聖誕大餐｜聖誕餐廳｜生日餐廳｜尖沙咀Omakase「霜瀛」推出了冬季限定晚市「霜」套餐，提供一系列特色前菜、刺身、壽司及料理，當中包括3款日本生蠔、煙燻鰹魚、魚子醬鮟鱇魚肝、鱈魚白子、馬糞海膽杯、慢煮肝醬鮑魚等，非常豐富！套餐還可無限追加壽司，設有第2位及第3位半價優惠，喜歡日本料理的朋友不妨去這間餐廳食聖誕大餐或慶祝生日啦～
前菜方面，首先有「先付三品」，包括日本湯葉、蟹膏豆腐及醬油煮花螺；櫻花蝦蒸蛋，食落口感嫩滑，帶有微微鹹香。
日本直送生蠔共3款，每款都非常肥美新鮮，分別有黃金武士真蠔，配上酸啫喱、青蔥及蘿蔔，味道清新；北海道厚岸真蠔，配上柚子啫喱及海葡萄，口感層次豐富；室津真蠔，配搭已調味的三文魚子，非常鮮甜！
時令刺身共6款，當中包括口感creamy的鱈魚白子、魚子醬鮟鱇魚肝、煙燻火炙鰹魚、北寄貝、赤貝及甘蝦。甘蝦刺身伴魚子醬、紫蘇花及蝦油，食落蝦味香濃！
煙燻火炙鰹魚由師傅即場火炙，再燃點起櫻花木，讓鰹魚被燻上一種香氣，鰹魚自身的油香再塗上海苔醬及食用金箔，味道層次豐富，打卡一流！
季節料理有慢煮肝醬鮑魚，鮑魚咬落彈性十足，配搭鮑魚肝醬更添惹味。
廚師發辦手握壽司共10款，包括淡雪塩拖羅壽司、魚子醬赤蝦壽司、青檸帆立貝壽司、烏魚籽銀鱈魚壽司、白松露醬深海池魚壽司、黑松露醬魴弗魚壽司、柚子胡椒蜜柑鯛壽司、山葵漬鰤魚壽司、芥末籽梭子壽司以及北海道馬糞海膽杯。9點半前更可以無限追加壽司 (*海膽除外)！
人氣北海道馬糞海膽杯噴上了黃金食用金粉，色澤鮮艷，矜貴奢華！
湯品方面，提供舞茸菇清湯，舞茸菇的香味與清湯完美融合，入面還加入了蔥和口感非常獨特的蓴菜，整體味道清甜，飲落暖胃暖身。
甜品方面，有赤肉蜜瓜配雪糕，雪糕球提供多款口味選擇，推介開心果味雪糕，食落香濃之餘還有粒粒果仁碎，非常足料！另外生日慶祝的話，更可升級生日甜品拼盤加煙花蠟燭，有齊赤肉蜜瓜、泡芙、蛋卷、千層蛋糕及糯米糍等甜品。
<<所有空運魚料及食材由日本直運, 會跟隨季節而有所變動。>>
冬季限定晚市「霜」套餐價錢：
霜瀛 Shimoumi Sushi
地址：尖沙咀金馬倫道33號The Cameron 1樓102號舖
電話：31888007
營業時間：星期一至日12:00 - 14:30｜18:00 - 22:00
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
同場加映：【簡易廚房】最新影片
飲食熱話
內容標籤
-
日式料理
遖 Sushi Apare
尖沙咀Omakase🤩！香箱蟹🦀！
每次食廚師發板都可以體驗到師傅對食材嘅心思,由選料到味道,都一絲不苟,喺尖沙咀嘅｢遖｣都唔例外,每道菜式都令人驚艷,$1680有20道菜都算公道,最重要係有成隻香箱蟹食😍 ————————— 先付:京都豆皮配赤海膽,豆味濃郁加埋鮮甜creamy嘅海膽,口感豐富到不得了!櫻煮八爪魚爽口彈牙,點埋少少柚子胡椒,清新得嚟又開胃 ————————— 刺身:北海道厚岸真蠔,肥美多汁唔使講啦,加埋高湯啫喱,個鮮味即刻double咗!