中式甜品食譜｜中式糖水食譜｜正所謂人人都有個「甜品胃」，吃完晚飯最好就是吃碗糖水啦！不想外出吃都可以選擇在家中自己煮糖水，以下幾款簡單的中式甜品糖水食譜，夏天清熱消暑，秋冬滋潤養生，好味之餘還滋潤養生，一家大小都適合飲！這些簡易糖水食譜適合各位懶人製作，新手整都完全無問題！
中式糖水食譜 (按圖快睇食譜)
中式糖水食譜│1. 腐竹雞蛋糖水
中式糖水食譜│2. 蛋白杏仁茶
中式糖水食譜│3. 冰花馬蹄露
中式糖水食譜│4. 芒果西米露
中式糖水食譜│5. 鴛鴦蕃薯糖水
中式糖水食譜│6. 芝麻糊
中式糖水食譜│7. 冰糖燉雪梨
中式糖水食譜│8. 桃膠木瓜桂圓糖水
中式糖水食譜│1. 腐竹雞蛋糖水
最受歡迎的中式糖水食譜，當然會有腐竹雞蛋糖水啦，好味又易整！
4人以上份量
白果20粒、腐竹2塊、生薏米20克、熟薏米20克、雞蛋3隻、滾水800毫升、冰糖適量
腐竹雞蛋糖水做法
- 烚雞蛋，水滾後焗5分鐘
- 水滾後，加入白果、生薏米和熟薏米，用小火煮約30分鐘(處理白果時要去芯﹐否則食白果時會苦)
- 腐竹沖水後，用水稍稍浸軟。腐竹放入煲中，煮至爛開，加適量冰糖
中式糖水食譜│2. 蛋白杏仁茶
杏仁茶不但有美白去斑和排毒的功效，而且亦含豐富的抗氧化物質，絕對是養顏佳品呢！而最重要是製作十分簡單，適合各位又懶又愛美的人士！
2人份量
南杏100克、雞蛋2隻、米10克、水400ml、冰糖適量
蛋白杏仁茶做法
1. 先將南杏及白米浸泡4小時以上
2. 把南杏及白米放入攪拌機打成蓉
3. 然後再放到布袋中隔除雜質
4. 加入杏仁、冰糖和水 (也可用鮮奶代替)，中小火煮至冰糖完全溶解
5. 最後加入已打發好的蛋白即可
中式糖水食譜│3. 冰花馬蹄露
這款清甜解喝的中式糖水食譜──冰花馬蹄露，這個簡易糖水食譜做法並不複雜，味道清甜之餘，再配上爽口的馬蹄口感一流。
4人份量
馬蹄6粒、馬蹄粉3湯匙、雞蛋1隻、片糖／冰糖100克、水約1.5公升
冰花馬蹄露做法
1. 將馬蹄切去頭尾，去皮、切粒備用 (*可放入保鮮袋，再用刀背拍打更方便)
2. 馬蹄粉加入2湯匙水攪拌混合
3. 水滾後分次加入片糖、馬蹄煲約7分鐘，再加入馬蹄粉水，煲至杰身後一邊攪拌、一邊倒入蛋液即可 (*若水面出現泡沫，可以用匙羹撈起)
中式糖水食譜│4. 芒果西米露
這個新手入門中式糖水食譜──芒果西米露，不但食譜做法簡單，而且糖水食譜更參考了許留山招牌甜品芒椰奶西，大家在家都可以製作這款簡易芒果西米露，清甜芒果配香濃牛奶，小朋友最愛！
4人份量
芒果2個、西米100克、牛奶100毫升、椰汁200毫升、糖40克、水400毫升
芒果西米露做法
1. 中火煮熟西米約10分鐘，期間不停攪拌，關火後蓋上蓋子焗15分鐘，然後隔水過冷河
2. 芒果切粒，將部分芒果混合牛奶打成果蓉
3. 加熱水和糖，溶解後混合牛奶、椰汁、芒果蓉、西米
中式糖水食譜│5. 鴛鴦番薯糖水
用上兩種不同的番薯製作，口感和味道更豐富，番薯含豐富纖維、鉀質、葉酸、胡蘿蔔素，有助促進腸道蠕動，預防便秘。加入薑片，冬天飲用驅寒可暖胃，是養生健康之選。
番薯洗淨後大約煲20-30分鐘時間，就能食到好味的秋冬甜品！
4人份量
黃心蕃薯1個、紫心蕃薯2個、片糖1磚、薑2片、水600毫升
鴛鴦番薯糖水做法
1. 紫心番薯和黃心番薯削皮切塊，可先泡水備用以免變黑。
2. 加入水、番薯、薑和片糖，煮約20分鐘至番薯軟腍。
3. 放入片糖調味即可飲用。
中式糖水食譜│6. 芝麻糊
最傳統的中式糖水之一，芝麻糊營養價值高，不但可以護膚美髮，還能夠補血降血壓，鈣質更比牛奶高出4倍，有助減少骨質疏鬆，大家都快點試試整比家人飲啦！
＊芝麻屬堅果類，若對堅果類過敏者要小心注意。
2人份量
黑芝麻100克、白芝麻30克、白米20克、水約2碗、冰糖適量
芝麻糊做法
1. 浸泡白米約4小時以上
2. 用中慢火炒香白芝麻和黑芝麻，期間不停攪拌，見到芝麻開始彈跳和慢慢變色即可
