千両春日限定刺身盛壽司登場 櫻鯛／海膽泡沫壽司／黑松露鵝肝燒蠔

karenleung22223

日式料理

滿屋日本料理 (大埔)

♥️滿屋日本料理（大埔) 餐廳如其名，好多日本嘢食🍣，刺身、壽司、手卷嘅種類都比較多，例如有左口魚裙邊壽司、鵝肝壽司、海膽手卷，刺身亦都有：劍魚腩、赤貝、帶子、油甘魚、泰式鮑魚（真係好泰式，用咗酸辣醬汁，個人嚟講麻麻哋），整體質素都好新鮮，三文魚刺身亦都好肥美☺️亦都有拖羅蓉魚子醬帶子杯🥂拖羅蓉都好新鮮，好味👍🏻不過可惜去到嘅時候生蠔貝已經冇晒🥲 熟食方面，好驚喜有麻辣小龍蝦，本人第一次食小龍蝦，比想像中容易剝殼，輕易將蝦肉脫殼，小小麻，幾惹味！另外亦都有紅咖喱軟殼蟹，雖然要等啲時間，但係值得，有完整一隻軟殼蟹，加上紅咖喱，好夾，如果有埋手抓餅就好啦～ 甜品種類雖然唔算多，但雪糕櫃都有啲貴價嘅雪糕🍦而且唔止一款口味，有Häagen-Dazs、movenpick，同埋呢個季節好興嘅榴槤甜品 而且自助吧除咗有平時嘅中華沙律、八爪魚等普通涼拌小食之外，竟然有涼拌魚皮同醉雞卷，本人超鍾意食醉雞，所以覺得勁開心勁滿足😃 #啖啖番茄蓉

U Food

日式料理

千両20周年🍣 第三彈！20款極上限定壽司登場！🤤

🍣千兩推出20周年職人祭第3️⃣彈,推出20款極上限定壽司,例如松露葉伴蟹膏､中吞拿魚腩配飄雪鵝肝､活北寄貝配淡雪鹽等,真係超級超級好食😍 ✨ 炙燒A4和牛配淡雪鹽($42/件) 以壽喜燒汁炙燒,用淡雪鹽提味更突顯和牛嘅濃香 ✨千両壽司($58/件) 以馬糞海膽配上吞拿魚蓉,口感絲滑同時帶有鹹鮮味 ✨贅沢海膽吞拿魚腩手卷($68/件) 酥脆紫菜中夾上烘烤魚乾､海膽､吞拿魚腩同三文魚籽,香脆口感又有淡淡鹹香 供應日期:即日至6月29號 詳情:https://ulapp.hk/vy9oh #日本菜#刺身#壽司#千両#限定壽司#職人祭

寶妮周圍遊

日式料理

鮨燐 (上環)

上環壽司盛宴！隱藏小店超正🤤🍣

今晚同幾個朋友去咗上環一間隱藏喺小巷入面嘅Omakase壽司店,氣氛好寧靜優雅,我地叫左個dinner set: 有前菜,刺身,和食,壽司,湯同埋甜品｡ 《前菜》 鰻魚配高湯玉子,汁濃甜美,高湯玉子暖笠笠好舒服,跟住有清爽嘅大根,脆口解膩;然後係粟子蓉配米紙,口感豐富好有層次,啱哂秋冬嘅季節食 《刺身》 鹿兒島石垣鯛,魚肉緊緻彈牙,甜味好自然 兵庫縣赤穗蠔,鮮甜多汁,帶海水嘅鹹香,超級新鮮 北海道銀雪魚bb配麵豉醋汁,油脂豐富,汁醬提味得剛好,酸甜平衡好正 長崎縣細池魚tataki,食落好新鮮,同埋超脆口嘅紫菜,好match 北海道響螺同象拔蚌,響螺彈牙有嚼勁,象拔爽脆鮮甜,兩款都係極品海鮮,簡單處理就突出原味｡ 三種 Toro 刺身,有齊大拖羅,中拖羅同埋赤身,大拖羅係炙燒過,油花融化喺口裡,用紫菜包住三種toro同埋紫蘇,芥末同蔥花,肥美得嚟唔膩,絕對係亮點! 《壽司》 九州深海池魚,上面輕掃麵豉醬,魚肉甘香濃郁 北海道噴火灣扇貝,甜美多汁,入口好鮮 靜岡縣金目鯛,帶少少蔥香,清新又富層次 鰤魚,魚肉細膩,配埋柚子胡椒醬令味道更提升 北海道黃馬糞海膽,橙黃色澤誘人,入口即溶,甘甜濃郁,簡直係海膽界嘅王者 生鯖魚壽司,鯖魚處理得好好,唔腥反而鮮香,飯粒鬆軟有醋香｡ 《湯》 清湯入面有舞茸菇同日本大蜆,菇香濃郁,蜆肉肥美多汁,湯汁鮮甜,暖胃又滿足｡ 《甜品》 抹茶牛奶布甸,抹茶味濃而不苦,牛奶滑溜,完美收尾,唔會太甜剛好解膩｡ 整餐下來,每道菜都係主廚用心選材同搭配,食材新鮮得嚟又季節感十足,份量又啱啱好,食完超滿足! 鮨燐 (上環) 上環蘇杭街126-128號地下D號舖 #上環壽司店#刺身#壽司#日本菜#壽司#OMAKASE