北海道白象拔蚌&粒貝,本身爽脆到冇得輸,加少少柚子鹽同竹炭鹽,味道層次即刻出晒嚟,仲有燒象拔蚌邊微焦香口,成個組合好精彩,剝皮魚肉質好細緻,配埋個芽蒽肝醬真係幾有驚喜,濃郁得嚟又唔會蓋過魚味 ————————— 熟食:煎白子,外皮微焦,裡面creamy,味道香濃又完全唔腥,超好食;慢煮鮟鱇魚肝, 入口即溶,配埋白瓜同奈良漬,清甜爽口,平衡咗魚肝嘅濃郁,呢個配搭真係好有心思;磯煮鮑魚,煮到啱啱好彈牙有嚼勁,點埋佢個肝醬真係香到呢,好惹味————————— 最期待嘅 香箱蟹登場!蟹膏鮮甜到爆,配埋酸酸地嘅蟹醋啫喱平衡口感,仲有炸到脆卜卜嘅澤蟹仔,真係好滿足! ————————— 壽司有7款,自己比較鍾意赤海膽拼馬糞海膽,赤海膽creamy鮮甜,馬糞海膽就濃郁啲,兩種海膽口感同味道都好豐富;大拖羅,一放入口就溶晒,魚脂香濃到爆! #日本菜#OMAKASE#社群生日快樂#xmasmoments
閱讀更多
-
日式料理
尖沙咀
人均$288 起尖沙咀Omakase ，好奢華🍣🍤😍
享受一頓性價比高的奢華Omakase 午餐。 🥢先付： 黑煮蜜豆，小女魚レシピ脆卜卜。 百合柑桔，白飯魚乾 燒刺身帶子，金菇漬。 第一道前菜🥹已經好驚喜，選食材新鮮，擺盤很用心，帶子鮮甜。 🦀刺身四款： 真鯛魚卷甜蝦，魚子醬 鱈魚白子，炙燒的鱈魚白子好香口，中和油膩感。 象拔蚌刺身，柚子皮 北海道海膽毛蟹肉 🍜A4 和牛葛粉絲，大大塊A4 和牛，葛粉絲口感十足，吸收湯汁，😋一細碗，份量剛剛好。 🍣壽司 帆立貝壽司 小白蝦，清甜細滑口感 絲魚，👍🏻7 日熟成做法，柚子胡椒中和油膩感。 地金木鯛，靜崗出產的濃厚的魚香。 中拖羅，無得輸😋 海膽 （短片中，疊高高的肥美海膽灑上淡雪鹽，噴上金箔，好有高級感😍 蜆肉湯，蜆肉好肥美的清湯，好暖胃。 甜品 好驚喜的🤤提子啫喱，日本直送哈蜜瓜 每日新鮮到港的食材，用心設計的菜式，整個菜單夠飽又滿足。尖沙咀地鐵站旁邊，地理位置便利，十分推介⭐️。 . #ucreator#打卡美食 #日本菜 #壽司 #刺身 #拉麵 #OMAKASE #日本 #踏入kooza奇幻之旅 #尖沙咀美食
閱讀更多
-
日式料理
$498/位 灣仔高性價比Omakase🍣
灣仔謝菲道嘅彩羽壽司，午市Omakase只需$498，包括沙律、茶碗蒸、4款刺身、8貫壽司、手卷、玉子燒、味噌湯同甜品，份量十足！🍣 師傅全程席前製作，刀功同火炙煙燻技巧一流，食材新鮮時令，好似鮟鱇魚肝泡芙同大分縣生蠔配黑松露酸汁超驚喜！👍🏻 加$125可追加招牌彩羽太卷，北海道根室海膽配吞拿魚、白石青瓜同醬油漬蛋黃，味道濃郁層次豐富。😍 甜品可加$48換日本天然水刨冰，綿密口感配巨峰提子醬同奶蓋，完美ending！😋 彩羽壽司 地址：灣仔謝斐道151-161號金聲大廈地下A號舖 #日本菜#OMAKASE #彩羽壽司#灣仔美食#香港美食#廚師發辦#OmakaseHK#HKFoodie#香港日本菜#性價比高#SushiLover#週末好去處#香港探店#打卡美食#彩羽太卷#日本料理
閱讀更多
