優惠│酒樓推介│$1優惠又到啦！「茶皇殿」推出重磅優惠，以$1就食到脆皮燒乳鴿，另外亦有$1燒鵝皇和$1走地雞，非常抵食！留意下文睇詳情：
茶皇殿推出限時優惠，$1燒味三選一！除了茶皇殿燒鵝皇和清遠走地雞，脆皮燒乳鴿只需$1就食到，外皮金黃酥脆，內裡嫩滑多汁！優惠只限星期一至五的晚市堂食，數量有限，售完即止！
詳情
脆皮燒乳鴿（原隻）：2位起，每人限購1隻
茶皇殿燒鵝皇：2-4位限購一例 /5-8位限購半隻/9位或以上限購一隻
清遠走地雞：2-3位限購一例 /4-6位限購半隻 /7位或以上限購一隻
優惠細則
- 1蚊燒味三選一優惠僅限星期一至星期五晚市堂食散座，不設外賣（不適用於星期六、日及公眾假期）。
- 乳鴿原隻奉上，如需斬件，需每隻額外加收$18。
- 人數按人頭茶位計算。
- 不可與其他優惠同時使用
飲食熱話
-
香港攻略
香港粵菜手工菜式酒樓
朋友介紹佐敦呢間充滿舊香港情懷嘅手工粵菜酒家,全係師傅人手炮製嘅經典粵式海鮮同燒味,今日終於可以試吓啦😍 重點必食絕對係黑松露玻璃燒鵝!第一次食真係驚為天人,鵝皮薄如玻璃,一咬落去好juicy黑松露嘅香氣同鵝油香完美融合,鵝肉嫩滑多汁,配埋酸梅醬解膩,根本就食唔停🤩 海鮮全部新鮮到爆燈✨ 新鮮象拔蚌爽口彈牙､帶子荷蘭豆清甜鮮美,火候控制得剛剛好;新鮮石斑肉質細嫩､大鮑魚煲鮮香濃郁,每一樣都食得出師傅嘅用心｡ 爆油走地雞皮香肉滑,雞翅入味惹味,蝦多士外酥內嫩,香氣十足｡ 甜品同點心同樣驚喜 桂花奶凍清甜不膩,桂花香氣濃郁;壽包仲要係我最鍾意入邊有蛋黃,成餐飯大家都食得好開心又食得勁飽🥳🥳好滿足❤️ 超適合一家人或者有宴會去食👍🏻👍🏻 神燈海鮮酒家 (18廣場) (佐敦) 佐敦長樂街14-20號18廣場地舖及1樓
閱讀更多
-
香港攻略
豪宴薈
父親節前夕同爸爸去飲靚茶
就快父親節了，等我假日帶爸爸去吃點心! 這是一間好出色的茶樓，位於日出康城的豪宴薈，菜式中加入川菜，看起來非常豐富！ 今期特價: 脆皮燒乳鴿低至$52(低至買一送一)，公眾假期及六日不適用。 . 我點了以下豐富的美食: ⭐巧手叉燒包 我仔最愛吃叉燒包，內餡是鹹甜交織、濃郁醬汁的切丁叉燒肉，是飲茶必點的經典之一。 . ⭐原隻鮮蝦腸粉 半透明的優質米漿腸粉包裹著若隱若現的粉嫩鮮蝦，鮮蝦與微甜的醬油，鮮美清爽。 . ⭐紅燒乳鴿 我最愛的皮脆內嫩乳鴿，整隻乳鴿經過高溫油炸，香氣逼人，外皮呈現誘人的油亮光澤，更會附上椒鹽或喼汁調味。 . ⭐燒油雞/燒鵝瀨粉 油雞肉質滑嫩、滷水入味；配上口感滑溜、略帶彈性的瀨粉與清鮮的湯頭，我仔仔竟然對瀨粉好有興趣。 . 燒鵝皮脆肉厚，咬下時油脂甘香、肉質濃郁，我肉幾時都好食過鴨肉，配上解膩酸梅醬，是絕佳的港式滋味😍😍。 . ⭐川味口水雞 鮮嫩的雞肉塊上鋪滿了碎花生、芝麻、大蒜、青蔥，配上辣油與特製醬汁，集麻、鮮味於一身，非常開胃。 . ⭐芒果凍布甸 金黃色的甜品，口感滑膩Q彈，帶有濃郁的芒果果香與微甜，通常會淋上淡奶，為這頓豐盛的餐點劃下完美的甜美句號。 . 豪宴薈晚市堂食優惠: • 開心孖寶套餐平日只需$338，原價$538，包脆皮吊燒雞半隻 +約1斤重上湯焗 西澳洲龍蝦一隻，送稻庭烏冬底 • 三大皇牌: 沙汁大蝦球、老壇酸菜魚、薑蜜叉燒皇，任選一款平日只需$68起 • 優惠期及產品數量有限，售完即止。 推廣詳情請參閱店內宣傳品。 . 豪宴薈 香港將軍澳康城路1號The LOHAS 4樓418號舖 #豪宴薈#HoYinBanquet#afternoonteahk#香港美食#日出康城
閱讀更多
-
香港攻略
大壹燒鵝 (啟田大廈)
燒鵝確係掂@大壹燒鵝（啟田大廈）
唔係有朋友搬咗去呢區，都比較少係呢區開飯。今晚就由屋主帶我地去呢度食入伙酒。 門口已望見燒味部，掛咗切鷄，豉油鷄及燒鵝。 自家燒製，打開餐牌仲有燒腩仔，燒乳鴿。 樓下似茶餐廳卡位格局，再上一層設有大中型圓枱，方便大家叫菜食飯。 提供二人套餐，包燒味及小菜，仲有老火湯，都算經濟實惠。當然亦可以散叫，菜式價錢都係街坊價位。 打頭陣係呢客花菇鷄腳燉螺頭 ($58)，以茶壺代替燉盅，倒係茶杯中飲燉湯，幾過癮。湯料十足，有鷄腳螺頭瘦肉粒，啖湯唔油幾鮮甜，仲好夠熱。 黎呢度點可以錯過大壹燒鵝，可選上或下庒，呢客係上庄例牌 ($128)，足夠2-3人食。 入口先食到皮嘅脆度，皮下唔算有太多肥膏; 肉質緊實，過足肉癮。 呢度都有提供海鮮，好耐無食過油鹽水浸花甲皇 ($148)，都幾大碟。食晒成碟都只發現有一隻係無開口。蜆肉嫩滑無沙，仲有芹菜及粉絲，唔會過咸，單食都幾好味。 清清地以野菌勝瓜魚湯浸魚肚 ($98)代替炒菜。魚湯幾鮮甜，加埋腍甜勝瓜仲多一份甜味，而魚肚浸得夠腍身，一咬D魚湯咇出黎，一碟菜有多種唔同口感。 友人想食牛，呢客芥末牛柳粒 ($98)就出現係今晚呢餐。 牛柳粒嫩口，每粒都被沙律醬包圍，輕微芥末味，仲有三色椒作配菜，用黎送飯唔錯呀。 唔收加一。 #大壹燒鵝（啟田大廈） #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #浪漫星空約會 #越食越靚 #馬年新氣象 #去新酒店Staycation #送禮 #旅遊 #hkbeauty #hkblogger #hkfoodie #打卡 #hkfoodblogger #KOL #hkfoodblog #hklifestyleblogger #hkkol #社群 #ublog #bloggerhk #ULifestyle應用程式 #ULifestyleApp #ULifestyle社群密密送 #ULifestyleApp社群 #MOMENTSwithUCreator #UCreatorHK #社群創作有價企劃 #創作有價 #UCommunity社群 #社群每週活動推送 #越食越靚 #馬年新氣象 #浪漫星空約會 #去新酒店Staycation (此文章由U Blog 同步發佈至社群)
閱讀更多
