀更多
-
香港攻略
米芝蓮推薦嘅Nara Thai 🇹🇭
Nara Thai 🇹🇭係連續多年獲 #米芝蓮推薦嘅泰國過江龍,主打正宗且精緻嘅傳統泰國菜~餐廳以藤椅和花卉裝飾營造出慵懶嘅渡假感,窗邊位仲可以望住維港靚景添~ 🍤🍢《 泰式小食拼盤 》 份量夠2至3人｡有肉嫩入味嘅雞肉串燒､香茅味濃嘅烤豬頸肉､金黃酥脆嘅黃金蝦餅(蝦肉彈牙)､經典嘅香葉包雞､香脆可口嘅炸素春卷~ 附隨靈魂蘸醬甜辣醬同沙嗲醬~ 🥘🦀《 黃咖喱軟殼蟹 配🫓印度薄餅(2件) 💲228 》 黃咖喱加咗蛋黃同椰漿煮,質地濃稠順滑,香甜有淡淡椰香,辣度低,易入口~軟殼蟹炸得外脆內軟,仲食到啖啖鮮甜多汁嘅蟹肉!印度薄餅都係亮點,口感酥脆帶有層次!整體好惹味~! 🍲🍖《 珍寶火山骨💲238 》 湯汁酸酸辣辣好開胃,唯獨豬肋骨口感紮實,如果可以軟嫩一啲就更好｡ 🍍🍚《 菠蘿肉鬆海鮮雞肉飯 💲158 》 炒飯融入了新鮮菠蘿嘅甜香,配料包括蝦､青口等海鮮及雞肉,頂部還鋪滿了肉鬆和腰果｡酸甜開胃又有口感~ 🥭《 芒果糯米飯 💲88 》 淋上濃郁嘅椰漿,軟糯又酸甜交織~ 🍹《 芒果甘露沙冰 💲48 》 🥥《 鮮椰子沙冰 💲48 》 📍Nara Thai Cuisine @narathai.hk 尖沙咀廣東道3-27號海港城港威商場3樓3303號舖 電話: 21533660 #narathaihk #thaifoodhk#香港美食#michelin #泰國菜#海港城美食#米芝蓮推薦
閱讀更多
-
泰國菜
Nara Thai Cuisine (海港城店)
泰國菜🇹🇭尖沙咀海景餐廳！必試！😋 舌尖漫遊清邁市集與曼谷夜市
🍽️Nara Thai Cuisine Nara Thai Cuisine 係一間來自泰國嘅人氣餐廳,而家喺尖沙咀海港城都食到啦!餐廳位置好方便,坐擁維港海景,環境寬敞舒適,裝修融入現代泰式風格,啱晒同朋友聚餐或者家庭聚會｡主打傳統泰國菜,味道正宗得來又貼近香港人口味 ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ 🥢大蝦柚子沙拉 💰128 一上枱就見到粉嫩嘅大蝦同鮮黃色柚子肉堆到滿一滿,賣相好吸引｡聞落有淡淡薄荷同金不換清香,仲帶少少辣醬嘅酸香｡大蝦爽口彈牙,柚子清甜多汁,花生同乾蔥碎增加脆口感覺｡酸甜醬汁醒胃得來唔會太嗆,係一道幾有層次感嘅前菜 🥢椰子雞湯 💰128 用傳統泰式煲仔上枱,熱辣辣冒住白煙,聞到好濃郁嘅椰奶同香茅香氣｡湯汁奶白色,裡面有幾件嫩滑雞肉同草菇 飲落順滑,椰奶味好出,但唔會蓋過香茅同檸檬葉嘅清香｡酸味同辣度平衡得幾好,飲完成個身都暖笠笠 🥢黃咖喱軟殼蟹 配印度薄餅同蒜蓉包 💰228 + 💰40 + 💰40 金黃色嘅咖喱汁滿滿咁淋喺炸到酥脆嘅軟殼蟹上面,賣相好誘人｡咖喱散發住溫和嘅香料同椰奶香氣｡軟殼蟹外脆內嫩,蘸滿咖喱汁之後更加惹味｡印度薄餅煙韌有咬口,蒜蓉包香脆可口,兩樣點咖喱汁食都咁夾 🥢香茅烤雞(半隻) 💰158 雞皮燒到脆卜卜,啖肉仲keep到肉汁,咬落去香茅味爆晒出嚟,仲帶啲檸葉清香｡配埋個甜辣醬汁,食到舔舔脷! 🥢泰式珍寶火山排骨 💰238 真係好似火山咁大份量,堆到成座山咁高,視覺效果幾震撼, 排骨燉到深褐色,聞到酸辣香料嘅香氣,肉質煮得好軟淋,好容易就離骨 醬汁酸辣開胃,帶少少青辣椒嘅清新,食落唔會覺得膩 🥢芒果糯米飯配椰奶💰88 芒果切成大片,糯米飯砌成細心嘅形狀｡聞到香甜嘅芒果同椰奶香氣｡芒果清甜多汁,糯米飯軟糯煙韌,溫度屬室溫,椰奶汁濃度剛好,帶微微鹹味,同芒果嘅甜味好夾 🥢海鹽焦糖泰式奶茶 💰42 以泰式奶茶做基底,免加入香滑忌廉紅焦糖醬,茶味較出不太甜,好啱香港人口味 ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✍🏻總評: 加🔟服務費:✅ 👭🏻推薦指數:🌕🌕🌕🌕🌗 👭🏻回頭指數:🌕🌕🌕🌕🌘 👭🏻環境評分:🌕🌕🌕🌕🌕 👭🏻服務評分:🌕🌕🌕🌕🌖 ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ 💰人均消費:$300 🗺️ 地址:香港尖沙咀廣東道3-27號海港城港威商場3樓3303號舖 #尖沙咀#泰國菜#海港城#泰菜#泰國美食#泰國#UCreator#打卡美食#美食推介#廣東道#香港美食#香港必食
閱讀更多
