任飲任食$100有找？記者在黃大仙發現了一間街坊小店「上海新大眾大閘蟹專門店」，星期一至日全日供應$98起激抵放題，無限量任食雞煲、烤魚、串燒及羊腩煲，並提供多款飲品、啤酒及配菜，可以限時無限encore！想約定朋友及家人，一起享用$98任飲任食放題？即看下文介紹，了解更多優惠詳情～
新大眾$98起激抵放題
黃大仙街坊小店「上海新大眾大閘蟹專門店」，推出$98蚊起激抵放題，可以無限量追加雞煲、烤魚、串燒及羊腩煲，共有7款主菜任食，包括麻辣烤魚、酸菜烤魚、番茄烤魚、奇味雞煲、麻辣雞煲及羊腩煲，另加$18更可轉熔岩芝士雞煲！串燒方面有牛肉、羊肉、雞皮、五花腩、雞腎等等，即叫即燒，脆口入味～
90分鐘放題價錢及詳情
這個$98蚊起激抵放題，星期一至日全日供應，用餐時間90分鐘，吃完可以任食無限encore，並提供多款飲品及啤酒選擇！訂座前敬請留意，每位食客須付$10醬油費，星期五、六、日、公眾假期及前夕須另加$20。放題套餐反應熱烈，大家可以預先致電預訂座位。
上海新大眾大閘蟹專門店
地址：黃大仙飛鳳街46號地舖
電話：2419 1208 / 9567 3964（WhatsApp）
營業時間：12:00 - 00:00
資料及圖片來源：FB@上海新大眾大閘蟹專門店、小紅書@汀芜、小紅書@深水魚、小紅書@亮亮的私家日记及小紅書@Couple好玩好食
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
同場加映：【簡易廚房】最新影片
飲食熱話
-
香港攻略
上海新大眾大閘蟹專門店
$98任食雞煲、烤魚、羊腩煲、串燒
最近發現黃大仙有間寶藏餐廳,真係抵到要尖叫😱!$98就食到放題,仲要係雞煲､烤魚､羊腩煲､串燒一次過滿足晒,仲要連汽水啤酒都任飲🥤🍻,呢個價錢係咪癲先?! 今次我哋直接揀咗 C餐 $168/位,兩個鐘頭瘋狂喪食,真心飽到上心口🥹 🧀 熔岩芝士雞煲——邪惡到唔敢望 一上枱已經 overwhelming!滿滿嘅芝士鋪滿雞件,熱辣辣仲係半溶狀態,夾起仲會拉絲🧀🔥 雞肉嫩滑入晒芝士香,濃郁到每一啖都覺得自己好放肆,但真係忍唔住一舊接一舊,芝士控必試! 🐟 烤魚､雞煲､羊腩煲一次過食晒 烤魚我哋揀咗蕃茄味,魚肉好新鮮,吸晒湯汁精華,每一啖都入味,食到停唔到口 雞煲揀咗小辣,啖啖肉量多又嫩,香辣惹味; 羊腩煲仲可以無限追加,炆得軟腍入味 🦀 蟹粉系列真係不得了 瀑布蟹粉黃金撈麵一上枱已經流晒口水,蟹黃香氣撲鼻,撈勻每一條麵都掛滿濃濃蟹粉,超邪惡! 爆汁蟹粉小籠包皮薄餡多,一咬開真係會爆汁,湯汁鮮甜到唔捨得吞💦 仲有蟹粉墨魚餅､蟹粉扒時蔬,全部蟹味超濃,完全唔馬虎! 🍢 串燒任食配啤酒真係爽 牛肉串､羊肉串､五花腩､雞腎､雞皮……燒得香口又唔乾,邊食邊飲啤酒,氣氛即時升級🍻 🥩 火鍋肉類質素都唔錯 有安格斯牛板腱､澳洲和牛牛胸爽､美國特級肥牛､西班牙黑豚腩片､紐西蘭羊肉卷都幾有質素 最驚喜係店員會俾多個新清湯底你打邊爐,入面仲有菜､菇､粟米,好足料!