韓式炒粉絲食譜！新手零失敗風味韓式料理

祐玩～祐食～歎世界

食譜

韓式炒粉絲

好耐冇整,老公大讚記錄一下份量及做法 韓式炒粉絲(잡채/Japchae) 材料(2–3人份) 韓國番薯粉絲(당면)200g 豬肉薄片 150g 洋蔥 半個 紅蘿蔔 半條 三色椒 適量(可用菠菜代替) 冬菇 5隻 雞蛋 1隻 蒜蓉 2瓣 白芝麻 適量 調味料 日本醤油 3湯匙 砂糖 1.5湯匙 麻油 1.5湯匙 味醂 1湯匙 黑胡椒 少許 水 2湯匙 做法 ① 準備材料 將洋蔥､紅蘿蔔､三色椒切絲,冬菇切片,豬肉薄片切成適合入口嘅大小｡ 雞蛋打散,煎成薄蛋皮,放涼後切絲備用｡ ② 煮韓國番薯粉絲 煲滾一鍋水,放入韓國番薯粉絲,按照包裝指示煮約6–8分鐘,直到粉絲變透明､口感煙韌｡ 撈起瀝乾水分,用剪刀剪成適合入口嘅長度,加入少量麻油拌勻,避免黏埋一齊｡ ③ 混合調味醬汁 將日本醤油､砂糖､麻油､味醂､黑胡椒同水全部混合,攪拌至砂糖溶解,備用｡ ④ 炒豬肉 燒熱平底鑊,加入少量油及一半蒜蓉｡ 放入豬肉薄片炒至完全熟透,盛起備用｡ ⑤ 炒蔬菜 同一隻鑊加入少量油,放入剩餘蒜蓉､洋蔥､紅蘿蔔及冬菇,炒約2–3分鐘｡ 加入三色椒,再炒約1–2分鐘,直到蔬菜熟透但仍保留少少爽脆口感｡ ⑥ 加入粉絲及調味 將煮好嘅粉絲同豬肉放返入鑊｡ 先倒入約八成調味醬汁,用中火翻炒2–3分鐘,令粉絲均勻吸收醬汁｡ 試味後,再按需要加入剩餘醬汁｡ 如果粉絲太乾,可以逐少加入1–2湯匙水｡ ⑦ 加入蛋絲及白芝麻 熄火後加入蛋絲,輕輕拌勻｡ 最後灑上白芝麻,即可上碟｡ 小貼士 粉絲唔好煮得太腍,因為之後仲需要落鑊炒｡ 三色椒最後先落,可以保持顏色鮮艷同爽脆口感｡ 如果改用菠菜,先灼熟､擠乾水分,最後同蛋絲一齊加入｡ 麻油香味:可以預留少量麻油喺熄火後先加入,香味會更突出｡ 想味道冇咁甜,砂糖可以由1.5湯匙減至1湯匙｡ #自家煮#韓式炒粉絲

CR Kitchen Life

食譜

夏日解暑必食！超簡單涼拌海帶食譜，3分鐘懶人版🌊🥗

天氣愈嚟愈熱,成日都唔想開爐煮嘢食?今日介紹嘅｢涼拌海帶｣真係救星!呢款小菜唔只做法簡單零難度,仲要低卡､超健康,最啱放工放學返到屋企即刻食返碟清新開胃菜~海帶爽口彈牙､冇腥味,仲可以自由發揮配料,鍾意重口味加埋辣椒都得! 材料 海帶 30g 蒜 3瓣 辣椒 1/2支 調味料 糖 2湯匙 白醋 1湯匙 麻油 2湯匙 醬油 2湯匙 做法 1､海帶洗淨切小段備用｡ 2､蒜及辣椒洗淨切碎備用｡ 3､將所有調味料與蒜及辣椒拌勻成調味醬備用｡ 4､水煮滾後,放入海帶再煮15秒,將海帶絲撈起瀝乾與調味醬拌勻,即可食用｡ (放雪櫃隔晚吃會更好味) TIPS:想更入味可以雪多一陣,或者加啲青瓜絲､紅蘿蔔絲打卡更正! 呢個涼拌海帶真係一試愛上,自己加料創作仲得意~試一試今晚整返碟,夏天都變得輕鬆愉快啦!你又會點配搭屬於自己嘅夏日清新小菜? ☆☆☆☆☆☆☆☆☆☆☆☆☆☆☆☆☆☆ 任何查詢,合作邀稿,活動等等可以聯絡: ✉️E-Mail ☆rimaklife@gmail.com 👇🏻歡迎訂閲👇🏻 ☆YouTube Cammy Kitchen Life Channel☆ www.youtube.com/c/CammyKitchenLife 📌Blog ☆http://crklife.blogspot.hk 📌FaceBook ☆https://www.facebook.com/Cammy.Kitchen.hk 📌Instagram ☆https://www.instagram.com/cammygm ☆☆☆☆☆☆☆☆☆☆☆☆☆☆☆☆☆☆ #涼拌 #餐前小食 #涼拌海帶 (此文章由U Blog 同步發佈至社群)

Ngchesney

打卡熱點

辣豬肉石頭鍋飯 #相機食先