2025素食餐廳推薦｜香港近年興起素食熱潮，不論你是素食者，還是偶意想茹素一天，香港有不少驚喜素食餐廳。今次小編推介超過10間特色素食餐廳，當中有素食點心、高級素食餐廳Fine Dining、素食廚師發辦、素食自助餐、素食下午茶、打卡Cafe及純素甜品，等你輕鬆「找素」！讓你重新感受素食菜除了填飽肚子之餘，更能讓你得到色香味俱全的享受。
港九新界素食餐廳2025｜逾10間香港素食推介
中式／港式素食推介
必食素食餐廳推介｜1.「龍門樓 - 志蓮素齋」志蓮凈苑齋菜館
「龍門樓 - 志蓮素齋」位於鑽石山南蓮園池內，隱藏於瀑布樹林之後，環境寧靜幽雅，裝潢充滿唐代建築風格。餐廳提供山家素菜，選用新鮮食材，以低油、低鹽、低糖、無味精、低膽固醇的健康烹調法炮製，主打食材包括當季蔬菜、水果、蘑菇和豆腐。必試菜式有賣相精緻的五福拼盤，一次過品嚐到餐廳招牌的紅菜頭沙律、醬燒菌、紫甘藍醋粉皮、風味碧玉及香麻海苔麵根。
龍門樓 - 志蓮素齋地址、電話及營業時間
地址：鑽石山鳳德道60號南蓮園池龍門樓
電話：3658 9388
營業時間︰星期一至五12:00 - 16:00、18:00 - 21:00；星期六至日12:00 - 17:00、18:00-21:00
必食素食餐廳推介｜2.「緻素坊」創意素食點心粵菜
「緻素坊」主打健康且無化學添加的中式素菜，當中素食點心是餐廳的焦點，包括筍尖蝦餃王、香菇燒賣、蘿蔔絲酥餅、甘筍鹹水角等。同時供應各種川粵菜式。必試的是「招牌秘製叉燒」，叉燒由小麥麵筋製成，以自家製素食叉燒醬醃製，再由多種茶葉煙熏而成，入口香甜多汁，跟傳統叉燒有過之而無不及。餐廳大多使用菇類代替肉類食材，例如「四川秘製水煮魚」是以手撕杏鮑菇來呈現魚的質感。
緻素坊地址、電話及營業時間
地址：尖沙咀廣東道120號海威商業中心7樓
電話：2366 3233/2366 0336
營業時間︰星期一至日11:00 - 15:30、18:00 - 22:00
西式素食推介
必食素食餐廳推介｜3.「OVO CAFE」清新庭園素食Café
「OVO CAFE」是一間以蛋奶素為主的西式素食餐廳 ，提供意粉、薄餅、沙律、全日早餐等一系列輕食。店內佈港鮮花植物，塑造一個恬靜舒適的小花園。餐廳採用了很多Super Food作食材，例如蕃茄、藜麥、紅菜頭等，超級健康。推介菜式包括由天貝攪碎後加入藜麥、麵粉和調味料的徐伯天貝薄餅，以梅菜流心蛋及番茄粒製成的梅菜薄餅，以及採用不含膽固醇素肉製成的日式吉列豬扒咖喱飯。
OVO CAFE地址、電話及營業時間
地址：香港灣仔道1號地下
電話：6511 4051
營業時間︰星期一至日11:30 - 21:30
日式素食推介
必食素食餐廳推介｜4.「居素屋日本野菜料理」罕見素食居酒屋
「居素屋日本野菜料理」是香港一間少見以素食為主的日本餐廳，選用日本進口的天然食材。餐廳亦有提供有不含蛋奶及五辛的餐點，非常窩心。午餐可以自選前菜跟主食，想食得豪華一點，更有素食廚師發辦可以選擇。必試的有素壽司拼盤，以新鮮蔬菜取代魚肉入饌。貌似吞拿魚的其實是紅燈籠椒，用雞脾菇模仿鰻魚，另還有廚房自創的紫芋蓉軍艦。素菜天婦羅及京都豆乳鍋也是店內招牌餐點。