3. 將芝麻、白米和水放入攪拌機，攪拌約1分鐘
4. 過篩備用
5. 將芝麻糊加熱混合冰糖
中式糖水食譜│7. 冰糖燉雪梨糖水
冰糖燉雪梨糖水是秋冬必飲滋潤糖水，有潤肺清熱、生津止渴功效，除外形精緻之餘，還有助舒緩氣管敏感、咳嗽等問題，特別適合秋天飲用！加上製作冰糖燉雪梨糖水也不難，各位女士可試試自己整！
4人份量
雪梨3個、杞子20粒、冰糖10克
冰糖燉雪梨做法
1. 先把杞子浸泡沖洗備用
2. 將雪梨去皮
3. 切掉上半部分，並去除雪梨芯
4. 將雪梨放入碗中固定，然後每個加入2粒冰糖、杞子，蓋上雪梨頂
5. 蒸煮大約1.5-2小時即可
中式糖水食譜│8. 桃膠木瓜桂圓糖水
另一款女士養生必飲養顏糖水，就是桃膠木瓜桂圓糖水。桃膠價錢平民化，而且亦有「平民燕窩」的稱號，含有大量纖維，可增加飽腹感有助減肥。加上木瓜和桂圓，可以潤上加潤，滋潤養顏，再混合椰漿，甜品美味又健康呀！
4人份量
木瓜半個、桃膠2湯匙、紅棗5粒、桂圓肉5粒、椰漿適量、冰糖適量、熱水500毫升
桃膠木瓜桂圓糖水做法
1. 桃膠浸發8小時，浸發好後挑走雜質後清洗乾淨
2. 紅棗和桂圓肉用水浸洗乾淨
3. 木瓜切小塊
4. 加入水，放入所有材料，煮約20分鐘
5. 最後倒入椰汁和冰糖
延伸閱讀
人氣食譜排名
-
食譜
冬日滋潤糖水 鮮奶燉花膠
最近買咗盒靚新花膠 急不及待整番個超滋潤糖水 鮮奶燉花膠!😍 我呢款花膠係免發 煮之前用水浸一浸就得 將花膠,紅棗,冰糖,薑同鮮奶倒入燉盅 我蒸左2小時😆😆 做灑其他野之後,就可以專心咁慢慢食😋😋 期待下次再用花膠整其他野食😆 #清潔神隊友#COOKwithUCreator#甜品食譜{{hket:campaign display="糕興過肥年"}}{{/hket:campaign}}#鮮奶燉花膠#花膠
閱讀更多
-
旅遊攻略
圓肉桂花糖水，暖心又暖胃！😋
我最鍾意食 圓肉桂花糖水 🌸🍯,入口清甜又帶著淡淡桂花香氣,圓肉軟糯香滑,咬落去仲有天然果香,滋味滿滿｡糖水甜而不膩,飲落去好舒服,仲有養生感覺 ✨｡ 每一口都係花香+果香+清甜的完美融合 😋,暖心又暖胃,特別適合同家人一齊慢慢享受 💖｡真係一款既傳統又幸福的甜品 👑🎉! #圓肉桂花糖水#圓肉糖水#桂花糖水{{hket:campaign display="生活一點甜"}}{{/hket:campaign}}
閱讀更多
-
食譜
香港
夏日消暑❄️杞子桂花糕！簡單易整😋快啲試！
想喺夏天嚟返件凍餅消暑? 今次分享杞子桂花糕食譜,材料簡單易搵,做法又快手｡ 所需材料: - 乾桂花 1湯匙 - 杞子 適量 - 冰糖 120g - 大菜絲 10g - 清水 1000ml https://youtu.be/pchOKHuDSQc?si=va4_X1LGzDJ590mp 步驟: 1. 杞子､大菜絲預先用水浸軟;備用｡ 2. 冰糖､大菜絲加入清水煲至完全溶解｡ 3. 水滾後轉中小火,落桂花同杞子煲多10分鐘,熄火｡ 4. 倒入糕盆,放涼再雪凍至凝固,切件就食得啦! 呢款桂花糕香氣怡人,啖啖滋味仲好健康~夏天必備甜品,快啲試下啦! ☆☆☆☆☆☆☆☆☆☆☆☆☆☆☆☆☆☆ 任何查詢,合作邀稿,活動等等可以聯絡: E-Mail ☆rimaklife@gmail.com 歡迎訂閲 ☆YouTube Cammy Kitchen Life Channel☆ www.youtube.com/c/CammyKitchenLife Blog ☆http://crklife.blogspot.hk FaceBook ☆https://www.facebook.com/Cammy.Kitchen.hk Instagram ☆https://www.instagram.com/cammygm ☆☆☆☆☆☆☆☆☆☆☆☆☆☆☆☆☆☆ (此文章由U Blog 同步發佈至社群)
閱讀更多
