荃灣泰興餅店$15熱香餅漢堡！出爐時間限購量　同場$1蛋撻／即沖港式奶茶

荃灣美食熱香餅漢堡｜日本麥當勞大熱McGriddles是港人遊日必食早餐之一，近日荃灣泰興餅店以親民價$15推出熱香餅漢堡，吸引不少人大排長龍。餅店另有售賣各款傳統及新式麵包，更有$1蛋撻優惠，大家經過不妨試試～

• ▶立即下載U Lifestyle App： https://onelink.to/ulapp2

《UFood》記者早前親自到荃灣泰興餅店採訪，直擊熱香餅漢堡製作過程。即刻睇片：

↓點擊圖片放大↓

+9

+8

荃灣泰興餅店 $15熱香餅漢堡

荃灣「泰興餅店」推出爆紅熱香餅漢堡（$15），每份新鮮即製，熱香餅厚身鬆軟，帶有楓糖漿甜味，夾住的豬柳蛋煎到燶邊，趁熱食芝士半溶更好食，確實還原到McGriddles 八成味道，重點是性價比超高！熱香餅漢堡岀爐時間為星期一至五中午12:30，星期六至日為下午2:00。因反應熱烈，每人限購2個，並只限海壩街店供應，想試的朋友要mark實時間和地點啦！

↓點擊圖片放大↓

+5

+4

荃灣泰興餅店懷舊美食

餅店的另一招牌是懷舊忌廉筒（$8），忌廉筒外層非常鬆化及香脆，咬下去為酥皮口感。內裡擠滿鮮奶油，份量十足，忌廉入口順滑。由於全人工手作，每日限量發售200件。

↓點擊圖片放大↓

+2

餅店亦提供其他平靚正的港式麵包，包括只售$3.5的傳統菠蘿包及雞尾包，亦有新式麵包，如近期大熱的開心果菠蘿包、法式布丁包、麻糬波波、紫薯麻糬包、黑芝麻醬包等等。

↓點擊圖片放大↓

+5

+4

店內更設有茶水吧，主打以傳統茶餐廳手法沖製的港式奶茶及港式咖啡，日銷400杯。港式奶茶（$13）用上5款茶葉手沖，品嚐到茶香奶滑，大家不妨叫一杯配搭麵包或撻類。

↓點擊圖片放大↓

+4

+3

祈德尊新邨分店更推出$1迷你蛋撻優惠，每人限購6個。蛋撻size比普通蛋撻份量少一半左右，但依然是新鮮出爐熱辣辣超搶手！迷你牛油皮蛋撻做到皮薄鬆化，蛋漿亦夠軟滑濃郁。

↓點擊圖片放大↓

+3

+2

👇泰興餅店 分店地址：

↓點擊圖片放大↓

荃灣泰興熱香餅漢堡每日出爐時間

荃灣泰興熱香餅漢堡出爐時間：星期一至五下午12時30分，星期六日及公眾假期下午2時，即叫即做。

泰興熱香餅漢堡價錢 每人限購2個

熱香餅漢堡價錢每個$15，每人限買2個，出爐後不久便告售罄及截人龍。

荃灣泰興餅店 地址交通

地址：荃灣海壩街50號地下3號

交通：乘巴士及小巴前往，也可以由港鐵荃灣站 A3 出口步行約10分鐘到達。

網民親身實試熱香餅漢堡@ULifestyle社群

ULifestyle 社群有不少網友分享親身到荃灣泰興餅店排隊購買熱香餅漢堡，紛紛大讚好味！價錢實惠兼cp值高。平日1:30pm也排了1小時15分鐘。新鮮即製熱辣辣，跟日本麥當勞McGriddles八成相似。星期六、日只出400個。熱香餅漢堡，夾豬柳、蛋和芝士，材料如麥記豬柳蛋漢堡，不過麵包變熱香餅，夠創意！夾杯招牌奶茶$14好正！想食要早啲去排隊。如不想排隊，最好等多幾個星期先去試。

↓點擊圖片放大↓

+3

+2

相關文章：

• 逾10間荃灣美食推介！荃灣餐廳必食老闆娘雲南米線／平價石燒牛／流心蛋包飯／打卡Cafe
• 荃灣民豐粉麵行抵食$6爆餡糯米糍　開心果／手炒花生芝麻餡＋爆汁餃
• 荃灣燒烤海鮮烤魚餐廳「漁樂場」 藤椒烤魚／濕辣牛肉串／麻辣鴨血／鴨屎香檸檬茶
• 荃灣最平$88北海道和牛漢堡扒專門店　席前即燒！即刨半融芝士／肉汁滿瀉
• 荃灣南豐紗廠咖啡與貝果市集　超過20間Coffee & Bagel小店／限定優惠