居素屋日本野菜料理地址、電話及營業時間
地址：灣仔灣仔道83號9樓
電話：5500 8812
營業時間︰星期一至六12:00 - 15:00、18:00 - 23:00
多國素食推介
必食素食餐廳推介｜5.The Dutch House Restaurant 素食荷蘭館
香港知名餐廳The Dutch House於2025年9月推出全新素食限時套餐「荷蘭本源 · 蔬食絮語」，帶來正宗荷蘭蔬食料理新體驗，讓素食者及追求健康飲食的食客也能一嚐荷蘭蔬果的精髓。
荷蘭籍行政主廚Armand Chan匠心設計
這套四道菜素食套餐由擁有超過二十年經驗的荷蘭籍行政主廚Armand Chan獨家操刀。主廚深諳荷蘭飲食文化，他指出設計時的最大挑戰是如何在全素的框架下，忠實呈現荷蘭料理的質樸與清新風味。「我選擇回歸食材本身，以現代烹飪技巧放大番茄、馬鈴薯和菊苣籽的天然滋味，做到既熟悉又創新。」
精選時令蔬果創造七彩味覺饗宴
套餐精選多款荷蘭代表性蔬菜，包括原種番茄、馬鈴薯、芹菜根、松露野菌及菊苣籽等，融合了歐洲蘿蔔、婆羅門參、菊芋、蕪菁等多樣化蔬菜，營養豐富且風味獨特。每道菜皆精緻呈現，無論作為沙拉、湯品還是主食，都帶來層次豐富、口感清新之感。
前菜：荷蘭高達芝士酥皮
採用荷蘭國寶高達芝士，酥脆外皮搭配淡雅芝士鹹香，巧妙地以開胃小點迎接賓客。
第一道：荷蘭傳統番茄馬鈴薯沙拉
採用細膩綿密的荷蘭馬鈴薯，混合甜美的荷蘭原種番茄，再配以忌廉芝士、松子、豆瓣菜和白醋珍珠，味道清新怡人，彷如置身荷蘭陽光農場。
第二道：自家製新鮮傳統番茄濃湯
以荷蘭祖傳番茄製成絲滑濃湯，口感細膩濃郁，陽光氣息滿溢，完美展現原種番茄的甘甜與鮮美。
第三道：森林松露野菌菊苣籽義大利麵
以彈牙的菊苣籽替代傳統麵條，搭配香濃的野菌黑松露醬，配合烤婆羅門參與脆薯絲，香氣撲鼻且口感多層次，令人回味無窮。
壓軸主菜：烤荷蘭芹菜根配沙嗲花生醬
荷蘭芹菜根經慢煮或烘烤後香甜軟糯，搭配濃厚沙嗲花生醬與松露馬鈴薯脆炸球，帶來創意與傳統完美交融的味蕾享受。
The Dutch House 地址、電話及營業時間
地址：尖沙咀廣東道116-120號海威商業中心16樓
營業時間︰星期一至六12:00 - 15:00 / 18:00 - 23:00
必食素食餐廳推介｜6.「Yau Veggie Bistro」歐陸素食小餐館
「Yau Veggie Bistro」主打法式素食，室內裝潢格調優雅，深受一眾文青歡迎。所有菜式都可以走五辛，提供純素選擇，看得出主廚的心思。招牌菜式有卡蘇萊砂鍋、洛林鹹批及多菲內焗薯千層等，而必試的一定是香煎鵝肝配焦糖蘋果。素鵝肝由菇、堅果、果仁及綠豆製成，吃下去幼滑的口感與真鵝肝十分相似。最後以賣相精緻的法式焦糖燉蛋及檸檬撻作甜品，為素食美宴畫上完美的句號。
Yau Veggie Bistro 地址、電話及營業時間
地址：荃灣白田壩街45號南豐紗廠1樓118號舖
電話：6899 0989
營業時間︰星期一至日12:00 - 22:00
