【IKEA新品/IKEA甜品】IKEA美食站又有驚喜搞作！今個1月，IKEA 破天荒將地道茶餐廳風味帶入甜品站，推出全新「港式系列」新地！除了有炭燒咖啡及港式奶茶口味，最驚喜是可以整支「鴛鴦新地」，破格加配街頭小食「迷你雞蛋仔」，一冷一熱口感超豐富！同場加映鹹食控必試的「芝味瑞典肉丸批」，酥皮包住肉丸加流心芝士，即睇內文新品詳情去試食！
IKEA新品 | IKEA 1月全新地甜品登場
今個 1 月IKEA 將最具代表性的香港地道風味帶入瑞典美食站！全新推出的「港式系列」甜品將傳統茶餐廳飲品變身為軟滑新地，實行以中西合璧的創意口味攻陷各位甜品控。
*按下圖快速查看1月全新甜品登場
今次登場的三款新地口味極具本土特色，首先是「炭燒咖啡新地筒」，將軟滑雪糕與香濃回甘的咖啡烘焙香味完美交織，絕妙配搭帶來多重味覺驚喜；而「港式奶茶新地筒」則還原了濃厚的紅茶香氣，配以絲滑奶香，每一口都充滿地道茶記風味。若然你有選擇困難症，那絕不能錯過結合兩者精髓的「鴛鴦新地筒」，將咖啡的甘香與奶茶的滑溜共冶一爐，呈現出獨一無二的港式特飲風味。
IKEA新品 |必試新地配搭迷你雞蛋仔
單吃新地似乎未夠喉？IKEA 這次更將街頭小食文化完美融入，每款口味的新地均可選擇配搭外脆內軟的「迷你雞蛋仔」。熱騰騰的雞蛋仔遇上冰凍新地，一冷一熱的冰火口感在口中爆發。
IKEA新品 |鹹食推介：芝味瑞典肉丸批
除了甜品，IKEA 亦照顧到鹹食控的胃口，獨家呈獻全新「芝味瑞典肉丸批」，將品牌人氣 No.1 的瑞典肉丸包裹在金黃酥脆的酥皮之中，內裡更融入了濃郁芝士。一口咬下，鬆脆外皮、多汁肉丸與惹味芝士完美結合，令人愈食愈上癮，絕對是逛街後醫肚的必試之選。以上新品於 1 月起在 IKEA 香港美食站同步登場，各位吃貨記得把握機會去試新野了！
*按下圖快速查看1月全新甜品登場
除此之外，IKEA 餐廳突發推出 3 款地道「港式常餐」，只需 $43 就可以歎到茶記靈魂「沙嗲牛肉麵」或「叉燒湯意粉」，仲包埋黑松露炒蛋及飲品任飲，性價比極高！
*按下圖快速查看1月全新甜品登場
👇 IKEA美食站分店地址：
▼ IKEA 分店詳情 ▼
資料及圖片來源：IKEA 宜家家居
IKEA隱藏版酥皮龍蝦湯Threads爆紅！網民：$36高級餐廳水準／配搭XX食仲正 (指定分店一覽)
IKEA酥皮龍蝦湯Threads爆紅
有不少網民於Threads發文分享，大讚IKEA瑞典餐廳最新推出的酥皮龍蝦湯，紛紛表示「100% Encore」、「高級餐廳水準」、「酥皮真係又薄又脆」等，吸引不少食客親身試食！根據網民透露，$36酥皮龍蝦湯是IKEA餐廳的「隱藏菜單」，若未能在餐牌上發現酥皮龍蝦湯的話，建議大家直接向店員落單。
網民：配搭XX食更加好味！
IKEA瑞典餐廳$36酥皮龍蝦湯在網上掀起熱潮，網民試食後陸續在Threads發文推介，大家都大讚酥皮酥脆，龍蝦湯味道十分濃郁，更加入彈牙龍蝦肉粒，整體水準令人驚喜，$36大大碗份量十足！更有網民分享酥皮龍蝦湯配搭「薯格」的隱藏食法，大讚沾滿龍蝦湯的薯格更加惹味，推薦大家一試～
指定2間IKEA瑞典餐廳發售
超人氣IKEA酥皮龍蝦湯，只限指定IKEA瑞典餐廳分店發售，大家想把握機會一試IKEA酥皮龍蝦湯的話，可於沙田及荃灣2間IKEA餐廳購買，每日數量有限，賣完即止！立即約定朋友一起到瑞典餐廳，品嚐$36高質龍蝦湯吧！
宜家家居餐廳及咖啡室
地址：沙田鄉事會路138號新城市中央廣場5樓
電話：3125 0888
營業時間：星期一至日 11:00 - 20:30
地址：荃灣青山公路 - 荃灣段388號8咪半7樓
電話：3125 0888
營業時間：星期一至日 11:30 - 20:30