你可以照用雞煲個底打,又或者轉清湯,兩種玩法自己揀,幾爽~ 🍟 炸物小食都幾有誠意 炸饅頭配煉奶､黑松露薯條､香芋地瓜丸,全部即炸香脆唔油膩,啱晒邊傾邊食 🦞 4人同行仲送海鮮拼盤 我哋今次4個人嚟食C餐,仲送咗個超豪華海鮮拼盤,有龍蝦､鮑魚､帶子､蜆,真心勁有誠意,打卡都贏晒📸 店內裝潢係地道大眾食堂風格,光猛企理,平日夜晚9點幾仲爆晒場,唔講仲以為去咗旺角咁熱鬧🔥 原來呢間係 上海新大眾大閘蟹專門店,主打大閘蟹同蟹粉菜式,難怪蟹粉系列咁出色! ❤ 喜歡的話 記得Share ❤ ❤ 記得Like & Follow 我IG: 🌟@foodie.sindy 🌟 ❤ ❤ 齊齊去搵食😎 ❤ ◦ ---------------------------------- ◦ 🍽餐廳:上海新大眾大閘蟹專門店 📍 黃大仙鳳德道13號地舖 📍 黃大仙飛鳳街46號地舖(總店) 📞 訂座熱線:24191208 💬 WhatsApp:95673964 ◦ ---------------------------------- ◦ #黃大仙美食#香港放題#雞煲烤魚串燒放題#蟹粉撈麵#任食放題
閱讀更多
-
港式美食
上海新大眾大閘蟹專門店
黃大仙$98起任飲任食放題 蟹粉鵝肝菜/送海鮮拼盤
係黃大仙竟然有間大閘蟹專門店推出$98起任飲任食放題，烤魚、雞煲、串燒、羊腩煲同汽水啤酒等無限追加，最低$98起就可以食到近百款美食同飲品 七款煲類包括麻辣烤魚、老壇酸菜烤魚、香濃番茄烤魚、四川麻辣雞煲、奇味雞煲、熔岩芝士雞煲 (每位+$18）同雙冬羊腩煲🐏 食完就可以打邊爐，自助區有火鍋配料同肉類選擇，配埋多款炸物、熟食同勁回本蟹粉同鵝肝菜式，抵食。想食埋超豪華の龍蝦鮑魚海鮮拼盤，只須四位或以上 提前至少一天WhatsApp訂座C餐就可以享用到 上海新大眾大閘蟹專門店 總店📍黃大仙飛鳳街46號地舖（近鳳凰新村） 分店📍黃大仙鳳德道13號地舖 營業時間:中午12時正-凌晨2時正 電話訂座：2419 1208 圖片來源：IG@上海新大眾大閘蟹專門店 #美食 #美食推介 #放題推介 #大閘蟹推介 #任食放題
閱讀更多
-
擦餐勁
上海新大眾大閘蟹專門店
98蚊無限任食 雞煲 串燒 烤魚
今日同朋友嚟到上海新大眾大閘蟹專門店,雖然佢個名有大閘蟹,但我哋俾佢個 $98無限任食烤魚､雞煲､牛腩､串燒嘅牌頭吸引咗!一入到去,見到前菜都係任食,有青瓜､中華沙律､木耳同埋螺肉,幾開胃㗎!🥒🥗 我哋主打叫咗個雞煲,真係冇揀錯! 個雞煲好足料,雞肉嫩滑入味,湯底濃郁惹味,食到我哋舔舔脷🤤 講真,淨係食個雞煲我已經飽到上心口,幾乎冇乜空間再試其他嘢,所以今次冇緣試到佢哋嘅烤魚同牛腩,下次一定要試番! 不過,我哋都叫咗啲串燒試吓,種類都幾多,豬牛雞羊通通都有,燒得香噴噴,令人食指大動🍢 雖然食得唔多,但都食得出水準唔錯 以$98呢個價錢嚟講,呢間上海新大眾大閘蟹專門店嘅CP值真係高到爆燈💸 上海新大眾大閘蟹專門店 (黃大仙) 黃大仙飛鳳街46號地舖 #上海新大眾大閘蟹專門店 #雞煲 #串燒 #無限任食 #抵食 #高CP值 #食好西 #香港美食 #任食雞煲 #任食串燒 #放題 #任食 #黃大仙 #黃大仙餐廳 #黃大仙美食 #烤魚
閱讀更多