必食素食餐廳推介｜7.「VEDA」酒店級素食餐廳
「VEDA」是香港首家由國際酒店集團設立的全素餐廳，佔地兩層高，裝潢以時尚風格為主，二樓用餐空間由落地大玻璃包圍，環境相當舒適愜意。餐廳主打Fusion而且健康的素食菜式，包括純素及無麩質的素菜。菜式偏向中東風，但味道不會太濃烈，必試的菜式有印度椰菜花馬鈴薯咖哩及尼泊爾乳清芝士菠菜饃。餐廳同時提供多款Cocktail 選擇，打破素食餐廳單調乏味的刻板印象。
VEDA地址、電話及營業時間
地址：灣仔港灣道2號香港藝術中心6樓
電話：3755 3067
營業時間︰星期一及日07:00 - 16:00；星期二至六07:00 - 22:00
素食自助餐推介
必食素食餐廳推介｜8.「無肉食」人氣素食自助餐
「無肉食」提供親民價的素食自助餐，最平午餐89蚊就有交易，可以任食約50款冷盤、熟食、點心、湯水、甜品等。中日西式、煎炸炒煮通通都有，絕對能滿足到大人與小朋友的不同口味。別以為素食都是淡味餸菜，冷盤有麻辣香口涼伴小食，熱盤熟食有招牌巨招拔絲、素食Pizza、素韓式炸雞等，當然不少得住家小菜及靚湯。自助餐食物均會列明屬蛋奶素或純素，方便不同的素食者選擇。
無肉食（旺角）地址、電話及營業時間
地址：旺角洗衣街88號2樓
電話：2889 2938
營業時間︰星期一至日11:30 - 15:30、18:00 - 22:00
素食Cafe推介
必食素食餐廳推介｜9.「素年」簡約文青風素食Café
「素年」裝修走日系簡約風，菜式有齊日式及西式選擇，例如和洋定食、意粉、漢堡等。部分蛋奶素菜式更可以轉為全素或走五辛，非常貼心！招牌日式定食有齊麵豉湯、什錦配菜、日本讚岐烏冬同甜品，非常豐盛。配菜和甜品會不定期更換款式，令客人保持新鮮感。餐廳另一主打Impossible Meat植物牛肉漢堡包，配搭火箭菜、車打芝士和洋蔥，口感比一般漢堡扒有過之而無不及，絕對是飽肚之選。
素年（深水埗）地址、電話及營業時間
地址：深水埗福華街191-199號福隆大廈地下1號舖
電話：6338 3719
營業時間︰星期一至日12:00 - 22:00
必食素食餐廳推介｜10.「毛所樹樹」緬因貓主題素食Café
「毛所樹樹」是全港唯一結合緬因貓及素食元素的餐廳。餐廳佔走暖和文青風家庭式裝潢，空間和諧寬敞。8 隻親人乖巧的緬因貓店主會陪伴客人共進素食。餐廳推出多款創新素食及餐飲，純素、蛋奶素、走五辛全部滿足到。重點推介川味新豬肉坦坦醬鮮茄意粉，採用四川乾鍋形式烹調，味道麻辣醒胃。而有西式餐點－香煎素三文魚扒拌法式檸檬牛油汁，與真的三文魚幾可亂真。
毛所樹樹地址、電話及營業時間
地址：長沙灣青山道124-126號Spark City地舖
電話：6031 8628
營業時間︰星期一至日11:30 - 21:30
純素烘焙推介
必食素食餐廳推介｜11.「Maya Bakery & Bar」香港首家手工純素烘焙店