資料及圖片來源：U Community@FoodTravel_World及小紅書@聪明小马斯
飲食熱話
-
港式美食
宜家家居 銅鑼灣店
@Ikea, 唔理咁多,買多個芝味瑞典肉丸批 😋🤗🎉✨
知道好多人好鍾意去 Ikea 美食站, 因為食物款式有好多選擇, 價錢又不太貴, 環境舒適, 最重要係美食站不時都有新食品推出, 軟雪糕口味🍦更加多選擇, 本月推出新口味精選有:- 芝味瑞典肉丸批, 軟雪糕味道有3款, 港式奶茶、炭燒咖啡, 第三種口味就係將奶茶 + 咖啡再變成鴛鴦新地筒😄, 仲有將軟雪糕加配迷你雞蛋仔, 變成雪糕新地, 一樣有3 款選擇, 網羅幾樣大熱港人鍾意食物一齊😋, 夠曬港式地道風味✨️✨️🌈. Order 咗炭燒咖啡軟雪糕筒🍦& 芝味瑞典肉丸批, 軟雪糕並唔係好濃嘅咖啡味, 後來睇番餐牌內的相片, 炭燒咖啡軟雪糕是米白色, 而港式奶茶雪糕顏色反而就近咖啡色, 所以我唔知道是否店員俾錯咗味道😯, 但係如果真係畀錯咗奶茶味俾我, 食落去又不似奶茶味🙄........, anyway 食落軟雪糕都算不錯. 個芝味瑞典肉丸批, 外形好好🤩, 金黃色💛💛, 脹卜卜, 賣相已經好吸引; 批皮唔厚, 夠薄, 又做得好👍👍, 食落好鬆化😋😋 ; 饀料十足, 有蘑菇有肉碎同醬汁, 食落唔會太乾, 味道適中, 加上肉丸批 keep 住係熱熱哋, 食落去唔覺肥膩飽滯, 更加要加分👏✨️, 售價十蚊都唔使 , 只係 $9.9, 比起一般麵包烘焙店雞批平均都要 $13 以上, 真係好超值💯, 超推介呢個瑞典肉丸批 🤗, 啱曬行街行到攰或者下午 break 享用小食, chill 吓☺️, 嘆吓 😊. 印象中, Ikea 有冷凍的瑞典肉丸售賣, 唔知道呢個批是否用自家嘅瑞典肉丸造個餡料, 不過唔理咁多😊, 真係覺得好食, 要encore🎉, 臨走前買多個返屋企再享用 😆🩷😋😋☺️. P.S. 走嘅時候, 喺門口見到可愛 Ikea 啤啤熊 🐻💖 同小朋友打卡影相 📸 🔶️ 銅鑼灣告士打道310號柏寧酒店地 {{hket:campaign display="食飽過馬年"}}{{/hket:campaign}}
閱讀更多
-
打卡熱點
宜家家居 沙田店
IKEA餐廳隱藏菜單⁉️$36酥皮龍蝦湯
𝐈𝐊𝐄𝐀瑞典餐廳原來都有𝐇𝐢𝐝𝐝𝐞𝐧 𝐌𝐞𝐧𝐮⁉️小編現場發現枱枱都叫緊酥皮龍蝦湯,更只售$𝟑𝟔!馬上叫番碗睇睇有無伏! #ikea#龍蝦湯#酥皮龍蝦湯 ▻ 酥皮龍蝦湯 (𝗛𝗞𝗗𝟯𝟲) ★★★★☆ 酥皮超鬆化!湯頭既龍蝦味都幾出,不過就未去到超濃郁既龍蝦甘甜味｡飲飲下仲有兩三隻蝦肉,肉質結實無,$𝟑𝟔算好收貨啦! ▻ 薯格 (𝗛𝗞𝗗𝟭𝟲) 原有味道 ★★★★☆ 沾龍蝦湯 ★★★★★ 🄼🅅🄿 本身香脆厚實,都屬高分之作｡但沾埋龍蝦湯,立即上第二個𝐋𝐞𝐯𝐞𝐥!既保留原有黃金油炸香氣,食到一半會有龍蝦湯汁喺薯格入面爆發出來,令龍蝦湯鮮味更加立體‼️完全無諗過會咁夾,有驚喜🤩 ▻ 葡撻 (𝗛𝗞𝗗𝟵.𝟵) ★★★☆☆ 酥皮綿密香口,不過蛋漿唔夠香｡整體唔差但某快餐店牌子實在做得太出色,相形見絀｡價錢亦唔算好吸引,不過不失~ IKEA瑞典餐廳間唔中都會比到一啲驚喜,今次既龍蝦湯係值得令人回味既味道~目前收到消息沙田/荃灣店都有供應,數量有限,大家有興趣記得早啲去試喇‼️ 餐點 🌕🌕🌕🌕🌑 𝟒.𝟎 服務 🌕🌕🌕🌖🌑 𝟑.𝟕 環境 🌕🌕🌕🌖🌑 𝟑.𝟖 划算 🌕🌕🌕🌕🌑 𝟒.𝟎 📍瑞典餐廳|沙田鄉事會路𝟏𝟑𝟖號新城市中央廣場𝟓樓𝐈𝐊𝐄𝐀 #西餐#瑞典餐廳#打卡美食#UCreator#打卡
閱讀更多
-
貓
宜家家居 九龍灣店
IKEA巨型版瑞典肉丸 !
#貓貓日常#貓奴#主子#短毛貓#UCreator
閱讀更多
