人氣「均香餅家」又有新搞作！今次聯乘開業58年老字號茶餐廳「祥香園」期間限定推出一系列新品，包括超邪惡杜拜開心果朱古力菠蘿油、黑芝麻菠蘿油以及花生菠蘿油，用上祥香園的菠蘿包以及均香餅家的餡料，一次試到多重風味～
擁有58年歷史的「祥香園」是次聯乘開業46年的「均香餅家」，兩大老字號合作推出期間限定特製風味菠蘿油系列，用上祥香園的菠蘿包搭配均香餅家的餡料，外脆內爆餡！
邪惡之選一定係杜拜開心果朱古力菠蘿油（$32/單點），滿滿開心果醬及開心果碎，堅果香氣突出，再加上厚切牛油，肥仔到爆啊！另外黑芝麻菠蘿油及花生菠蘿油同樣吸引，一啖咬落好滿足～菠蘿油可以選擇單點或者升級套餐搭配飲品或瑞士雞翼撈丁，做下午茶一流！
*特製菠蘿油系列早上11點後於祥香園各大分店供應
祥香園
牛頭角分店：牛頭角海濱道77號海濱匯2樓1號鋪
荔枝角分店：荔枝角青山道658號福至工業大廈地鋪
筲箕灣分店：筲箕灣南康街17號天悅筲箕灣廣場LG樓3-5號鋪
灣仔分店地址：灣仔道128-150號明豐大廈1樓B號鋪
堅尼地城分店：堅尼地城士美菲路41A-43號美菲閣地下6號鋪
圖片來源：IG @chy_1967， @hhazelsdaily
同場加映：【開箱速遞】最新影片
人氣餐廳排名
-
打卡熱點
祥香園餐廳
《爆餡菠蘿油＋瑞士雞翼撈麵套餐》 祥香園推出左爆餡菠蘿油，有杜拜朱古力、開心果、花生、黑芝麻4款口味，我揀左超邪惡既杜拜朱古力，菠蘿包酥皮鬆脆，包身鬆軟，配上一片厚牛油，仲有滿滿既杜拜朱古力餡，口感味道都好豐富😋 我仲加錢升級做套餐，有瑞士雞翼撈麵同埋熱飲，雞翼好入味，食完成個餐真係好飽好滿足😍 #雙聚嚐月 #嚐在中秋 #月餅盛宴 #秋日養生 #請您食月餅
閱讀更多
-
打卡熱點
新城市廣場
沙田新城市廣場快閃甜品祭 瑪德蓮/月餅雪糕/麻糬流心酥
沙田新城市廣場限定舉辦「秋日甜品祭」，匯聚共過百款超人氣甜點，有名氣嘅甜品店例如陳凱琳自家朱古力品牌Dulce Vida、老字號均香餅家、Grandma’s Scones、THE BAKERISM、CASABAKE等到場，大家就可以品嚐到人氣甜品，仲有多款創新甜品，例如Fifty Cake摩卡咖啡巧克力脆皮德蓮三文治，其他亦有特濃小山園抹茶麻糬流心酥、杜拜開心果朱古力bagel、焦糖布甸流心撻、楊枝甘露Gelato等 秋日甜品祭 日期： 2025年10月1日至10月7日 時間：中午12時至晚上9時 地點：沙田新城市廣場一期3樓及3樓Chill Park
閱讀更多
-
港式美食
祥香園餐廳
老字號茶餐廳祥香園♡
西環嘅著名懷舊冰室祥香園,仲要同老字號推出嘅菠蘿油,一定要嚟試試✨ 💥 期間限定特製菠蘿油 菠蘿油不嬲都好邪惡,今次仲要加埋黑芝麻餡〔仲有開心果餡〕,一啖咬落去有多重口感,個皮脆得嚟仲要滲出淡淡嘅芝麻同牛油香,真係忍唔住要食晒成個,同老字號crossover果然有驚喜! *🔥 焗咖喱牛坑腩飯* 嫌焗豬扒飯有啲悶,今次有茶記罕見嘅焗咖喱牛坑腩飯!牛坑腩既腍又香,咖喱面層焗到微焦,加埋蛋香炒飯底簡直係天衣無縫~ *🥩 鐵板紐西蘭肉眼扒* 鐵板熱辣辣上枱滋滋聲,塊扒都好高質,熟肉質粉嫩juicy,自己淋黑椒汁儀式感十足~ #UCreatorHK #BESTFOODwithUCreator #香港美食 #香港隱世美食 #Foodie#美食#打卡美食
閱讀更多