「Maya Bakery & Bar」是健康蛋糕店「The Cakery」的姐妹店，主打手工純素烘焙，以天然材料製作出高質的麵包糕點，招牌推介包括純素蛋撻、班蘭菠蘿包、開心果牛角包及紫薯麻糬曲奇。另外亦有一系列自家製發酵芝士的酸種多士、bagel、純素鹹批等，配搭多款咖啡或健康飲品，非常好適合早餐或者下午茶享用。最近餐廳更全新推出開心果飲品系列，例如人氣開心果拿鐵。
Maya Bakery & Bar地址、電話及營業時間
地址：鰂魚涌英皇道979號太古坊電訊盈科中心地下4號舖
電話：6695 9656
營業時間︰星期一至五08:00 - 18:00；星期六10:00 - 18:00
圖片來源：香港會議及展覽拓展部、FB@Veggie Kingdom、FB@OVOCafe、FB@JAJA、小紅書＠Banana Wednesday、小紅書＠Jessica ♥ Vegan、FB@Yau Veggie Bistro、FB＠VEDA、FB@無肉食 ahimsa buffet、FB@YEARS HK、FB@MAYA Bakery & Bar
人氣餐廳排名
-
健康
#frostie灣仔之旅 #frostie素食之旅 ✅ #ovocafe 📍美食探險👉 @frostiewithfood - 🔥灣仔園藝植物素食餐廳🔥 好耐冇食過OVO！今日同朋友走咗去灣仔，到咗午市時間就去咗呢間素食餐廳度醫肚啦 水牛芝士沙律碗 $98 呢款沙律碗份量十足，表面鋪上水牛芝士，底下全部都係沙律菜，亦都已經預先淋上咗醬汁，當然唔夠嘅話仲可以再加附上嘅油醋汁，柔軟既水牛芝士，加上大量沙律菜，口感清爽 麻醬雞絲粉皮 $78 雞絲粉皮表面加咗青瓜絲，並淋上濃厚嘅麻醬，而雞絲口感真係好似雞肉，加埋晶瑩剔透嘅粉皮，食落好爽口 純素全日早餐 $162 呢款全日早餐材料有純素芝士粟米大啡菇、鹽酥素雞脾、意式香草麵包、鮮果盤、蕃茄、芒果沙律，原本有個紅豆抹茶麻薯，但係改咗做椰汁西米露。最鍾意入面既鹽酥素雞脾同意式香草麵包，前者用咗素雞嚟整，後者咀嚼會有淡淡既麵包香味 套餐加錢叫咗火龍果香蕉燕麥奶，顏色係火龍果紅，但係飲落去就係香蕉嘅味明顯啲，好健康既一杯飲料 全日早餐 $162 同純素全日早餐唔同，呢款嘅全日早餐包含蛋奶素，包括有impossible meat漢堡扒、紫薯甘栗餅、焗大啡菇、蕃茄、炒滑蛋、露筍、牛角窩夫、芒果沙律，impossible meat漢堡扒真係必食item，雖然知道佢係素食，但係口感真係好似漢堡扒 跟餐加錢叫咗熱紅糖薑棗茶，薑棗茶暖暖地帶微甜，好養生 - 分數：4/5 - 🏠 @ovocafehk - #foodie #foodiehk #hkfoodie #foodphotography #food #foodiegram #foodblogger #foodpics #foodoftheday #fotdhk #hongkongfood #香港美食 #食評 #yummy #wanchai #wanchaifood #灣仔 #灣仔美食 #素食 #vegan #veganfood #純素 #蛋奶素 #園藝 #horticulture #cypress #健康每一天
閱讀更多
-
西式美食
vegmind
西灣河素食推介！必食招牌煲仔飯😋
西灣河嘅vegmind主打西式素食，食物有蛋奶同五辛，餐牌上有標示素食類別，點餐系統上部分食物可以揀走蛋奶或走五辛。我哋係星期六嘅下午1:45左右去到，人唔算多，店員比咗梳化位我哋坐。 小食拼盤 (有奶) ($108) 雞肉串燒、薯寶、南瓜餅、牛油果天婦羅 南瓜餅幾好食，外面嘅炸粉唔會好厚、外脆內軟。雞肉串燒等於veggie4love嘅沙嗲串燒，用大豆纖維整成嘅素肉，附上沙嗲醬。薯波味道比較鹹。 以下食品跟餐包含湯、沙律、豆腐、麵包，仲可以將飲品變跟餐價錢: 當日嘅餐湯係西蘭花湯，飲落好creamy、好香西蘭花味。沙律本身落咗醋，食落酸酸哋，仲加咗紅腰豆。麵包好軟熟，似麥包嘅味道。豆腐應該係百葉豆腐，口感似素魚腐咁爽口。 超級能量碗 (純素) (跟餐: $108) 材料有沙律菜、牛油果、粟米、車厘茄、藜麥、黑豆、紅菜頭，表面放咗一片小麥包。 自家制素肉醬手工意粉 (有奶) (跟餐: $88) 素肉醬有羅宋湯嘅番茄味，感覺比較天然，我鍾意佢味道唔會好濃，素肉醬嘅配料有甘筍同西芹粒。意粉入面仲加咗車厘茄同冬菇。 素黯然銷魂煲仔飯 (可走蛋奶、五辛) (跟餐: $138) 煲仔飯係呢到嘅招牌菜。黯然銷魂飯用猴頭菇扮叉燒，外表染咗少少紅色，味道鹹得嚟帶有少少甜味。飯底用上意大利米，有牛油嘅香味，唔使落豉油已經好夠味。 雜莓蜜桃水果茶 (跟餐: $38) 青葡萄菠蘿水果茶 (跟餐: $38) 熱檸檬水 (跟餐: $10) #西餐廳 #UCreator #打卡美食 #港島美食 #CAFE #Foodie#好去處 #香港美食 #相機食先 #素食 #素食餐廳 #香港素食 #港玩港食 #cafe
閱讀更多
-
打卡熱點
位於尖沙咀麼地道的「慈素小聚」，係一間選擇多元化的素食餐廳🍴供應中、西、日口味的素菜，菜式精緻富創意。裝修採用繽紛的色系，予人清新、年輕的感覺，為食客帶來新的素食體驗👍💯 ✨食物方面： ⭐北京片皮鴨 呢個係招牌菜，的確做得唔錯。口感同賣相都幾可亂真。醬汁同配料都跟足，味道同口感都好豐富，完全係誠意之作 ⭐素食點心 (燒賣、牛肉球、珍珠雞) 點心水準超乎預期。燒賣食落有咬口，牛肉球嘅質感模仿得幾好，彈牙。珍珠雞入邊有很多冬菇及栗子，超級香又好食。仲即叫即制🤓。 ⭐素食串燒配秘製沙嗲醬 素食串燒，真系有驚喜！用牛蒡同猴頭菇做嘅"肉丸"，口感居然做到好似真肉丸咁彈牙，完全唔覺係食緊素。最正係個秘制沙嗲醬，香濃惹味，帶少少花生香，但又唔會太膩，同串燒出奇地夾🔥。 重點想讚嘅係個甜品🤩！ 紐約芝士蛋糕 呢個真心有驚喜💖！ 雖然冇蛋，但係食落芝士味濃郁，完全唔似傳統齋舖啲甜品。最正係藍莓醬，唔係死甜嗰種，食到有粒粒藍莓果肉，酸酸地，正好平衡返芝士蛋糕嘅濃郁感，搭得非常好👍。我覺得可以特登過嚟食呢個芝士蛋糕🤭。 環境服務： 地方乾淨光猛，坐得幾舒服。服務員態度好。 總結： 整體味道好，製作認真。餐牌清楚列明該食物有沒有奶，非常細心。 無論係素食者想換下口味，定係想帶食肉朋友試下素食，呢度都係一個好選擇⭐⭐。 #解鎖無痛美白針奇蹟
閱讀更多
